25 C
Vientiane
ວັນອາທິດ, ເດືອນພຶດສະພາ 22, 2022

ສາທາລະນະສຸກ ຮຽກຮ້ອງຜູ້ກວດໂ ຄ ວິ ດ-19 ດ້ວຍຕົນເອງ ລາຍງານແພດຫລັງຜົນກວດເປັນບວກ

ໃນການຖະແຫລງຂ່າວປະຈໍາວັນທີ 9 ມີນາ 2022, ທ່ານ ດຣ ນາງ ພອນປະເສີດ ໄຊຍະມຸງຄຸນ ກ່າວວ່າ: ປັດຈຸບັນ ມີຫຼາຍຄົນ ຊື້ເຄື່ອງກວດແບບໄວມາກວດເອງ ແລະ ຜົນກວດເປັນບວກ ແລ້ວປິ່ນປົວຕົນເອງຢູ່ເຮືອນເປັນຈຳນວນຫຼາຍ, ບາງທ່ານໄດ້ແຈ້ງໃຫ້ເຈົ້າໜ້າທີ່ກ່ຽວຂ້ອງຮັບຮູ້ ເຮັດໃຫ້ທີມງານແພດໝໍ ສະດວກລົງທະບຽນ ເກັບກຳຂໍ້ມູນຜູ້ຕິດເຊື້ອ. ຂະນະດຽວກັນ ຍັງມີກຸ່ມຄົນຈຳ ນວນໜຶ່ງ ເມື່ອພົບວ່າຕົນເອງຕິດເຊື້ອ ກໍບໍ່ແຈ້ງ ຫຼື ລົງທະບຽນ ໃຫ້ແກ່ເຈົ້າໜ້າທີ່ກ່ຽວຂ້ອງ ຮັບຮູ້ ເຮັດໃຫ້ການເກັບກຳຂໍ້ມູນບໍ່ຖືກຕ້ອງ.

ທ່ານ ດຣ ນາງ ພອນປະເສີດ ໄຊຍະມຸງຄຸນ ອະທິບາຍວ່າ: ເມື່ອບໍ່ແຈ້ງເຈົ້າໜ້າທີ່ກ່ຽວຂ້ອງ ຖ້າມີອາການໜັກ ການປະສານງານເພື່ອເຂົ້າປິ່ນປົວຢູ່ໂຮງໝໍ ອາດຈະຊັກຊ້າ ໂດຍສະເພາະຜູ້ມີອາຍຸກວ່າ 60 ປີຂຶ້ນໄປ, ຜູ້ມີພະຍາດປະຈຳໂຕ ແລະ ແມ່ຍິງຖືພາ ເຊິ່ງຖ້າບໍ່ໄດ້ຮັບການປິ່ນປົວຢ່າງທັນການ ມີຄວາມສ່ຽງກ້າວໄປເຖິງຂັ້ນວິກິດ ແລະ ເສຍຊີວິດໄດ້ສູງ. ສຳລັບ ແມ່ມານ ເມື່ອທ່ານຊື້ເຄື່ອງມາກວດດ້ວຍຕົນເອງແລ້ວ ຜົນກວດເປັນບວກ ສາມາດໂທແຈ້ງສາຍດ່ວນ 164 ເຈົ້າໜ້າທີ່ຈະປະສານນຳລົດແພດ ແລະ ຮັບເອົາທ່ານເຂົ້ານອນປິ່ນປົວຢູ່ໂຮງໝໍ ເພື່ອຕິດຕາມອາການຢ່າງໃກ້ຊິດ ແລະ ປິ່ນປົວອາການໃຫ້ທັນສະພາບການ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here