33 C
Vientiane
ວັນສຸກ, ເດືອນພຶດສະພາ 27, 2022

ກອງຈະລາຈອນ ປກສ ເມືອງວຽງທອງ ທຳລາຍອຸປະກອນດັດແປງສະພາບເຕັກນິກລົດຈັກ

ກອງຈະລາຈອນ ປກສ ເມືອງວຽງທອງ ທຳລາຍອຸປະກອນດັດແປງສະພາບເຕັກນິກລົດຈັກ

ຂປລ. ແຫລ່ງຂ່າວຈາກ ເມືອງວຽງທອງ ແຂວງບໍລິຄຳໄຊ ໃຫ້ຮູ້ວ່າ: ວັນທີ 1 ມີນາ 2022 ນີ້, ຢູ່ກອງບັນຊາການ ປກສ ເມືອງວຽງທອງ ໄດ້ມີພິທີທຳລາຍອຸປະກອນດັດແປງສະພາບເຕັກນິກລົດຈັກ ທີ່ບໍ່ຖືກຕ້ອງ ແລະ ສຶກສາອົບຮົບນັກຂັບຂີ່, ພ້ອມທັງມອບລົດຄືນເຈົ້າຂອງ ໂດຍການເຂົ້າຮ່ວມ ແລະ ສຶກສາອົບຮົມຜູ້ຂັບຂີ່ລົດຈັກດັດແປງສະພາບເຕັກນິກ ຂອງທ່ານ ພັນຕີ ຄຳເພື່ອນ ສີປະເສີດ ຮອງຫົວໜ້າພະແນກຕຳ ຫລວດ ປກສ ເມືອງ, ມີພະນັກງານກອງຈະລາຈອນ ປກສ ເມືອງ, ຜູ້ປົກຄອງ ແລະ ຜູ້ຂັບຂີ່ ເຂົ້າຮ່ວມ.

ການແກ້ໄຂບັນຫາລົດຈັກ ດັດແປງສະພາບໃນຄັ້ງນີ້, ກອງຈະລາຈອນ ປກສ ເມືອງ ໄດ້ດຳເນີນແຜນວຽກຕາມທິດຊີ້ນຳຂອງຫົວໜ້າ ປກສ ເມືອງ ຕິດພັນກັບໂຄງ ການຫລຸດຜ່ອນອຸບັດເຫດ ຕາມ

ທ້ອງຖະໜົນຫລວງ, ເຊິ່ງການປະຕິບັດແຜນວຽກໃນຄັ້ງນີ້ ໄດ້ກັກລົດຈັກ ທີ່ດັດແປງສະພາບເຕັກນິກ ຈຳນວນ 11 ຄັນ ແລະ ຍຶດອຸປະກອນດັດແປງສະພາບເຕັກນິກລົດຈັກ ປະກອບມີ: ທໍ່ ດັງເກີດກຳນົດ 28 ທໍ່, ປ້າຍທີ່ບໍ່ຖືກຕ້ອງຕາມທະບຽນລົດ 20 ປ້າຍ, ຢາງນ້ອຍ 9 ເສັ້ນ, ເບາະແປ 3 ເບາະ ແລະ ຕາໄຟກະພິບ 4 ຕາ ແລະ ຂຽນບົດບັນທຶກຕາມລະບຽບການ.

ຂ່າວ: ທອງວັນດີ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here