ເຈົ້າ​ໜ້າ​ທີ່ ປກ​ສ ແຂວງ ສະຫວັນນະເຂດ ກັກ​ຜູ້​ຄ້າ​ຂາຍ​ຢາ​ເສບ​ຕິດ​ໄດ້ 2 ຄົນ ພ້ອມ​ຢຶດ​ຢາ​ບ້າ​ໄດ້ 30.000 ເມັດ

0
924


ໃນວັນທີ 27 ເມສາ 2019 ຜ່ານມານີ້ເຈົ້າໜ້າທີ່ພະແນກ ຕຳຫຼວດ ສະກັດກັ້ນແລະຕ້ານ ຢາເສບຕິດ ປກສ ແຂວງສະ ຫວັນນະເຂດໄດ້ກັກຕົວຜູ້ຄ້າ ຂາຍຢາເສບຕິດໄດ້ 02 ຄົນ ພ້ອມຂອງກາງຢາບ້າ15ມັດ ຫຼື 30.000 ເມັດ ເຈົ້າໜ້າທີ່ ໃຫ້ຮູ້ວ່າໃນເວລາປະມານ 8 ໂມງຂອງວັນ ທີ 27 ເມສາ 2019 ໄດ້ຮັບການລາຍງານ ວ່າ: ມີກຸ່ມຄົນບໍ່ດີຈຳນວນໜຶ່ງ ກຳລັງເຄື່ຶອນໄຫວຄ້າຂາຍ ຢາເສບຕິດຢູ່ຂອບເຂດບ້ານ ດົງໂພສີ ເມືອງໄຊພູທອງແຂວງ ສະຫວັນນະເຂດ ເມື່ອໄດ້ຮັບ ການລາຍງານ ທາງເຈົ້າໜ້າທີ່ ພະແນກຕຳຫຼວດສະກັດກັ້ນ ແລະຕ້ານຢາເສບຕິດ ປກສ ແຂວງ ຈຶ່ງໄດ້ຈັດຕັ້ງກຳລັງວິຊາສະເພາະລົງພິສູດແຫຼ່ງຂ່າວ ດັ່ງກ່າວ ເຫັນວ່າມີມູນຄວາມ ຈິງຈຶ່ງໄດ້ຈັດຕັ້ງກຳລັງລົງ ມ້າງລາຍຄະດີນີ້ຢ່າງຮີບດ່ວນ.

ຕົກມາຮອດເວລາປະມານ15 ໂມງຂອງວັນດຽວກັນຈຶ່ງໄດ້ ເຫັນກຸ່ມຄົນບໍ່ດີດັ່ງກ່າວມີການ ເຄື່ອນໄຫວຊື້-ຂາຍຢາເສບຕິດ ເຈົ້າໜ້າທີ່ຈຶ່ງໄດ້ສະແດງຕົວ ເຂົ້າຈັບກຸມ, ສາມາດກັກຕົວຜູ້ ຄ້າຂາຍໄດ້ 2 ຄົນ. ຜ່ານການ ສືບສວນ-ສອບສວນໃນເບື້ອງ ຕົ້ນຊາບຊື່ ທ້າວ ສີທາ ພັນທະ ລາດ ຫຼື ເປດ ອາຍຸ 49 ປີ ເຮັດນາ ຢູ່ບ້ານພູມມະເຈດີເມືອງໄຊພູ ທອງ ແລະທ້າວ ສິດທິພົນ ວົງສຸດທິຈັກ ອາຍຸ 48 ປີ ກຳ ມະກອນບ້ານອຸດົມມີໄຊ ເມືອງ ອຸທຸມພອນ ທັງສອງເປັນຄົນ ແຂວງສະຫວັນນະເຂດ ພ້ອມ ຢຶດຂອງກາງມີຢາບ້າ 15 ມັດ, ລົດກະບະຟອດເຣນເຈີ້ສີເທົາ ດຳ ທະບຽນ ກນ 9569 ສະ ຫວັນນະເຂດ, ໂທລະສັບ 04 ໜ່ວຍ ແລະເງິນບາດຈຳນວນ 30.000 ບາດ.


ຈາກການສອບສວນໃນ ເບື້ອງຕົ້ນພວກກ່ຽວໄດ້ຮັບ ສາລະພາບວ່າ: ຢາບ້າຈຳນວນ ດັ່ງກ່າວແມ່ນຂອງພວກກ່ຽວ ແທ້ ເຊິ່ງຮັບມາຈາກຜູ້ຮ່ວມຂະ ບວນການຂອງເຂດເມືອງໄຊ ພູທອງ ຈຸດປະສົງແມ່ນເພື່ອນຳ ໄປຂາຍສົ່ງໃຫ້ກັບຜູ້ຄ້າຂາຍ ທີ່ີມາຈາກເມືອງເຊໂປນໃນລາ ຄາມັດລະ 25.000 ບາດ ສ່ວນ ພວກຮ່ວມຂະບວນການທາງ ເຈົ້າໜ້າທີ່ຍັງສືບຕໍ່ນຳຈັບຕົວ ມາດຳເນີນຄະດີຕາມລະບຽບ ກົດໝາຍຕໍ່ໄປ.ພາບ-ຂ່າວ: ນສພ ສະຫວັນພັດທະນາ



LEAVE A REPLY

Please enter your comment!
Please enter your name here