22.7 C
Vientiane
ວັນສຸກ, ເດືອນຕຸລາ 7, 2022

ເສັ້ນທາງສູ່ສະໜາມບິນສາກົນບໍ່ແກ້ວ ຈະໃຫ້ແລ້ວພ້ອມເປີດໃຊ້ໃນກາງປີນີ້

ເຂດເສດຖະກິດພິເສດສາມຫຼ່ຽມຄຳເປັນເຂດທີ່ພັດທະນາໄປໄວ ມີຫຼາຍກິດຈະການລົງທຶນ ຜູ້ພັດທະນາໃຫ້ຄວາມສຳຄັນການສ້າງໂຄງລ່າງພື້ນຖານເປັນ ຫົວໃຈຫຼັກ ປະຈຸບັນກຳລັງສ້າງເສັ້ນທາງ 8 ເລນ ຜ່ານໃຈກາງເຂດອອກສູ່ສະໜາມບິນສາກົນບໍ່ແກ້ວຄາດຈະໃຫ້ສຳເລັດພ້ອມເປີດນຳໃຊ້ພາຍໃນກາງປີນີ້.

ຕາມການລາຍງານຂອງເຂດເສດຖະກິດພິເສດສາມຫຼ່ຽມຄຳ ໃນວັນທີ 8 ມີນາ 2022 ຂະແໜງວິສະວະກຳຂອງກຸ່ມບໍລິສັດດອກງິ້ວຄຳ ແມ່ນຕັ້ງໜ້າຕັ້ງຕາຢ່າງເຕັມທີ່ ໃນການສ້າງເສັ້ນທາງ (ລົງຊັ້ນຫີນປະສົມຊີມັງຊັ້ນທຳອິດ) ສູ້ຊົນໃຫ້ສຳເລັດໂຄງການກໍ່ສ້າງທາງປູຢາງພາຍໃນເດືອນພຶດສະພາ ແລະ ຈະເປີດໃຫ້ສັນຈອນໃນເດືອນມິຖຸນາປີນີ້.

“ຖະໜົນສະໜາມບິນ” ແມ່ນຖະໜົນຫຼັກທີ່ເຊື່ອມຕໍ່ຈາກໃຈກາງເຂດເສດຖະກິດພິເສດສາມຫຼ່ຽມຄຳ ໄປຫາສະໜາມບິນສາກົນບໍ່ແກ້ວ, ຖະໜົນເສັ້ນນີ້ໄດ້ຕັດຜ່ານສາຍພູກິວລົມ, ມີຄວາມຍາວ 5 ກິໂລແມັດເປັນທາງ 4 ເລນ ກວ້າງ 18 ແມັດ(ລວມທັງຄັນຄູຂັ້ນກາງ), ມີຄວາມກວ້າງເທົ່າກັບຖະໜົນມັງກອນ. ຢູ່ສອງຟາກທາງກໍ່ຈະສ້າງໄຟເຍືອງທາງຈໍານວນຫຼວງຫຼາຍ ແລະ ຈະກາຍເປັນເສັ້ນທາງສັນຈອນທີ່ສວຍງາມອີກເສັ້ນໜຶ່ງໃນເຂດ ຫຼັງຈາກທີ່ໄດ້ເປີດໃຫ້ສັນຈອນ.

ການພັດທະນາເສັ້ນທາງພາຍໃນເຂດນີ້ ແມ່ນກຸນແຈດອກສຳຄັນໜຶ່ງເພື່ອສ້າງເມືອງຕົ້ນເຜີ້ງໃຫ້ກາຍເປັນເມືອງທີ່ເໝາະສົມແກ່ການລົງທຶນ, ການທ່ອງທ່ຽວ ແລະ ໜ້າຢູ່ອາໄສ ເພື່ອໃຫ້ກາຍເປັນຕົວເມືອງພັດທະນາແບບສາກົນ. ກຸ່ມບໍລິສັດດອກງີ້ວຄຳໄດ້ຖືເອົາແນວທາງໃນການພັດທະນາເຂດເຮັດໜ້າທີ່ບໍລິການໃນຕົວເມືອງ ແລະພະຍາຍາມໃຫ້ໄດ້ຮັບໝາກຜົນສູງສຸດ.

ຂໍ້ມູນ ແລະ ຮູບພາບຈາກ: ເຂດເສດຖະກິດສາມຫຼ່ຽມຄຳ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here