22.7 C
Vientiane
ວັນສຸກ, ເດືອນຕຸລາ 7, 2022

ເມືອງສີສັດຕະນາກ ຈັບກຸ້ມແກ້ງລັກລົດຈັກໄດ້ 5 ຄົນ ກໍ່ເຫດມາແລ້ວຫລາຍຄັ້ງ

ຂ່າວສານ ປ້ອງກັນຄວາມສະຫງົບ ນະຄອນຫລວງວຽງຈັນລາຍງານໃຫ້ຮູ້ວ່າ: ໃນວັນທີ 9 ພະຈິກ 2021 ຜ່ານມານີ້ ປກສ ສີສັດຕະນາກ ນວ ມ້າງກຸ່ມລັກຊັບຈັບ 4 ຄົນ ຄື: ທ້າວ ເກດສະດາ ຫລື ເຕີ້ ອາຍຸ 18 ປີ ກໍາມະກອນ ຢູ່ບ້ານບຶງຂະຫຍອງ ທ້າວ ລັດຕະນະມະນີ ຫຼື ໂຈ ອາຍຸ 19 ປີ ກໍາມະກອນ ຢູ່ບ້ານໂສກປ່າຫຼວງ ເມືອງສີສັດຕະນາກ ທ້າວ ຫລື ຟຸງຢາວ ຫຼື ຊາງ ອາຍຸ 21 ປີ ກໍາມະກອນ ຢູ່ບ້ານທົ່ງສ້າງນາງ

ທ້າວ ເບີດ ອາຍຸ 19 ປີ ກໍາມະກອນ ຢູ່ບ້ານທົ່ງຂັນຄໍາ ທັງສອງ ຢູ່ເມືອງຈັນທະບູລີ, ສອບສວນຂະຫຍາຍຜົນຮອດວັນທີ 22 ພະຈິກ 2021 ຈັບຕົວໄດ້ເພີ່ມອີກ 1 ຄົນ ທ້າວ ອາໝິງ ກໍາມະກອນ ຢູ່ບ້ານໜອງປິງ ເມືອງຈັນທະບູລີ ນວ, ພ້ອມເກັບກູ້ລົດຈັກຂອງກາງຄືນມາໄດ້ 2 ຄັນ.

ຜ່ານການສືບສວນ-ສອບສວນ ຜູ້ຖືກຫາ 5 ຄົນ ຮັບສາລະພາບວ່າ: ໄດ້ສົມຮູ້ຄິດຮ່ວມກັນເຄື່ອນໄຫວລັກຊັບພົນລະເມືອງ ປະເພດລົດຈັກ ມາແລ້ວຫລາຍຄັ້ງ ການເຄື່ອນໄຫວລັກຊັບເລີ່ມມາແຕ່ຕົ້ນປີ 2021, ທຸກຄັ້ງທີ່ລັກລົດຈັກມາແລ້ວເອົາໄປຊຸກເຊື່ອງໄວ້ເຮືອນຂອງ ທ້າວເບີດ ຢູ່ບ້ານທົ່ງຂັນຄໍາ ເມືອງຈັນທະບູລີ ນວ, ຫລັງຈາກນັ້ນ ໄດ້ຕິດຕໍ່ຂາຍໃຫ້ບຸກຄົນທົ່ວໄປ ທີ່ຕ້ອງການຊື້ ເມື່ອໄດ້ເງິນມາແລ້ວ ກໍເອົາມາແບ່ງປັນກັນໃຊ້ຈ່າຍຫລິ້ນກິນ.

ປັດຈຸບັນ ຄະດີດັ່ງກ່າວ, ເຈົ້າໜ້າທີ່ ປກສ ເມືອງສີສັດຕະນາກ ພວມເລັ່ງສືບຕໍ່ຂະຫຍາຍຜົນເປີດກ້ວາງໄລ່ຊອກໄລ່ຈັບຫາກຸ່ມແກ້ງຜູ້ຮ່ວມຂະບວນການ ມາດໍາເນີນຄະດີ ພ້ອມທັງສືບຕໍ່ເກັບກູ້ລົດຈັກຂອງກາງຄືນມາມອບໃຫ້ເຈົ້າຂອງ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here