ທ່ານນາ​ຍົກ​ທອງລຸນ ສີສຸລິດ ມີ​ຄຳ​ສັ່ງ​ ໃຫ້ກວດ​ສອບ ​ມູນ​ຄ່າ​ການ​ກໍ່​ສ້າງ ​ຖະ​ໜົນ​ທຸກ​ໂຄງການທົ່ວປະເທດ

0
283



ນາ​ຍົກ​ລັດ​ຖະ​ມົນ​ຕີ ລາວ ມີ​ຄຳ​ສັ່ງ​ໃຫ້​ທຳ​ການກວດ​ສອບ​ມູນ​ຄ່າ​ການ​ກໍ່​ສ້າງ​ຖະ​ໜົນ​ທຸກ​ໂຄງການໃນທົ່ວປະເທດ ເພາະການກວດສອບຫຼາຍໂຄງການທີ່ຜ່ານມາພົບວ່າມີການກຳນົດມູນຄ່າສູງເກີນຈິງ.

“ທ່ານ ບຸນ​ຈັນ ສິນທະວົງ“ ລັດ​ຖລັດຖະມົນຕີກະ​ຊວງ​ໂຍ​ທາ​ທິ​ການ ແລະ ຂົນ​ສົ່ງ ຖະ​ແຫຼງຢືນຢັນວ່າ ການດຳເນີນມາດຕະການກວດສອບໂຄງການກໍ່ສ້າງຖະໜົນໃນຫຼາຍແຂວງເມື່ອບໍ່ດົນມານີ້ພົບວ່າ ມີການກຳນົດມູນຄ່າການກໍ່ສ້າງເກີນຄວາມເປັນຈິງທຸກໂຄງການທີ່ໄດ້ດຳເນີນການກວດສອບດັ່ງກ່າວ ແລະ ກໍໄດ້ເປັນຜົນເຮັດໃຫ້ທ່ານ ທອງລຸນ ສີສຸລິດ ນາຍົກລັດຖະມົນຕີ ມີຄຳສັ່ງເຖິງ “ກະຊວງໂຍທາທິການ ແລະ ຂົນສົ່ງ“ ເພື່ອໃຫ້ດຳເນີນການກວດສອບທຸກໂຄງການກໍ່ສ້າງຖະໜົນໃນທົ່ວປະເທດທັງທີ່ກຳລັງກໍ່ສ້າງ ແລະ ທີ່ໄດ້ອະນຸມັດໂຄງການໄປແລ້ວນັ້ນຢ່າງລະອຽດ ດັ່ງທີ່ທ່ານ ບຸນຈັນ ຢືນຢັນວ່າ:

“ປະ​ມູນ​ອັນ​ນີ້​ຍັງ​ມີ​ບັນ​ຫາ ແລະ ພວກ​ເຮົາ​ກະ​ພະ​ຍາ​ຍາມກວດ​ເທົ່າ​ທີ່ກວດ​ໄດ້​ ເປັນ​ຕົ້ນ​ຢູ່ຜົ້ງສາລີ ຢູ່ແຂວງຊຽງຂວາງ ຢູ່ແຂວງໄຊສົມບູນ ຫຼື ຢູ່ແຂວງອື່ນໆ ຫຼື ຢູ່ແຂວງວຽງຈັນນີ້ ທາງໂພນໝີ-ທ່າລາດນີ້ ກະປູຢາງສອງຊັ້ນ ສະເໜີມາ 49 ຕື້ , ທ່ານນາຍົກຊີ້ນຳວ່າ
ໃຫ້ລົງໄປກວດກາ ຂ້າພະເຈົ້າກໍໄປ ໄປສຳຫຼວດ-ອອກແບບມາ ປະມູນ 13 ຕື້ປາຍ ຫຼຸດລົງເທົ່າໃດຈາກ 49 ກັບ 13 ຕື້ປາຍ.”

ນອກ​ຈາກ​ນັ້ນ ບັນ​ດາ​ໂຄງ​ການ​ພັດ​ທະ​ນາ​ຕ່າງໆ​ທີ່​ພາກ​ເອ​ກະ​ຊົນ​ລົງ​ທຶນ​ໃຫ້​ກ່ອນ​ກໍ​ເປັນ​ອີກພາກສ່ວນນຶ່ງທີ່ມີການປະເມີນມູນຄ່າເກີນຈິງດ້ວຍເຊັ່ນກັນ ຊຶ່ງເຮັດໃຫ້ລັດຖະບານລາວ ຕ້ອງເປັນໜີ້ເພີ່ມສູງຂຶ້ນນັບມື້ໂດຍຊ່ຽວຊານທາງດ້ານການເງິນຂອງທະນາຄານໂລກປະຈຳ ສປປ ລາວ ເປີດເຜີຍວ່າ ລັດຖະບານ ລາວ ເປັນໜີ້ຈາກການກູ້ຢືມເງິນທຶນທັງພາຍໃນ ແລະ ຕ່າງປະເທດເພື່ອນຳມາໃຊ້ສຳລັບການດຸ່ນດ່ຽງງົບປະມານລາຍຈ່າຍ.


SPM Thongloun Sisoulith

LEAVE A REPLY

Please enter your comment!
Please enter your name here