ເມືອງຫົງສາ ແຂວງໄຊຍະບູລີສືບຕໍ່ປຸກເຮືອນໃຫ້ປະຊາຊົນ ບ້ານຫ້ວຍຈ້ວງ ທີ່ໄດ້ຮັບຜົນກະທົບຈາກໄພພິບັດ ລົມພະຍຸພັດ

0
270



ເມືອງຫົງສາ ແຂວງໄຊຍະບູລີ ສືບຕໍ່ປຸກເຮືອນໃຫ້ປະຊາຊົນ ບ້ານຫ້ວຍຈ້ວງ ທີ່ໄດ້ຮັບຜົນກະທົບຈາກໄພພິບັດລົມພະຍຸພັດ ນໍາພາໂດຍ ທ່ານ ນາງ ດາວວິນ ລາດຊະກິດ ຮອງເຈົ້າເມືອງໆຫົງສາ,ມີທ່ານ ບຸນມີ ສີເມືອງ ຫົວໜ້າຫ້ອງການແຮງງານ ແລະ ສະຫັວດດີການສັງຄົມເມືອງ, ມີຄະນະກໍາມະການທີ່ຖືກແຕ່ງຕັ້ງ ຈາກກອງບັນຊາການທະຫານເມືອງ, ກອງພັນ 410, ກອງຮອ້ຍທະຫານຊາຍແດນ 153, ປກສ ກຸ່ມບ້ານພູແລ້ງ ແລະ ພະນັກງານຂອງເມືອງເຂົ້າຮ່ວມຢ່າງພ້ອມພຽງ.


ການປຸກເຮືອນໃນຄັ້ງນີ້ ທາງຄະນະກໍາມະການທີ່ຖືກແຕ່ງຕັ້ງໄດ້ແບ່ງອອກເປັນ 10 ຈຸ, ປະກອບມີ 10 ຫຼັງຄາເຮືອນ, ອຸປະກອນທີ່ນໍາໄປຮັບໃຊ້ໃນຄັ້ງນີ້ປະກອບມີ ສັງກະສີ 8 ຟຸດ ຈໍານວນ 400 ແຜ່ນ, ເຫຼັກຕາປູ ແລະ ຄອ້ນຕີ ລວມມູນຄ່າທັງໝົດ 24 ລ້ານກວ່າກີບ, ການປຸກເຮືອນໃຫ້ປະຊາຊົນ ບ້ານຫວ້ຍຈ້ວງ ທີ່ໄດ້ຮັບຜົນກະທົບຈາກໄພພິບັດ ລົມພະຍຸພັດເປ່ເພເສຍຫາຍ, ໃນຕົ້ນເດືອນພຶດສະສາທີ່ຜ່ານມາ ມີເຮືອນປະຊາຊົນ, ຫອ້ງການບ້ານ, ຫໍພັກພະນັກງານຄູ-ແພດໝໍ ເສຍຫາຍຈໍານວນ 119 ຫຼັງຄາ,

ໃນນັ້ນເສຍຫາຍໜັກ 10 ຫຼັງຄາ, ມູນຄ່າເສຍຫາຍ 600 ລ້ານກວ່າກີບ,ຕໍ່ກັບຜົນເສຍຫາຍດັ່ງກ່າວ,ທາງການນໍາຂັ້ນແຂວງ ຂັ້ນເມືອງ ກໍ່ໄດ້ເອົາໃຈໃສ່ຊວ່ຍເຫຼືອເບື້ອງຕົ້ນເພື່ອຟື້ນຟູຊີວິດການເປັນຢູ່ຂອງເຂົາເຈົ້າໃຫ້ກັບຄືນສະພາບປົກກະຕິໂດຍໄວ, ເຊີ່ງການຊວ່ຍເຫຼືອໃນຄັ້ງນີ້ແມ່ນຄະນະຮັບຜິດຊອບຂັ້ນເມືອງໄດ້ນໍາພາປຸກເຮືອນທີ່ໃຊ້ການບໍ່ໄດ້ຈໍານວນ 10 ຫຼັງ,

ໂດຍການປຸກເຮືອນ, ມຸງຫຼັງຄາ, ແປງຫ້າງ, ຫຼັງຈາກນັ້ນປະຊາຊົນຈະໄດ້ສືບຕໍ່ປັບປຸງໃຫ້ແໜ້ນໜາ ໃນໂອກາດການລົງເຄື່ອນໄຫວເຮັດວຽກໃນຄັ້ງນີ້ ທ່ານນາງ ດາວວິນ ລາດຊະກິດ ຮອງເຈົ້າເມືອງໆຫົງສາ ກໍ່ໄດ້ເຂົ້າຮ່ວມເປີດຫົວບົດສອບເສັງຈົບຊັ້ນປະຖົມປໍ 5 ສູນສອບເສັງໂຮງຮຽນປະຖົມສົມບູນບ້ານຫວ້ຍຈ້ວງ, ເຂົ້າຢຽມຢາມເບີ່ງການສອບເສັງເລື່ອນຊັ້ນມັດທະຍົມຕອນຕົ້ນ, ມັດທະຍົມຕອນປາຍ ແລະ ການສອບເສັງທົດສອບຈົບຊັ້ນ ມໍ4 ແລະ ມໍ7 ຢູ່ໂຮງຮຽນມັດທະຍົມສົມບູນບ້ານພູແລ້ງຕື່ມອີກ.

ຂ່າວ: ບຸນປອນ ສຸກສົມບັດ

LEAVE A REPLY

Please enter your comment!
Please enter your name here