33 C
Vientiane
ວັນສຸກ, ເດືອນພຶດສະພາ 27, 2022

ສາວນາງສັງຂານໄດ້ບ່າວນັກທຸລະກິດ ສົມຄູ່ງົດງາມເໜືອພັນລະນາ

“ວີນາ” ນາງສັງຂານຫຼວງພະບາງ 2008 ເປັນສາວງາມຄົນໜຶ່ງທີ່ມຸ້ງໝັ້ນສູ່ການສຶກສາຮ່ຳຮຽນ ເວົ້າໄດ້ວ່າເປັນສາວລາວທີ່ງາມທັງໜ້າຕາ ແລະຄວາມຮູ້ ເຊິ່ງຫຼ້າສຸດນີ້ເຫັນວ່າກຳລັງຈະເຂົ້າປະຕູວິວາກັບບ່າວນັກທຸລະກິດຜູ້ຮູບຫຼໍ່ ເຊິ່ງແນ່ນອນມີຫຼາຍຄົນຢາກຮູ້ເປັນໃດມາແຕ່ໃສຄືໄດ້ຫົວໃຈສາວງາມຄົນນີ້ໄປຄອບຄອງ.

ຫວານໃຈ ຜູ້ຈະມາເປັນຄູ່ຊີວິດຂອງ ສາວ ວີນາ ມີຊື່ວ່າ ສັນຕິ ອູ່ສິດທິເດດ ມີອາຊີບເປັນເຖິງນັກທຸລະກິດດ້ານການເງິນ ວ່າແຕ່ນາມສະກຸນນີ້ຄຸ້ນໆ ສົງໄສເປັນລູກຫຼານທ່ານເກຍ ພໍ່ພຣະຜູ້ຊ່ວຍປົດປ່ອຍຄົນຈົນຫຼາຍຊີວິດທີ່ສັງຄົມຮູ້ຈັກກັນຢ່າງກວ້າງຂວາງ.


ວ່າແຕ່ພາບພຣີເວດດິງແສນຫວານຂອງທັງສອງ ແມ່ນໄດ້ປ່ອຍອອກມາແລ້ວ ຢາກວ່າງົດງາມດັ່ງກິ່ງທອງໃບຢົກຄືກັບຄຳຂອງຜູ້ເຖົ້າຜູ້ແກ່ທີ່ໄດ້ເກົ່າໄວ້.

ສຳລັບໜຸ່ມສັນຕິ ປັດຈຸບັນ ເປັນຜູ້ອຳນວຍການຂອງສະຖາບັນການເງິນຈຸລະພາກທີ່ຮັບເງິນຝາກສິນຊັບເມືອງເໜືອ (ເຂົ້າປີທີ 5)

ທີ່ຜ່ານມາ, ໄດ້ຮໍ່າຮຽນຢູ່ລາວຈົນຮອດ ອາຍຸໄດ້ 7 ປີ, ຈາກນັ້ນຈຶ່ງໄປສຶກສາຢູ່ປະເທດໄທເປັນເວລາ 8 ປີ, ເມື່ອຂຶ້ນຊັ້ນມ.3 ຈຶ່ງໄດ້ໄປຮຽນຕໍ່ທີ່ປະເທດສິງກະໂປ ຈົນຈົບປະລີນຍາຕີ ສາຂາ ບໍລິຫານ ທຸລະກິດ (ລວມເວລາ 8 ປີ) .

ສ່ວນວ່າໜຸ່ມ ສັນຕິ ແລະ ສາວວີນາພົບຮັກກັນຢູ່ໃສນັ້ນ ຮູ້ເລື່ອງແລ້ວຊາບຊື້ງເລີຍຄືວ່າ ບໍໄດ້ຮູ້ຈັກກັນມາກ່ອນເລີຍເຫັນສາວງາມຄົນນີ້ຜ່ານໃນໜັງທີ່ວີນາໄປສະແດງນັ້ນເອງ.


ໜຸ່ມສັນຕິເລົ່າວ່າ ຕອນທີ່ກຳລັງຈະຈົບມາຈາກສິງກະໂປ, ໄລຍະນັ້ນຮຽນຢູ່ປີ 2 ຫລື 3 ໄດ້ກັບມາລາວ ແລະ ໝູ່ຊວນໄປເບິ່ງໜັງເລື່ອງໜຶ່ງ, ໃນເລື່ອງນັ້ນເຫັນວີນາ ເພິ່ນຫລິ້ນເປັນນາງເອກ ແລະ ສ່ວນຕົວຮູ້ສຶກວ່າຢາກຮູ້ຈັກຜູ້ຍິງຄົນນີ້ເດ້. ເຮົາຢາກຮູ້ວ່າໂຕແທ້ເພິ່ນຈະເປັນແບບໃດ ກໍເລີຍຫາທຸກວິທີທາງທີ່ຈະຕິດຕໍ່ຫາ ແລະ ກໍໄດ້ມີໂອກາດມາເຈິກັນຢູ່ທີ່ຫລວງພະບາງ.

ສ່ວນສິ່ງທີ່ປະທັບໃຈໃນຕົວສາວງາມຄົນນີ້ ໜຸ່ມສັນຕິບອກວ່າ ຖ້າໃຫ້ເວົ້າແທ້ໆກໍມີຢູ່ຫລາຍຢ່າງເລີຍ, ສ່ວນຕົວແລ້ວຄິດວ່າວີນາເປັນຜູ້ຍິງຄົນໜຶ່ງທີ່ຄິດຫາໃຈຄົນອື່ນກ່ອນສະເໝີ ມັນເປັນສະເໜ່ຢ່າງໜຶ່ງຂອງລາວ.

ສອງມາກໍໜ້າຈະແມ່ນຄວາມໜ້າຮັກຄວາມເບີກບານຂອງລາວ ພໍໄດ້ແຮງຮູ້ຈັກກັນກໍແຮງໄດ້ເຫັນຫລາຍໆມຸມທີ່ບາງເທື່ອກໍຍັງຕົກໃຈ ຮາຮາ.

ອີກຢ່າງທີ່ສໍາຄັນກໍໜ້າຈະແມ່ນເລື່ອງການໃຊ້ຊີວິດໃນແຕ່ລະມື້, ເພາະພວກເຮົາມີຫຍັງຄ້າຍຄືກັນຫລາຍ ມັກການໃຊ້ຊີວິດແບບງ່າຍໆ ກິນແບບງ່າຍໆ ກໍເລີຍຂ້ອນຂ້າງຈະເຂົ້າໃຈກັນຫລາຍແຮງໃນຊີວິດແຕ່ລະມື້.

ຂ່າວຈາກ: ມ່ວນ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here