ຮຸນເຊນ ຈັດລົດເມຟຣີ 120 ຄັນ ສົ່ງປະຊາຊົນກັບບ້ານ ຊ່ວງສົງການ

0
231

ສຳນັກຂ່າວຊິນຫົວລາຍງານ ວ່າລັດຖະບານກຳປູເຈຍຖະແຫຼງເມື່ອອາທິດທີ່ຜ່ານມາວ່ານາຍົກລັດຖະມົນຕີຮຸນ ເຊນ ໄດ້ກຽມຈັດລົດເມໂດຍສານຈຳນວນ 120 ຄັນ ໃຫ້ບໍລິການສົ່ງປະຊາຊົນເດີນທາງກັບບ້ານເກີດໃນຊ່ວງປີໃຫ່ມກຳປູເຈຍລະຫວ່າງວັນທີ່ 12-18 ເມສານີ້


ລາຍງານລະບຸວ່າລົດເມທັງ 120 ຄັນຈະມີຈຸດເລີ່ມຕົ້ນທີ່ນະຄອນພະນົມເປນ ກ່ອນຈະສົ່ງຜູ້ຄົນອອກຈາກນະຄອນພະນົມເປນໄປຍັງບ້ານເກີດຕາມພາກຕ່າງໆທົ່ວປະເທດ ລວມເຖິງໃຫ້ບໍລິການຮັບປະຊາຊົນຈາກຕ່າງແຂວງເດີນທາງເຂົ້າມາໃນນະຄອນພະນົມເປນດ້ວຍໂດຍບໍ່ເສຍຄ່າໃຊ້ຈ່າຍໃດໆທັງນັ້ນ ແລະໃຫ້ບໍລິການຮັບສົ່ງກັບທຸກຄົນໂດຍບໍ່ມີເງື່ອນໄຂ


ລົດເມໂດຍສານທີ່ແລ່ນໃຫ້ບໍລິການໃນຫລາຍເມືອງທົ່ວປະເທດໂດຍສະເພາະໃນນະຄອນພະນົມເປນນັ້ນ ໄດ້ຮັບບໍລິຈາກທາງລັດຖະບານຈີນຕັ້ງແຕ່ເດີືອນກໍລະກົດ 2017 ໂດຍລັດຖະບານລະບຸວ່າ ລົດໂດຍສານທີ່ກຳລັງຈະໄດ້ຮັບມອບອີກນີ້ຈະຖືກນຳໄປໃຫ້ບໍລິການຕາມທາງຫລວງທັງ 8 ແຫ່ງທົ່ວປະເທດທີ່ເຊື່ອມລະຫວ່າງນະຄອນພະນົມເປນໄປຍັງແຂວງຕ່າງໆ ສ່ວນນະໂຍບາຍໃຫ້ບໍລິການໂດຍສານຟຣີນີ້ເລີ່ມຕົ້ນມາຕັ້ງແຕ່ປີ 2018 ແລ້ວເພື່ອປ້ອງກັນບໍ່ໃຫ້ຜູ້ບໍລິການລົດໂດຍສານເອກະຊົນ ແລະແທັກຊີ່ອາໄສຈັງຫວະເທດສະການຢຸດຍາວຂື້ນລາຄາຄ່າໂດຍສານ


ທີ່ຜ່ານມາທາງການຈີນໄດ້ບໍລິຈາກລົດເມໂດຍສານໃຫ້ກັບກຳປູເຈຍມາຕັ້ງແຕ່ປີ 2017 ແລ້ວຫລາຍລ໊ອດ ແລະກຳລັງຈະໄດ້ຮັບສົ່ງມອບໃນອີກຫລາຍຄັນຕາມມາ ສຳລັບເທດສະການປີໃຫ່ມກຳປູເຈຍ (ສົງການ) ຈະເລີ່ມຕົ້ນລະຫວ່າງວັນທີ່ 14-16 ເມສາ ໂດຍປະຊາຊົນຊາວກຳປູເຈຍຈຳນວນຫລາຍຕ່າງເດີນທາງກັບພູມລຳເນົາເພື່ອສະຫລອງວັນຢຸດຍາວກັບຄອບຄົວ

LEAVE A REPLY

Please enter your comment!
Please enter your name here