ຕົ້ນໝາກຂີ້ຫູດ ຊ່ວຍຫຼຸດຄວາມດັນໂລຫິດສູງໃຫ້ກັບເປັນປົກກະຕິໄດ້

0
367


ບັນຍາຍລັກສະນະພືດສາດ
ຕົ້ນໝາກຂີ້ຫູດເປັນຕົ້ນໄມ້ຂະໜາດນ້ອຍ ສູງປະມານ 2–8 ແມັດ, ເປືອກຕົ້ນລຽບສີນ້ຳຕານ, ມີໜາມແຫຼມຕາມກີ່ງກ້ານ. ໃບ ເປັນໃບເປັນໃບປະກອບທີ່ມີໃບຍ່ອຍໃບດ່ຽວອອກລຽງສະຫຼັບ. ປາຍໃບ ແລະ ໂຄນໃບມົນ, ຂອບໃບລຽບ, ແຜ່ນໃບລຽບເປັນມັນສີຂຽວເຂັ້ມ, ມີຕ່ອມນ້ຳມັນຢູ່ຕາມຜີວໃບມີກິ່ນຫອມສະເພາະ, ກ້ານໃບມີປີກຄ້າຍໃບ. ດອກອອກເປັນຊໍ່ຕາມຊອກໃບຢູ່ປາຍກີ່ງ, ດອກສີຂາວມີກີບລ້ຽງ 5 ກີບ, ກີບດອກມີ 5 ແສກ, ໂຄນກີບດອກຕິດກັນ.
ໝາກເປັນຮູບຊົງກົມ ຫຼື ຮູບໄຂ່, ໂຄນໝາກຮຽວເປັນຈຸກ ຜີວໝາກເປັນປູດ ມີຕ່ອມນ້ຳມັນ, ໝາກອ່ອນສີຂຽວເຂັ້ມ ເມື່ອສຸກເປັນສີເຫຼືອງມີຣົດສົ້ມ. ແກ່ນກົມຮີສີຂາວ ມີແກ່ນຫຼາຍ.

ບັນຍາຍການນຳໃຊ້
ໃນໃບ ແລະ ໝາກຂີ້ຫູດເມື່ອນຳມາກັ່ນດ້ວຍອາຍນ້ຳຈະໃຫ້ນ້ຳມັນຫອມລະເຫີຍໃນປະລິມານ 0.08% ແລະ 4% ຕາມລຳດັບ. ນ້ຳມັນຫອມລະເຫີຍຈາກຜີວໝາກຂີ້ຫູດມັກປະກອບໄປດ້ວຍເບຕ້າ-ໄພນິນ, ໄລໂມນີນ ແລະ ຊາບີນີນ ເປັນສານຫຼັກ.

ສ່ວນນ້ຳມັນຫອມລະເຫີຍຈາກໃບຈະປະກອບໄປດ້ວຍ ຊີໂທຣເນລລາລ, ໄອໂຊພູລິໂກລ ແລະ ໄລນາລູອໍ ເປັນສານຫຼັກ. ສ່ວນໃນນ້ຳໝາກຂີ້ຫູດມີກົດຊີດິດວິຕາມີນຊີ ແລະ ກົດອິນຊີຊະນິດອຶ່ນໆ ເປັນສ່ວນປະກອບ.ນ້ຳມັນຫອມລະເຫີຍມີສັບພະຄຸນຊ່ວຍຜ່ອນຄາຍຄວາມຄຽດຄາຍຄວາມກັງວົນເຮັດໃຫ້ຈິດໃຈສະຫງົບດ້ວຍການສູດດົມເປືອກໝາກຂີ້ຫູດຈະຊ່ວຍໄດ້ລະດັບໜື່ງແຕ່ການໃຊ້ບໍ່ຄວນໃຊ້ເຂັ້ມຂຸ້ນຫຼາຍກວ່າ 1% ເພາະອາດຈະເຮັດໃຫ້ເກີດການລະຄາຍເຄືອງໄດ້.

ຊ່ວຍຮັກສາຄວາມດັນໂລຫິດສູງໂດຍການນຳເອົາໃບໝາກຂີ້ຫູດໃບສົດຈຳນວນ 10 ໃບ ລ້າງນ້ຳໃຫ້ສະອາດຕົ້ມກັບນ້ຳ 3 ຖ້ວຍໃຫຍ່ ຈົນຟົດ ປະມານ 10–15 ນາທີ ແລ້ວໃສ່ນ້ຳຕານຊາຍແດງເລັກນ້ອຍ ແບ່ງດື່ມຄັ້ງລະ 3 ສ່ວນ 4 ຂອງຈອກ ວັນລະ 2 ຄັ້ງ ກ່ອນອາຫານເຊົ້າແລງ.

ດື່ມຕໍ່ເນື່ອງກັນປະມານ 7 ວັນ ຈະຊ່ວຍຫຼຸດຄວາມດັນໂລຫິດສູງໃຫ້ກັບເປັນປົກກະຕິໄດ້. ສຳລັບຄົນທີ່ເລີ່ມເປັນຄວາມດັນໂລຫິດສູງໃໝ່ໆຈະໄດ້ຜົນດີຫຼາຍ ສ່ວນຜູ້ທີ່ເປັນມາດົນແລ້ວສາມາດທົດລອງຕົ້ມດື່ມຈະຊ່ວຍໄດ້ລະດັບໜື່ງ.
ຂອບໃຈຂໍ້ມູນຈາກ: ພາເຂົ້າລາວ



LEAVE A REPLY

Please enter your comment!
Please enter your name here