30 C
Vientiane
ວັນອັງຄານ, ເດືອນຕຸລາ 4, 2022

ອີກລາຍ ຜູ້ສາວໄປປາຕີ້ເກີດອາການຊອ໋ກໝົດສະຕິ ບໍ່ຮູ້ວ່າລາວເສບຫຼືກິນຫຍັງລົງໄປ ແຕ່ຫົວໃຈເຕັ້ນສູງແຮງ

ເປັນແສ້ເປັນສາວ ຜູ້ເຖົ້າຜູ້ແກ່ວ່າຕ້ອງຮັກເນື້ອສະຫງວນຕົວ ແຕ່ຄົນສະໄໝນີ້ຖ້າເວົ້າແບບນີ້ກໍຫາວ່າເປັນກົບໃນກະລາ ມັນກາຍຍຸກແລ້ວ ເຖິງຢ່າງໃດກໍ່ຕາມຮັກໂຕເອງລະວັງການໃຊ້ຊີວິດຈະດີຍິ່ງກວ່າການລອງໄປທຸກຢ່າງມັນທ້າທາຍກໍ່ຈີງ ແຕ່ທ້າທາຍຮອດຊີວິດ ກໍ່ຄວນຄິດສົງສານຄົນທີ່ເປັນພໍ່ແມ່ລ້ຽງດູມາຢ່າງຖະໜຸຖະໜອມແດ່

ທີ່ແອັດເວົ້າມາບໍໄດ້ມີເຈດຕະນາໂຈມຕີໃຜ ເພາະເງິນທີ່ໃຊ້ຈ່າຍບໍ່ແມ່ນຂອງແອັດສຸຂະພາບ ແລະຊື່ສຽງກໍ່ບໍແມ່ນ ພຽງແຕ່ຢາກເຕືອນສະຕິຄົນລຸ້ນໃໝ່ເທົ່ານັ້ນເອງ ພາຍຫຼັງເຫັນຂ່າວນີ້.

ເພາະຢາເສບຕິດສະໄໝນີ້ 🙄ບໍ່ແມ່ນຢາມ້າ ບໍ່ແມ່ນຝີ່ນ ແຕ່ເປັນຈຳພວກ ໄອ ເຄ ກາເຟ ກະທ໋ອມ ປຸມເປົ້າ ເກີດຂຶ້ນເລື້ອຍໆກັບໄວລຸ້ນໄວຄະນອງ ແລະລາຍນີ້ຜູ້ສາວໄປປາຕີ້ເກີດອາການຊອ໋ກໝົດສະຕິ

ສຳລັບສາວຄົນນີ້ບໍ່ຮູ້ວ່າລາວເສບຫຼືກິນຫຍັງລົງໄປ ແຕ່ຫົວໃຈເຕັ້ນສູງແຮງ ຄາດວ່າໜ້າຈະເອົາເຂົ້າຮ່າງກາຍເກີນຂະນາດອາດຈະເກິດອາການຊອ໋ກຂຶ້ນ.

ສະຖານທີ່ເກີດເຫດຢູ່ບ້ານພັກແຫ່ງໜື່ງທີ່ບ້ານ ດົງຄຳຊ້າງ ເມືອງຫາດຊາຍຟອງນະຄອນຫຼວງວຽງຈັນ  ໃນວັນທີ 03/06/2022 ເວລາ:02:43 ນາທີ ໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າມີເຫດຄົນຊ໋ອກຢາ.

ທີມກູ້ໄພໄປຮອດຈຸດເກີດເຫດ ພົບວ່າຜູ້ປະສົບເຫດເປັນຍິງສາວອາການ: ເມີດສະຕິແລະຊ໋ອກ
ດັ່ງນັ້ນ, ທີມງານໜ່ວຍກູ້ໄພນະຄອນຫຼວງວຽງຈັນ1624ຈຶ່ງໄດ້ຊ່ວຍປະຖົມພະຍາບານຂັ້ນເບື້ອງຕົ້ນແລ້ວນຳສົ່ງໂຮງໝໍ ເສດຖາທິລາດ ເພື່ອປິ່ນປົວໃຫ້ຊ່ວງເຊົາ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here