22.7 C
Vientiane
ວັນສຸກ, ເດືອນຕຸລາ 7, 2022

ເຫຼົ້າລາວດີ ມີຂາຍຢູ່ ສປ ຈີນແລ້ວ

ເຫຼົ້າຂາວ ທີ່ມີຊື່ວ່າເຫຼົ້າລາວດີ ຊຶ່ງແມ່ນບໍລິສັດອຸດສາຫະກຳ ກະເສດອິນຊີ ຈຳກັດຜູ້ດຽວເປັນຜູ້ຜະລິດໄດ້ມີການສົ່ງໄປຈໍາໜ່າຍຢູ່ ສປ ຈີນແລ້ວໂດຍແມ່ນບໍລິສັດປັກກິ່ງສີຊຽງ ຢູ້ຍຫຼົງ ການຄ້າຈຳກັດໄດ້ມີການເຊັນສັນຍາກັບບໍລິສັດອຸດສາຫະກຳ ກະເສດອິນຊີ ຈຳກັດຜູ້ດຽວ ເມື່ອວັນທີ 3 ມີນາ 2022 ທີ່ຜ່ານມາ ໃນການຮັບຊື້ເຫຼົ້າດັ່ງກ່າວໄປຈໍາໜ່າຍຢູ່ ສປ ຈີນ.ທ່ານ ສີຫັດຖະ ຣາຊະພົນ ໄດ້ກ່າວໃນ

ພິທີເຊັນສັນຍາວ່າ: ໂຮງງານຜະລິດຕະພັນເຫຼົ້າລາວດີ ໄດ້ສ້າງຕັ້ງມາແຕ່ປີ 2005 ແລະ ໄດ້ຈໍາໜ່າຍຢູ່ພາຍໃນ ແລະ ຕ່າງປະເທດ ໂດຍສະເພາະແມ່ນສົ່ງອອກໄປປະເທດຍີ່ປຸ່ນ ແລະ ປະເທດເອີຣົບ, ການເຊັນສັນຍາຮ່ວມທຸລະກິດໃນຄັ້ງນີ້, ກໍເປັນນິມິດໝາຍທີ່ດີ ເນື່ອງຈາກການຂົນສົ່ງມີຄວາມສະດວກສະບາຍ ພາຍຫຼັງເປີດ ນໍາໃຊ້ເສັ້ນທາງລົດໄຟລາວ-ຈີນ ເຊິ່ງເປັນທ່າແຮງໜຶ່ງ ເພື່ອນໍາເອົາ

ຜະລິດຕະພັນທີ່ຜະລິດຢູ່ລາວເຂົ້າໄປຈຳໜ່າຍຢູ່ຕ່າງປະເທດໃຫ້ຫຼາຍຂຶ້ນ ໂດຍສະເພາະຢູ່ ສປ ຈີນ ແລະ ໜຶ່ງໃນນັ້ນ ຜະລິດຕະພັນເຫຼົ້າລາວດີ ຂອງພວກເຮົາ ກໍຈະໄດ້ນໍາໄປຈໍາໜ່າຍຢູ່ ສປ ຈີນ ໃນຕົ້ນປີ 2022 ໂດຍຈະສົ່ງອອກໃຫ້ໄດ້ປະມານ 10.000 ກວ່າແກ້ວ ເຊິ່ງກຳລັງການຜະລິດຢູ່ໂຮງງານຂອງພວກເຮົາໃນປັດຈຸບັນແມ່ນ ຜະລິດໄດ້ປະມານ 30.000-40.000 ລິດຕໍ່ປີ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here