22.7 C
Vientiane
ວັນສຸກ, ເດືອນຕຸລາ 7, 2022

ໂອມີຄຣອນກຳລັງບຸກນະຄອນຫຼວງວຽງຈັນ, ມາດຕະການປ້ອງກັນໂຄວິດຢ່າໄດ້ເຫຼີງ

ສະຖານະການຂອງໂຄວິດ-19 ທີ່ຫຼາຍຄົນຖືວ່າເປັນເລື່ອງປົກກະຕິນັ້ນ ຄວາມຈີງແລ້ວມາດຕະການປ້ອງກັນຍັງເຫຼີງບໍ່ໄດ້ເທື່ອ ເນື່ອງຈາກສາຍພັນໂອມີຄຣອນກຳລັງລະບາດໃນນະຄອນຫຼວງວຽງຈັນ ຕາມລາຍງານຫຼ້າສຸດພົບວ່າ 90% ຂອງຜູ້ຕິດເຊື້ອໃນນະຄອນຫຼວງວຽງຈັນແມ່ນສາຍພັນໃໝ່ນີ້ ແລະຕົວເລກກຳລັງກັບມາຢູ່ຂາຂື້ນໃນຮອບໃໝ່.

ຕາມການຖະແຫຼງຂ່າວຂອງຄະນະສະເພາະກິດໃນວັນທີ 11 ມີນາ 2022 ນີ້ໃຫ້ຮູ້ວ່າ: ສຳລັບ ສປປ ລາວ ມາຮອດມື້ນີ້ ພວກເຮົາໄດ້ປະເຊີນໜ້າ ກັບການລະບາດເປັນຮອບທີ 3 ແລ້ວ ແລະ ທ່າອ່ຽງໃນປະຈຸບັນ ແມ່ນກຳລັງຢູ່ໃນໄລຍະຂາຂື້ນ ຊຶ່ງຕົວເລກໃນບາງແຂວງ ໂດຍສະເພາະນະຄອນຫຼວງວຽງຈັນ ເຫັນວ່າ ຕົວເລກກັບຄືນມາ ເພີ້ມສູງຂື້ນໃນແຕ່ລະວັນ ພາຍຫຼັງທີ່ພວກເຮົາເຫັນຕົວເລກຜູ້ຕິດເຊື້ອປະຈຳວັນ ຕ່ຳກ່ວາ 200 ຄົນ ເປັນເວລາເກືອບ 1 ເດືອນ!

ຈາກການສຸ່ມເກັບ 10 ຕົວຢ່າງ ໃນນະຄອນຫຼວງວຽງຈັນ ພົບວ່າ 90% ແມ່ນກວດພົບເຫັນ ສາຍພັນ ໂອມິກຣອນ ແລະ ບົດຮຽນຈາກຫຼາຍໆປະເທດ ໂດຍສະເພາະ ປະເທດໃກ້ຄຽງ ການລະບາດຮອບໃໝ່ນີ້ຈະເຖິງຈຸດສູງສຸດໃນ 1 ຫາ 2 ເດືອນນີ້. ສະນັ້ນ, ຖ້າຫາກພວກເຮົາ ຫາກບໍ່ມີມາດຕະການທີ່ຮັດກຸມອອກມາເພື່ອຕອບໂຕ້ ແລະ ຮອງຮັບການລະບາດໃນຄັ້ງນີ້, ເຖິງວ່າອັດຕາການເສຍຊີວິດ ຈະບໍ່ຮຸນແຮງຄືກັບ ສາຍພັນແດນຕ້າກໍ່ຕາມ ແຕ່ການເສຍຊີວິດ ແມ່ນຈະກະທົບຢ່າງໜັກໜ່ວງ ຕໍ່ຜູ້ທີ່ມີອາຍຸສູງກ່ວາ 60 ປີ, ຜູ້ທີ່ມີພະຍາດປະຈຳໂຕ, ແມ່ຍິງຖືພາ ແລະ ຜູ້ທີ່ບໍ່ທັນໄດ້ສັກວັກຊີນ ຫຼື ສັກວັກຊີນບໍ່ຄົບທຸກເຂັມທີ່ແນະນຳ.

ສະນັ້ນຈິ່ງຮຽກຮ້ອງໃຫ້ໝົດທຸກພາກສ່ວນ ໃນສັງຄົມຈົ່ງມີສະຕິລະວັງຕົວ, ບໍ່ໃຫ້ລະເຫຼີງ ຫຼື ເມີນເສີຍ ຫຼື ຖືເບົາຕໍ່ການລະບາດໃນຄັ້ງນີ້, ຂໍໃຫ້ເອົາໃຈໃສ່ ສຸມທຸກກຳລັງ ສຸມໃສ່ຂະບວນວັນສັກວັກຊິນແຫ່ງຊາດ ທີ່ກຳລັງຈັດຕັ້ງປະຕິບັດ ເພື່ອເຮັດໃຫ້ອັດຕາການສັກວັກຊິນປ້ອງກັນໂຄວິດ ໃຫ້ບັນລຸສູງກວ່າ 80% ໂດຍໄວ, ທັງໝົດນີ້ ກໍ່ແມ່ນເພື່ອ ສ້າງພູມຄຸ້ມກັນໝູ່ໃນຊຸມຊົນ ແລະ ເລັ່ງໃສ່ການຫຼຸດຜ່ອນອັດຕາການຕິດເຊື້ອ ແລະ ສູນເສຍຊີວິດໃຫ້ໜ້ອຍລົງທີ່ສຸດ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here