ນັກວິທະຍາສາດກັງວົນ ພາວະໂລກຮ້ອນ ກຳລັງເຮັດໃຫ້ລະດັບນ້ຳໃນທະເລສູງຂຶ້ນກ່ວາທີ່ຄາດໄວ້ຫລາຍ

0
285


ຈາກຜົນການສຶກສາໃຫມ່ ເຊິ່ງໄດ້ຈາກຄວາມເຫັນຂອງຜູ້ຊ່ໜງຊານ ຄາດວ່າລະດັບນ້ຳທະເລທົ່ວໂລກອາດຈະສູງຂຶ້ນກ່ວາທີ່ຄາດໄວ້ເຖິງ 2 ເທົ່າ ເຊິ່ງຈະສົ່ງຜົນເຮັດໃຫ້ປະຊາຊົນຫລາຍຮ້ອຍລ້ານຄົນໄດ້ຮັບຜົນກະທົບຫລາຍ ຈົນອາດຈະຕ້ອງຍ້າຍທີ່ຢູ່ອາໃສເລີຍ

ບີບີຊີ ໄດ້ລາຍງານອີກວ່າ ຄຳຖາມກ່ຽວກັບນ້ຳທະເລທີ່ສູງຂຶ້ນເປັນຫນຶ່ງໃນປະເດັນທີ່ມີຂໍ້ຖົກຖຽງກັນຫລາຍທີ່ສຸດ ໂດຍຄະນະກຳມະການລະຫວ່າງລັດຖະບານດ້ານການປ່ຽນແປງສະພາຍອາກາດ (IPCC) ຫລັງຈາກມີລາຍງານການປະເມີນຄັ້ງທີ່ 5 ທີ່ຕີພິມອອກໃນປີ 2013 ລະບຸວ່າພະວະໂລກຮ້ອນຍັງດຳເນີນຕໍ່ໄປ ຖ້າຫາກວ່າຍັງບໍ່ມີການຫລຸດຈຳນວນປະລິມານການປ່ອຍກ໊າດ GreenHouse ຢ່າງຫລວງຫລາຍ ສາມາດເຮັດໃຫ້ລະດັບນ້ຳທະເລທົ່ວໂລກສູງຂຶ້ນລະຫວ່າງ 52-98 ຊັງຕີແມັດ ໃນປີ 2100

ແຕ່ຕາມຄວາມເຫັນຂອງນັກວິໄຈເຊື່ອວ່າ ຖ້າຫາກການປ່ອຍກ໊າດ Greenhouse ເລື້ອຍໆ ຈະເຮັດໃຫ້ລະດັບນ້ຳທະເລສູງຂຶ້ນເຖິງປະມານ 62-238 ຊັງຕີແມັດໃນປີ 2100 ເລີຍ. ເນື່ອງຈາກອຸ່ນຫະພູມໂລກຈະສູງຂຶ້ນປະມານ 5 ອົງສາເຊວຊີສ໌ ໂດຍປັດຈຸບັນອຸ່ນຫະພູມໂລກສູງຂຶ້ນແລ້ວ 2 ອົງສາເຊວຊີ້ສ໌ ແລະ ຍັງຄົງສົ່ງຜົນໃຫ້ແຜ່ນນ້ຳແຂງທີ່ຢູ່ກຣີນແລນ ດິນແດນທາງເຫນືອສຸດຂອງໂລກຕັ້ງຢູ່ໃນມະຫາສະຫມຸດອາກຕິກແລະເປັນເກາະທີ່ໃຫຍ່ທີ່ສຸດໃນໂລກ ເປັນປັດໄຈສຳຄັນດຽວທີ່ເຮັດໃຫ້ລະດັບນ້ຳໃນທະເລສູງຂຶ້ນ ແຕ່ຖ້າມື້ໃດອຸນຫະພູມໂລກສູງກ່ວານີ້ ແຜ່ນນ້ຳກ້ອນທີ່ມະຫາສະໝຸດແອນຕາກທີ່ມີຂະຫນາດໃຫຍ່ກ່ວາຫລາຍ ຈະເລີ່ມລະລາຍ ອັນເປັນເຫດໃຫ້ລະດັບນ້ຳທະສູງກ່ວາທີ່ຄາດການໄວ້ຫລາຍ.



LEAVE A REPLY

Please enter your comment!
Please enter your name here