22.7 C
Vientiane
ວັນສຸກ, ເດືອນຕຸລາ 7, 2022

ອີກແລ້ວ ທຳລາຍສິນຄ້າໝົດອາຍຸຊຸດນີ້ຢູ່ເມືອງພູຄູນ

ບໍວ່າຈະປະກອບອາຊີບໃດກໍ່ແລ້ວແຕ່ ຈັນຍາບັນ ຈັນຍາທຳຄວນຕ້ອງມີ ເພື່ອຄວາມຍາວນານຂອງທຸລະກິດ ເຊິ່ງເປັນສິ່ງທີ່ຜູ້ປະກອບການຫົວໜ່ວຍທຸລະກິດ ຄວນຄຳນຶງເຖິງຄືຜົນທີ່ຈະຕາມມາຫຼັງຈາກທີ່ຜູ້ບໍລິໂພກໄດ້ໃຊ້ໄປແລ້ວເຂົາຈະກັບມາໃຊ້ຄືນຫຼືບໍ ຖ້າຮູ້ວ່າເຮົາຍ້ອມແມວສິນຄ້າຂາດຄຸນໃຫ້ຜູ້ມາສະໜັບສະໜູນ.

ດັ່ງທີ່ຂ່າວສານເມືອງພູຄູນລາຍງານ ຄະນະກວດກາ ແລະ ຈາກພາກສ່ວນກ່ຽວຂ້ອງຂອງເມືອງພູຄູນ ໄດ້ຢຶດສິນຄ້າໝົດອາຍຸຫຼາຍລາຍການຈາກຮ້ານຄ້າພາຍໃນເມືອງ ມາທຳລາຍຖີ້ມໃນວັນທີ 10 ມີນາ 2022 ນີ້ ສິນຄ້າທີ່ນຳມາທຳລາຍໃນຄັ້ງນີ້ ປະກອບມີທັງໝົດ 6ລາຍການຄື: ສິນຄ້າປະເພດເຄື່ອງດື່ມ, ນົມ, ເຂົ້າໝົມ, ອາຫານເສີມ, ເຄື່ອງປຸງລົດອາຫານ ແລະ ຢາ.

ໃນຈຳນວນສິນຄ້າດັ່ງກ່າວ ໂດຍສະເພາະ ຢາ ແມ່ນບໍ່ໄດ້ຮັບອະນຸຍາດໃນການປິ່ນປົວພະຍາດ ລວມເປັນມູນຄ່າທັງໝົດ 2 ລ້ານ 4ແສນກວ່າກີບ ເຊິ່ງລ້ວນແລ້ວແຕ່ແມ່ນສິນຄ້າໝົດອາຍຸການບໍລິໂພກ ທີທາງຄະນະກວດກາໄດ້ຢຶດຈາກ 20 ຮ້ານຄ້າ ໃນ11ບ້ານຂອງເມືອງພູຄູນ.

ໃນການປະຕິບັດການຄັ້ງນີ້ນັ້ນ ເປັນການປົກປ້ອງຜູ້ບໍລິໂພກ ເຕືອນສະຕິສັງຄົມບໍ່ໃຫ້ສວຍໂອກາດຂາຍສິ່ງທີ່ເປັນຳພິດໄພຕໍ່ປະຊາຊົນຜູ້ບໍ່ຮູ້ຈັກຫຍັງ ທັງເປັນການຕິດຕາມກວດກາຄວາມເປັນລະບຽບຮຽບຮ້ອຍໃນການບໍລິການ ໂດຍສະເພາະແມ່ນການຈຳໜ່າຍສິນຄ້າທີ່ນຳເຂົ້າຖືກຕ້ອງຕາມກົດໝາຍ, ຜະລິດຕະພັນທີ່ມີຄຸນນະພາບ ແລະເປັນປະໂຫຍດຕໍ່ຜູ້ຊົມໃຊ້.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here