ເຈົ້າແຂວງສະຫວັນນະເຂດ ລົງຊຸກຍູ້ການຜະລິດເປັນສິນຄ້າຂອງປະຊາຊົນທີ່ເມືອງສອງຄອນ ແລະ ນະຄອນໄກສອນພົມວິຫານ

0
471


ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ສືບຕໍ່ລົງຊຸກຍູ້ຂະບວນການຜະລິດເປັນສິນຄ້າຂອງປະຊາຊົນໃນເຂດພື້ນທີ່ຕ່າງໆ ພ້ອມທັງຮັບຟັງຂໍ້ສະດວກ, ຂໍ້ຫຍຸ້ງຍາກ ທີ່ກະທົບຕໍ່ການຜະ ລິດຂອງປະຊາຊົນ ເພື່ອນຳມາພິຈາລະນາແກ້ໄຂໃຫ້ທັນທ່ວງທີ ເຊິ່ງໃນວັນທີ 5 ເມສາຜ່ານມານີ້, ທ່ານເຈົ້າແຂວງສະຫວັນນະ ເຂດ ພ້ອມດ້ວຍທ່ານ ຄຳລຸຍ ຍາດຕິວົງ ຫົວໜ້າພະແນກ ກະສິກຳ-ປ່າໄມ້ແຂວງ, ມີພະ ແນກການ, ຫ້ອງການ, ວິຊາ ການກ່ຽວຂ້ອງ ແລະນັກທຸລະ ກິດຈຳນວນໜ​ຶ່ງພາຍໃນແຂວງ ໄດ້ລົງຢ້ຽມຢາມຟາມລ້ຽງໝູ ວັນທະວີໄຊ ທີ່ບ້ານແກ້ງຫີນສູງ ນະຄອນ ໄກສອນ ພົມວິຫານ ເຊິ່ງຟາມແຫ່ງນີ້ແມ່ນເປັນຟາມ ແຫ່ງທີສອງຂອງຟາມລ້ຽງ ໝູວັນທະວີໄຊ, ເປັນຟາມຂະ ໜາດໃຫຍ່ທີ່ຈະສ້າງເປັນລະ ບົບທັນສະໄໝຄົບຊຸດ ປະຈຸບັນ ແມ່ນຢູ່ໃນໄລຍະການກໍ່ສ້າງ ຄາດວ່າໃນໄລຍະ 3 ປີຈະ ສາມາດຜະລິດລູກໝູໄດ້ເຖິງ 4.800 ໂຕ, ມີມູນຄ່າການລົງ ທຶນເຖິງ 300 ລ້ານບາດ.


ຈາກນັ້ນ, ທ່ານ ເຈົ້າ ແຂວງກໍ່ໄດ້ລົງພົບປະກັບອຳ ນາດການປົກຄອງ ແລະກຸ່ມຜະລິດເຂົ້ານາແຊງບ້ານລະຫານ້ຳເໜືອ ເມືອງສອງຄອນ ໂອກາດນີ້, ທ່ານກໍ່ໄດ້ຟັງການ ລາຍງານໂດຍສັງເຂບກ່ຽວ ກັບສະພາບການຜະລິດຂອງ ກຸ່ມຊາວນາບ້ານດັ່ງກ່າວ ເຊິ່ງບັນຫາຫຼັກທີ່ກະທົບຕໍ່ການ ທຳການຜະລິດເຂົ້ານາແຊງ ແມ່ນບັນຫານ້ຳບໍ່ພຽງພໍ, ຈັກ ສູບນ້ຳເປ້ເພ ເຮັດໃຫ້ບໍ່ສາມາດ ຕອບສະໜອງນ້ຳແກ່ການຜະ ລິດໄດ້ພຽງພໍກັບຄວາມຕ້ອງ ການ ແລະອີກບັນຫາສຳຄັນ ແມ່ນເລື່ອງຄ່າໄຟຟ້າຮັບໃຊ້ ການຜະລິດແພງ ເຊິ່ງໃນລະ ດູການຜະລິດປີນີ້, ສາມາດຜະ ລິດເຂົ້ານາແຊງໄດ້ພຽງແຕ່ 300 ເຮັກຕາ ຈາກເນື້ອທີ່ທັງ ໝົດ 525 ເຮັກຕາ, ມີ 245 ຄອບຄົວຜະລິດ, ມີເຄື່ອງຈັກ ສູບ ນ້ຳ 3 ເຄື່ອງ (ເພ 1 ເຄື່ອງ), ສະມັດຕະພາບເຂົ້ານາແຊງ ສະເລ່ຍ 4,5 ໂຕນຕໍ່ເຮັກຕາ, ຄາດວ່າໃນກາງເດືອນເມສານີ້ ຈະເລີ່ມລົງມືເກັບກ່ຽວເຂົ້ານາ ແຊງ.


ໂອກາດນີ້, ທ່ານ ສັນຕິພາບ ພົມວິຫານ ຍັງໄດ້ລົງຕິດຕາມ ການກໍ່ສ້າງໂຄງການຊົນລະ ປະທານດົງສະຫວ່າງທົ່ງ ພ້ອມທັງໂອ້ລົມກັບອຳນາດ ການປົກຄອງ ແລະກຸ່ມຊາວ ນາຂອງບ້ານດັ່ງກ່າວ ເຊິ່ງ ເປັນກຸ່ມຊາວນາຕົວແບບຂອງ ເມືອງສອງຄອນ ທີ່ມີລະບົບ ການບໍລິຫານກອງທຶນທີ່ດີ ໃນການຜະລິດເຂົ້ານາແຊງ ໃນປີນີ້ປະຕິບັດໄດ້ທັງໝົດ 200 ເຮັກຕາ ໃນໄລຍະການເກັບ ກ່ຽວເຂົ້ານາກໍ່ໄດ້ຖືກສັດຕູພືດ ເຂົ້າທຳລາຍຜົນຜະລິດເຂົ້ານາ ແຊງເຮັດໃຫ້ເນື້ອທີ່ຖືກເສຍຜົນ ແລະມີເນື້ອທີ່ເກັບກ່ຽວຕົວ ຈິງແມ່ນ 198 ເຮັກຕາ, ດ້ວຍ ສະມັດຕະພາບ 4,5 ໂຕນ/ເຮັກຕາ. ສຳລັບໂຄງການກໍ່ ສ້າງຊົນລະປະທານດົງສະ ຫວ່າງທົ່ງນີ້ມາຮອດປະຈຸບັນ ແມ່ນສຳເລັດໄປແລ້ວ 40%, ຖ້າສຳເລັດຈະສາມາດຫົດ ເນື້ອທີ່ນາປີໄດ້ 750 ເຮັກຕາ ແລະນາແຊງໄດ້ 650 ເຮັກຕາ ທີ່ກວມເອົາ 4 ບ້ານຄາດວ່າ ຈະໃຫ້ສຳເລັດໃນເດືອນ 6 ແລະ ໃນເດືອນ 11 ໃຫ້ໄດ້ຮັບໃຊ້ ການຜະລິດເຂົ້ານາປີຂອງປະ ຊາຊົນໄດ້ທ່ວງທັນ./.ພາບ-ຂ່າວ: ນສພ ສະຫວັນພັດທະນາ



LEAVE A REPLY

Please enter your comment!
Please enter your name here