ປະຊາຊົນບ້ານພະໂພ ມອບສັດປ່າປະເພດຫວງຫ້າມ ຄຶນສູ່ການຄຸ້ມຄອງຂອງລັດ ແລະປ່ອຍສູ່ທຳມະຊາດ

0
416



ໃນຕອນເຊົ້າວັນທີ 4 ມິຖຸນາ 2019 ນີ້ຢູ່ທີ່ຫ້ອງການກອງກວດກາປ່າໄມ້ ບ້ານໜອງນໍ້າຂາວຫຼັກ 11 ເມືອງບາຈຽງຈະເລີນສຸກແຂວງຈຳປາສັກ ໄດ້ຈັດພິທິມອບ – ຮັບສັດປ່າປະເພດຫວງຫ້າມ ບັນຊີ 1 ເຊິ່ງແມ່ນໝີຄວາຍ ຫຼື ເໝືອຍ ຈຳນວນ 1 ໂຕ ແລະ ສັດປ່າປະເພດຄຸ້ມຄອງ ບັນຊີ 2 ໄດ້ແກ່ ລີງ ຈຳນວນ 2 ໂຕ ໃຫ້ຄືນສູ່ການຄຸ້ມຄອງຂອງລັດ,ໂດຍການມອບຂອງທ່ານ ພີມພອນ ແກ້ວພອນຈັນ ປະຊາຊົນບ້ານພະໂພ ເມືອງປະທຸມພອນ ແຂວງຈຳປາສັກ ຮັບແມ່ນກອງກວດກາປ່າໄມ້ແຂວງຈຳປາສັກ ແລະ ໄດ້ມອບຕໍ່ໃຫ້ສວນສັດແຂວງຫຼວງພະບາງເປັນຜູ້ນຳໄປບໍາບັດ ແລະ ປ່ອຍຄືນສູ່ປ່າສະຫງວນທຳມະຊາດ ຕາມຂໍ້ຕົກລົງເຫັນດີຂອງກົມກອງກວດກາປ່າໄມ້.ສັດປ່າຫວງຫ້າມທີ່ນຳມາມອບມີໜີຄວາຍ ຫຼື ເໝືອຍ 1 ໂຕ ແມ່ນເພດແມ່,ອາຍຸ 4 ປີ ນໍ້າໜັກ 25 ກີໂລ , ສ່ວນລີງ ຈຳນວນ 2 ໂຕ ເປັນເພດຜູ້ 1 ໂຕ,ແມ່ 1 ໂຕອາຍຸ 5 ປີ ເຊີ່ງສັດດັ່ງກ່າວເມືອກ່ອນຢູ່ໃນການຄຸ້ມຄອງຂອງທ່ານ ພີມພອນ ປະຊາຊົນບ້ານພະໂພ ເປັນຜູ້ຊື້ຈາກປະຊາຊົນມາລ້ຽງໄວ້.ແຕ່ດ້ວຍຄວາມຕື່ນຕົວສະໝັກໃຈປະຕິບັດຕາມກົດໝາຍວ່າດ້ວຍສັດນໍ້າ,ສັດປ່າ ທ່ານ ພິມພອນ ຈິ່ງໄດ້ມອບສັດປ່າປະເພດຫວງຫ້າມຄືນໃຫ້ລັດຄຸ້ມຄອງ ແລະປ່ອຍສູ່ທຳມະຊາດ.


ໃນພິທີມອບ – ຮັບສັດປ່າຫວງຫ້າມໃນຄັ້ງນີ້ ທ່ານ ກັນຫາ ແກ້ວບົວລະພາ ຮອງຫົວໜ້າພະແນກກະສີກຳ ແລະ ປ່າໄມ້ແຂວງ ມີຄຳເຫັນໂດຍເນັ້ນໃຫ້ທຸກພາກສ່ວນເຂົ້າໃຈກ່ຽວກັບກົດໝາຍການຄຸ້ມຄອງສັດນໍ້າ,ສັດປ່າ ແລະ ຮຽກຮ້ອງໃຫ້ປະຊາຊົນຜູ້ທີ່ມີສັດປ່າປະເພດຫວງຫ້າມໄວ້ໃນການຄອບຄອງ ຫຼືລ້ຽງໄວ້ບໍ່ໄດ້ອະນຸຍາດໃຫ້ຕື່ນຕົວທີ່ນຳມາມອບໃຫ້ລັດເພື່ອນຳໄປປ່ອຍຄືນຄວາມອຸດົມສົມບູນສູ່ທຳມະຊາດ.ເຂົ້າຮ່ວມພິທີມອບຮັບສັດປ່າຍັງມີເຈົ້າໜ້າທີ່ກົມປ່າໄມ້,ພະແນກກະສີກຳ – ປ່າໄມ້,ກອງກວດກາປ່າໄມ້,ຫ້ອງການກະສີກຳປ່າໄມ້ເມືອງປະທຸມພອນ,ຜູ້ຈັດການ ແລະພະນັກງານສວນສັດແຂວງຫຼວງພະບາງ(Free The bears) ອຳນາດການປົກຄອງທີ່ກ່ຽວຂ້ອງອີກຈຳນວນໜື່ງ.

ເກດສະໜາ ແກ້ວສຸວັນນະແສງ(ສວຈ)

LEAVE A REPLY

Please enter your comment!
Please enter your name here