30 C
Vientiane
ວັນອັງຄານ, ເດືອນຕຸລາ 4, 2022

ປກສ ແຂວງຫົວພັນ ໄດ້ຈັດພິທີປະກາດປ່ອຍຕົວນັກໂທດກ່ອນກໍານົດ 19 ຄົນ

ວັນທີ 24 ພຶດສະພາ 2022 ຜ່ານມານີ້, ຄ້າຍຄຸມຂັງ ສູນວັງລົມ ປກສ ແຂວງຫົວພັນ ໄດ້ຈັດພິທີປະກາດ ປ່ອຍຕົວນັກໂທດກ່ອນກໍານົດໂດຍມີເງື່ອນໄຂ, ໂດຍການເປັນປະທານຂອງ ທ່ານ ນາງ ພອນວັນ ທອງສະຫວັດ ຜູ້ພິພາກສາ ສານປະຊາຊົນ ແຂວງຫົວພັນ, ມີຜູ້ຕາງຫນ້າ ອົງການໄອຍາການປະຊາຊົນແຂວງ, ຜູ້ຕາງຫນ້າສານ ປະຊາຊົນ ຕະຫຼອດຮອດນັກໂທດທີ່ໄດ້ຮັບການອະໄພຍະໂທດ ເຂົ້າຮ່ວມ.

ການອະນຸມັດປ່ອຍຕົວນັກໂທດກ່ອນກໍານົດຄັ້ງນີ້ ຈໍານວນ 19 ຄົນ ຍິງ 3 ຄົນ; ເຊິ່ງນັກໂທດຈໍານວນດັ່ງກ່າວຕະຫຼອດໄລຍະທີ່ຜ່ານມາໃນການປະຕິບັດໂທດແມ່ນມີການປະພຶດຕົນເອງດີ, ມີຄວາມກ້າວຫນ້າ ແລະ ໄດ້ຮັບການເປັນບຸກຄົນທີ່ດີໃນການດັດສ້າງຕະຫຼອດມາ.

ສະນັ້ນ, ຈຶ່ງໄດ້ຮັບການປ່ອຍຕົວກ່ອນກໍານົດໂດຍ ມີເງື່ອນໄຂ ຕາມຄໍາຖະແຫຼງຂອງຫົວຫນ້າອົງການ ໄອຍາການປະຊາຊົນ ແຂວງຫົວພັນ ວ່າດ້ວຍການປ່ອຍຕົວນັກໂທດກ່ອນກໍານົດໂດຍມີເງື່ອນໄຂ ສະບັບ ເລກທີ 02/ອກຍຫພ ລົງວັນທີ 9 ພຶດສະພາ 2022.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here