22.7 C
Vientiane
ວັນສຸກ, ເດືອນຕຸລາ 7, 2022

ທ່ານ ສີຈີ້ນຜິງ ພົບປະໂອ້ລົມຕໍ່ນັກກິລາ ເຂົ້າຮ່ວມງານກິລາໂອລິມປິກ

ທ່ານ ສີຈີ້ນຜິງ ພົບປະໂອ້ລົມຕໍ່ນັກກິລາ ເຂົ້າຮ່ວມງານກິລາໂອລິມປິກຂປລ. ວິທະຍຸສາກົນ ແຫ່ງປະເທດຈີນ (CRI) ລາຍງານວ່າ: ພາບແຫ່ງຄວາມອົບອຸ່ນທີ່ທ່ານ ສີຈິ້ນຜິງ ໄດ້ພົບປະກັບນັກກິລາທີ່ເຂົ້າຮ່ວມງານກິລາໂອລິມປິກ ເມື່ອກິລາເຂັ້ມແຂງແລ້ວ, ປະເທດຊາດ ກໍ່ຈະເຂັ້ມແຂງ, ເມື່ອປະເທດຊາດເຂັ້ມແຂງແລ້ວ, ກິລາກໍ່ຈະເຂັ້ມແຂງຄືກັນ.ຫລາຍປີມານີ້, ທ່ານປະທານ ສີຈິ້ນຜິງ ໄດ້ເອົາໃຈໃສ່ທີ່ສຸດນຳການພັດທະນາວຽກງານດ້ານກິລາ, ທ່ານ ໄດ້ລົງເຄື່ອນໄຫວຢ້ຽມຢາມນັກກິລາ ຫລາຍເທື່ອ ແລະໄດ້ຈົ່ງໄວ້ພາບທີ່ປະທັບໃຈ ໃນເວລາທ່ານ ໄດ້ໂອ້ລົມກັບນັກກິລາຈຳນວນຫລາຍດ້ວຍຄວາມອົບອຸ່ນ.

ວັນທີ 7 ກຸມພາ 2014, ຢູ່ນະຄອນໂຊຊີ ປະເທດຣັດເຊຍ, ທ່ານປະທານ ສີຈິ້ນຜິງ ໄດ້ໄປຢ້ຽມຢາມຄະນະຜູ້ແທນນັກກິລາຈີນ ທີ່ີເຂົ້າຮ່ວມງານກິລາໂອລິມປິກລະດູໜາວ ຄັ້ງທີ 22. ຊຶ່ງທ່ານ ໄດ້ເວົ້ານຳນັກກິລາທັງຫລາຍຢ່າງສະໜິດສະໜົມວ່າ: ຜົນງານບໍ່ພຽງແຕ່ຢູ່ບ່ອນວ່າ ສາມາດຍາດໄດ້ຫລຽນຄຳ ຫລືຍາດບໍ່ໄດ້ຈັກຫລຽນ, ສິ່ງສໍາຄັນແມ່ນຢູ່ນຳການສະແດງຈິດໃຈໂອລິມປິກ ສ້າງຄວາມເຂັ້ມແຂງດ້ວຍຕົນເອງຢ່າງບໍ່ລົດລະ ເອົາຊະນະຕົນເອງ ມີການບຸກທະລຸກ້າວໜ້າດ້ວຍຕົນເອງ. ທ່ານ ໄດ້ບອກນັກກິລາທັງຫລາຍຕ້ອງຮັກສາສຸຂະພາບ ຊົມໃຊ້ເວລາທຸກໆນາທີ ບໍ່ວ່າຢູ່ໃນຫລືນອກສະໜາມແຂ່ງຂັນຂອງງານກິລາໂອລິມປິກ.

ວັນທີ 15 ສິງຫາ 2014, ເນື່ອງໃນໂອກາດທີ່ງານກິລາໂອລິມປິກ ຊາວໜຸ່ມລະດູຮ້ອນນານກິ່ງ ຄັ້ງທີສອງ, ທ່ານປະທານ ສີຈິ້ນຜິງ ໄດ້ໄປຢ້ຽມຢາມຄະນະຜູ້ແທນນັກກິລາຈີນ ທ່ານ ໄດ້ເວົ້ານຳທ້າວ ຫລູຜິງ ນັກກິລາມວຍສາກົນວ່າ ການຊົກມວຍແມ່ນລາຍການສຳລັບຜູ້ກ້າຫານ ການບຸກ ຫລືການຮັບ ຕ້ອງມີຄວາມຮອບຄອບ ຕ້ອງມີຈິດໃຈທີ່ເຂັ້ມແຂງ ແລະມີຄວາມກ້າຫານ.ວັນທີ 23 ມັງກອນ 2017, ທ່ານປະທານ ສີຈິ້ນຜິງ ໄດ້ໄປຢ້ຽມຢາມນັກກິລາສະກີທີມຊາດຈີນ ທີ່ພວມເກັບຕົວຝຶກຊ້ອມ,

ທ່ານ ໄດ້ຊີ້ໃຫ້ເຫັນວ່າ ຕ້ອງຮັບຮູ້ຢ່າງຈະແຈ້ງວ່າລາຍການກິລາຫິມະ ແລະນ້ຳກ້ອນຂອງພວກເຮົາຍັງມີຈຸດອ່ອນ ຕ້ອງເສີມສ້າງໃຫ້ໄວເຂົ້າເຮັດໃຫ້ກິລາຫິມະ ແລະນ້ຳກ້ອນຂອງພວກເຮົາໄດ້ຮັບການພັດທະນາໂດຍທົ່ວໄປ. ທ່ານ ກ່າວວ່າ: ຊີວິດຄົນເຮົາຈະມີໂອກາດສູ້ຊົນຫລາຍປານໃດ? ຂ້າພະເຈົ້າ ຂໍຝາກຄວາມຫວັງໄວ້ນຳພວກເຈົ້າ, ຝາກຄວາມຫວັງນຳຊາວໜຸ່ມ, ເຍົາວະຊົນທັງຫລາຍ. ຂໍໃຫ້ພະຍາຍາມເດີ້!

ວັນທີ 1 ກຸມພາ 2019, ທ່ານປະທານ ສີິຈິ້ນຜິງ ໄດ້ໄປຢ້ຽມຢາມນັກກິລາທີ່ກຽມເຂົ້າຮ່ວມງານກິລາໂອລິມປິກລະດູໜາວ ປີ 2022 ຢູ່ສະໜາມຝຶກຊ້ອມຕ່າງໆ. ທ່ານ ໄດ້ສອບຖາມນັກກິລາທັງຫລາຍຢ່າງລະອຽດວ່າ: ການຝຶກຊ້ອມ ລຳບາກບໍ່? ຫລິ້ນກິລາລາຍການນີ້ມາດົນປານໃດແລ້ວ? ຢູ່ໃນໂລກມີໃຜແດ່ທີ່ເປັນຄູ່ແຂ່ງຂັນເກັ່ງທີ່ສຸດ? ໃນດ້ານຊີວິດການເປັນຢູ່ນັ້ນມີຄວາມຫຍຸ້ງຍາກຫຍັງແດ່?

ວັນທີ 30 ກັນຍາ 2019, ທ່ານປະທານ ສີຈິ້ນຜິງ ໄດ້ເຊື້ອເຊີນຜູ້ຕາງໜ້ານັກກິລາ ແລະຄູຝຶກບານສົ່ງຍິງທີມຊາດຈີນ ທີ່ຍາດໄດ້ແຊມປຽນໃນການແຂ່ງຂັນບານສົ່ງໂລກເພດຍິງ ປະຈຳປີ 2019 ເພື່ອມາເຂົ້າຮ່ວມງານລ້ຽງສະເຫລີມສະຫລອງວັນສະຖາປະນາສາທາລະນະລັດປະຊາຊົນຈີນ ຄົບຮອບ 70 ປີ. ທ່ານ ສີຈິ້ນຜິງ ໄດ້ຊີ້ໃຫ້ເຫັນວ່າ: ປະຊາຊົນຈໍານວນມະຫາສານມັກກິລາບານສົ່ງເພດຍິງທີມຊາດຈີນ ນັ້ນບໍ່ພຽງແຕ່ແມ່ນຍ້ອນພວກເຈົ້າຍາດໄດ້ແຊມປຽນເທົ່ານັ້ນ, ສິ່ງສຳຄັນກວ່ານັ້ນແມ່ນຍ້ອນພວກເຈົ້າໄດ້ສະແດງໃຫ້ເຫັນເຖິງຈິດໃຈທີ່ຖືປະເທດຊາດຢູ່ເໜືອກວ່າທຸກສິ່ງທຸກຢ່າງທັງໝົດ ສາມັກຄີປະສານງານກັນ, ບາກບັ່ນສູ້ຊົນ ແລະບໍ່ຍອມເສຍໄຊຈັກເທື່ອ.

ວັນທີ 18 ມັງກອນ 2021, ທ່ານ ສີຈິ້ນຜິງ ໄດ້ໄປສຳຫລວດຄົ້ນຄວ້າຢູ່ສູນສະກີເທິງພູແຫ່ງຊາດຈີນ. ທ່ານ ໄດ້ຊີ້ໃຫ້ເຫັນວ່າ: ພື້ນຖານຂອງປະເທດທີ່ເຂັ້ມແຂງດ້ານກິລາ ແມ່ນຢູ່ນຳກິລາມວນຊົນ. ຕ້ອງຜ່ານຈາກການຈັດງານກິລາໂອລິມປິກລະດູໜາວ ແລະງານກິລາໂອລິມປິກຄົນພິການລະດູໜາວປັກກິ່ງ ເພື່ອພັດທະນາກິລາຫິມະ ແລະນ້ຳກ້ອນຂອງປະເທດພວກເຮົາ, ເຜີຍແຜ່ກິລາຫິມະ ແລະນ້ຳກ້ອນ ໃນ 300.000.000 ຄົນໃຫ້ດີກວ່າເກົ່າ ເພື່ອຊຸກຍູ້ການສ້າງປະເທດທີ່ເຂັ້ມແຂງດ້ານກິລາ. ໃນເວລາສັ່ງລາກັນ ນັກກິລາທັງຫລາຍພາກັນຮ້ອງໂຮວ່າ ກິລາຫິມະ ແລະນ້ຳກ້ອນຈີນ, ສູ້ສູ້! ຄືຄໍາເວົ້າທີ່ ທ່ານປະທານ ສີຈິ້ນຜິງ ໄດ້ເວົ້າໃຫ້ກຳລັງໃຈແກ່ນັກກິລາທັງຫລາຍວ່າ “ສູ້ສູ້! ສູ້ສູ້!”

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here