ເລົ່າຄືນເລື່ອງສຸດສະເທືອນໃຈ ທີ່ຫມູ່ 4 ບ້ານບາງຄຣາມ ຕ. ອ່າວຕົງ ເມືອງ ວັງວິເສດ ແຂວງ ຕຣັງ ເຮືອນເປັນຕູບນ້ອຍໆ ທີ່ຊາວບ້ານສົງສານໃຫ້ພັກອາໃສຢູ່ ປິດຫຸ້ມດ້ວຍແຜ່ນ ໄວນິດ ແລະຜ້າຫົ່ມ
ໂດຍລວມບໍ່ມີສິ່ງຂອງເຄື່ອງໃຊ້ຫຍັງເລີຍ ພຽງແຕ່ເສື້ອຜ້າບໍ່ພໍເທົ່າໃດ ສອງອ້າຍນ້ອງເປັນເດັກຊາຍທັງສອງ ຮ່າງກາຍກະໂຊມ ຕາເຫຼືອງ ເນື່ອງຈາກວ່າຮ່າງກາຍຂາດສານອາຫານ ນໍ້າກະບໍ່ໄດ້ອາບ ເຄື່ອງນຸ່ງຫົ່ມແມ່ນເປື້ອນແລະເຈີ້ະ
ບາງມື້ລາວໃສ່ເສື້ອພຽງໂຕດຽວ ແລະ ບໍ່ມີເກີບ ນ້ອງຊາຍອາຍຸ 6 ປີຮຽນຢູ່ອະນຸບານ 3 ແຕ່ບໍ່ຄ່ອຍໄດ້ໄປໂຮງຮຽນ, ລາວຮັກນ້ອງລາວຫຼາຍ ແລະ ເບິ່ງແຍງນ້ອງລາວດີ ນ້ອງລາວຫິວເຂົ້າກໍຈະພາອອກໄປຂໍອາຫານ ແລະນ້ຳ ກັບຊາວບ້ານທີ່ຢູ່ໃກ້ຄຽງກິນ ເຊິ່ງມີຈໍານວນຫນ້ອຍ ຊາວບ້ານພາກັນສົງສານ ແລະ ເອົາອາຫານ, ນ້ຳ, ອາຫານຫວ່າງໃຫ້ເຂົາເຈົ້າກິນ
ສ່ວນພໍ່ເດັກ ຊາວເກາະລັນຕາ ແຂວງກະບີ່ ໄດ້ເລີກກັບແມ່ເດັກ ແມ່ເດັກໄດ້ພາລູກກັບຄືນເມືອບ້ານ ຢູ່ແຂວງຕຣັງ ແຕ່ບໍ່ມີບ່ອນຢູ່ ດັ່ງນັ້ນຈຶ່ງໄປເຊົ່າເຮືອນຢູ່ ບໍ່ມີເງິນຈ່າຍຄ່າເຊົ່າ ເຈົ້າຂອງບ້ານຈຶ່ງໃຫ້ອອກ
ໃນທາງກົງກັນຂ້າມ, ພໍ່ຂອງເດັກ ບໍ່ເຄີຍສົ່ງເງິນໄປຊ່ວຍເຫລືອ ຊາວບ້ານຮູ້ສຶກສົງສານ ແລະ ໄດ້ໃຫ້ທີ່ພັກອາໃສຢູ່ໃນຕູບ ແຕ່ແມ່ເດັກກໍບໍ່ຄ່ອຍໄດ້ຢູ່ ເພາະມີຜົວໃໝ່ ຕ້ອງໄປຊ່ວຍຜົວຕັດຢາງ, ຫ່າງຈາກເຮືອນປະມານ 5 ກິໂລແມັດ
ຜົວໃໝ່ກໍ່ມີລູກໜຶ່ງຄົນຄື “ນາງ ສົມລິດ ວັນນະບັນ” ອາຍຸ 24 ປີ ແມ່ຂອງສອງອ້າຍນ້ອງເລົ່າສູ່ຟັງດ້ວຍນ້ຳຕາວ່າ ຖ້າໃຜຈະເອົາລູກໄປລ້ຽງ ກໍ່ພ້ອມທີ່ຈະໃຫ້ ແລະ ຮູ້ສຶກເສຍໃຈ ຢາກໃຫ້ລູກມີຊີວິດທີ່ດີຂຶ້ນ
ຂອບໃຈເຈົ້າຫນ້າທີ່ຜູ້ກູ້ໄພ ເມືອງວັງວິເສດ, ແຂວງຕຣັງ ໄດ້ນຳເອົານັກຂ່າວລົງພື້ນທີ່ ເພື່ອກວດກາຊີວິດການເປັນຢູ່ແລະໃຫ້ການຊ່ວຍເຫຼືອເບື້ອງຕົ້ນ
