30 C
Vientiane
ວັນອັງຄານ, ເດືອນຕຸລາ 4, 2022

ຮ້ານຂາຍເຄື່ອງຢູ່ເທິງຜາ ຄົນຊື້-ຂາຍຕ້ອງປີນຂຶ້ນໄປ 120 ແມັດ

ຮູບ ແລະ ວິດີໂອຂອງຮ້ານຂາຍເຄື່ອງແຫ່ງໜຶ່ງໃນຈີນກາຍເປັນຂ່າວໃຫຍ່ ເພາະສະຖານທີ່ຕັ້ງຂອງຮ້ານຢູ່ເທິງຜາ ເຊິ່ງສູງຈາກພື້ນດິນປະມານ 120 ແມັດ ໂດຍຈະຈຳໜ່າຍສິນຄ້າໃຫ້ບັນດານັກປືນຜາໂດຍສະເພາະ.

‘ຮ້ານຂາຍເຄື່ອງທີ່ບໍ່ສະດວກທີ່ສຸດໃນໂລກ’ ກາຍເປັນສາຍາຂອງຮ້ານຄ້າແຫ່ງໜຶ່ງໃນຈີນ ເຊິ່ງຕັ້ງຢູ່ເທິງຜາແຫ່ງໜຶ່ງໃນອຸທະຍານທໍລະນີວິທະຍາແຫ່ງຊາດສືໜິວຈ້າຍ ມົນທົນຫູໜານ ສະຖານທີ່ທ່ອງທ່ຽວທີ່ມີຊື່ສຽງຂອງຈີນ ໂດຍສະເພາະພື້ນທີ່ທີ່ເປັນຜາສູງຊັນຫລາຍແຫ່ງ ໂດຍຮ້ານດັ່ງກ່າວມີຄວາມສູງກວ່າລະດັບພື້ນດິນ 120 ແມັດ.

ຮ້ານດັ່ງກ່າວມີລັກສະນະຄືກ່ອງໄມ້ຂະໜາດໃຫຍ່ທີ່ແຂວນເກາະຢູ່ກັບຜາ ຈຳໜ່າຍສິນຄ້າປະເພດເຄື່ອງດື່ມ ແລະ ອາຫານເບົາໆໃຫ້ກຸ່ມນັກປືນຜາທີ່ຕ້ອງການຢຸດພັກລະຫວ່າງທາງ.

ຕາມລາຍງານຂອງ ‘CCTV’ ສື່ຫລັກຂອງຈີນ ຮ້ານຄ້າດັ່ງກ່າວສ້າງໂດຍທີມຜູ້ສອນການປືນຜາ ໂດຍຈຳໜ່າຍສິນຄ້າປະເພດເຄື່ອງດື່ມ, ເຂົ້າໜົມໃນລາຄາທີ່ບໍ່ແພງເຊັ່ນ: ນ້ຳລ້າລາຄາຕຸກລະ 1 ຢວນ.

ເນື່ອງຈາກຮ້ານມີເນື້ອທີ່ຈຳກັດປະມານ 1 ຕາແມັດ ຈຶ່ງຮອງຮັບພະນັກງານໄດ້ພຽງເທື່ອລະ 1 ຄົນ ວຽກຫລັກຂອງພວກເຂົາຄືຖ້າຕື່ມສະຕັອກສິນຄ້າທຸກເຊົ້າມືດ.

ພະນັກງານຂອງຮ້ານຄົນໜຶ່ງໃຫ້ສຳພາດຕໍ່ນັກຂ່າວວ່າ: ທາງຮ້ານບໍ່ໄດ້ກຳໄລຈາກທຸລະກິດຫລາຍ, ແຕ່ບັນດານັກປືນຜາຕ່າງຊາບຊຶ້ງທີ່ມີຮ້ານນີ້ໃຫ້ບໍລິການ ພວກເຂົາຈຶ່ງຮູ້ສຶກວ່າການເຮັດວຽກຂອງຕົນເອງມີຄຸນຄ່າ ແລະ ຄວາມໝາຍ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here