24 C
Vientiane
ວັນສຸກ, ເດືອນມີນາ 24, 2022

ຈັດສົ່ງແຮງງານລາວ ໄປເຮັດວຽກຕາມລະດູການ ທີ່ປະເທດ ສ.ເກົາຫຼີ.

ຫຼາຍຄົນຍັງສົງໄສຢູ່ວ່າໄດ້ໄປແທ້ບໍໆ ຄືເສຍເງິນຫຼາຍແທ້ໄປແລ້ວຈະຄຸ້ມບໍ? ຄຳຖາມໃນຫົວໄຫຼມາຕໍ່ເນື່ອງແຕ່ຜູ້ເຂົາບໍ່ລັງເລແມ່ນໄດ້ອອກເດີນທາງແລ້ວ 2-3 ຊຸດ ອີກຢ່າງແອັດບອກເດີ້ ແອັດບໍແມ່ນຄົນຜູ້ຮັບຄົນງານເດີ້ ພຽງແຕ່ນຳຂ່າວມາກະຈາຍໃຫ້ຜູ້ທີ່ຢາກໄປເຮັດວຽກໄດ້ຮູ້ເທົ່ານັ້ນ ແຕ່ທຸກຄັ້ງແມ່ນແອັດໄດ້ແບບຕິດບ່ອນຕິດຕໍ່ໃຫ້ພ້ອມ ຢ່າອ່ານແຕ່ຫົວຂໍ້ຈົ່ງກົດໄປອ່ານເນື້ອໃນ ເພື່ອໃຫ້ທ່ານທີ່ຢາກໄປໄດ້ເຂົ້າສູ່ຂະບວນການໄວຂຶ້ນ.

ສຳລັບໜຶງຊຸດທີ່ກຳລັງໄປເຮັດວຽກຕາມລະດູການ 5 ເດືອນ ພິທີເປີດຊຸດຝຶກອົບຮົມ ແນະນໍາກ່ອນການຈັດສົ່ງແຮງງານລາວ ໄປເຮັດວຽກທີ່ປະເທດ ສ.ເກົາຫຼີ ພາຍໃຕ້ການຈັດສົ່ງຂອງ ບໍລິສັດ ສະຫວັນບໍລິການຈັດຫາງານ ຈໍາກັດ ຈັດຂຶ້ນວັນທີ 23 ພຶດສະພາ 2022 ຜ່ານມາ. ເປັນກຽດເຂົ້າຮ່ວມພິທີ ໂດຍ ທ່ານ ນາງ ວັນນີ ແກ້ວໄຊຍະວົງ ຮອງຫົວໜ້າກົມການຈັດຫາງານ, ກະຊວງແຮງງານ ແລະ ສະຫວັດດີການສັງຄົມ.

ການຈັດສົ່ງແຮງງານລາວໄປເຮັດວຽກຕາມລະດູການ ທີ່ ປະເທດ ສ.ເກົາຫຼີ ໃນຄັ້ງນີ້, ມີແຮງງານລາວທີ່ຜ່ານການຄັດເລືອກ ທັງໝົດຈໍານວນ 190 ຄົນ, ຍິງ 89 ຄົນ ຊຶ່ງຈະໄປເຮັດວຽກຢູ່ 2 ເມືອງ ຄື: ເມືອງ Yeongdeok ຈໍານວນ 45 ຄົນ, ຍິງ 15 ຄົນ ແລະ ເມືອງ Hoengseong ຈໍານວນ 145 ຄົນ, ຍິງ 74 ຄົນ. ຈາກນັ້ນ ວິຊາການກົມການການຈັດຫາງານ ໄດ້ ແນະນໍາອະທິບາຍຂັ້ນຕອນຕ່າງໆ ໃຫ້ກັບແຮງງານ ລາວ ກ່ອນທີ່ຈະອອກເດີນທາງ ໄປເຮັດວຽກທີ່ ປະເທດ ສ.ເກົາຫຼີ .

ສໍາລັບທ່ານໃດທີ່ມີຄວາມສົນໃຈໄປເຮັດວຽກທີ່ປະເທດ ສ.ເກົາຫຼີ ໃຫ້ຕິດຕໍ່ປະສານງານເພື່ອຫາຂໍ້ມູນລາຍລະອຽດເພີ່ມຕື່ມກັບ: 1. ບໍລິສັດ ສະຫວັນບໍລິການ ຈັດຫາງານ ໂທ: 021 465059, 030 2222119.

2. ບໍລິສັດ ໄອຈ໋ອບ ໂທ: 021 563091, 030 2002000. 3. ພະແນກແຮງງານ ແລະ ສະຫວັດດີການສັງຄົມ ແຂວງ/ນະຄອນຫຼວງ 4. ກະຊວງແຮງງານ ແລະ ສະຫວັດດີການສັງຄົມ
ໂທ: 021 217738

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here