25.4 C
Vientiane
ວັນສຸກ, ເດືອນກັນຍາ 30, 2022

ລັດວິສາຫະກິດໄຟຟ້າລາວ ໄຂກອງປະຊຸມສ້າງຄວາມເຂົ້າໃຈຕໍ່ສະພາບການດຳເນີນທຸລະກິດຂອງລັດວິສາຫະກິດໄຟຟ້າລາວ

ລັດວິສາຫະກິດໄຟຟ້າລາວ ໄຂກອງປະຊຸມສ້າງຄວາມເຂົ້າໃຈຕໍ່ສະພາບການດຳເນີນທຸລະກິດຂອງລັດວິສາຫະກິດໄຟຟ້າລາວ ວັນທີ 23 ກຸມພາ 2022 ລັດວິສາຫະກິດໄຟຟ້າລາວ (ຟຟລ) ໄດ້ຈັດ ກອງປະຊຸມກ່ຽວກັບການດໍາເນີນທຸລະກິດ ຂຶ້ນ ທີ່ສະໂມສອນແຂວງເຊກອງ, ໂດຍເຂົ້າຮ່ວມມີ ທ່ານ ດົງເພັດ ພະຍົນ ຮອງເລຂາພັກແຂວງ, ປະທານສະພາປະຊາຊົນ ແຂວງເຊກອງ, ມີ​ ທ່ານ ຈັນທະບູນ ສຸກອາລຸນ ຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ, ບັນດາກົມທີ່ກ່ຽວຂ້ອງ, ຄະນະປະຈຳພັກແຂວງ, ເຈົ້າເມືອງ, ສະມາຊິກສະພາ ແລະພະແນກການຂັ້ນແຂວງເຂົ້າຮ່ວມ.

ທ່ານ ຈັນທະບູນ ສຸກອາລຸນ ຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ກ່າວວ່າ: ຈຸດປະສົງຂອງກອງປະຊຸມຄັ້ງນີ້ເພື່ອສ້າງຄວາມເຂົ້າໃຈຕໍ່ສະພາບບັນຫາການດຳເນີນທຸລະກິດຂອງລັດວິສາຫະກິດໄຟຟ້າລາວ; ພ້ອມນີ້ທ່ານຍັງໄດ້ຍົກໃຫ້ເຫັນການຂະຫຍາຍໂຕຂອງລັດວິສາຫະກິດໄຟຟ້າລາວ ຄ່ຽງຄູ່ກັບສັງຄົມ; ການແກ້ໄຂຂໍ້ຫຍຸ້ງຍາກໃນການດຳເນີນທຸລະກິດຂອງໄຟຟ້າລາວ; ອົງປະກອບຂອງຕົ້ນທຶນລາຄາໄຟຟ້າ ແລະບັນຫາດ້ານໂຄງສ້າງລາຄາຈຳໜ່າຍໄຟຟ້າໃນທົ່ວປະເທດ; ເຊິ່ງມາຮອດປະຈຸບັນທົ່ວປະເທດ ມີແຫຼ່ງຜະລິດໄຟຟ້າ ທັງໝົດ 89 ແຫ່ງ ທີ່ທາງ ຟຟລ ຊື້ໄຟຈາກປະຕູເຂື່ອນ, ມີ 19 ສາຂາ, 149 ສູນບໍລິການ, ສະໜອງໄຟຟ້າໃຫ້ໄຟຟ້າລາວ ລວມກໍາລັງຕິດຕັ້ງທັງໝົດ 4.537 ເມກາວັດ (MW), ມີສະຖານີໄຟຟ້າແຮງສູງ 75 ແຫ່ງ, ມີລະບົບສາຍສົ່ງໄຟຟ້າແຮງສູງ 115 ກິໂລໂວນ ແລະ 230 ກິໂລໂວນ, ຍາວປະມານ 9.974 ກິໂລແມັດວົງຈອນ, ມີລະບົບຕາຂ່າຍຈຳໜ່າຍໄຟຟ້າພາກແຮງດັນກາງ ແລະ ແຮງດັນຕໍ່າ ຍາວປະມານ 55.600 ກິໂລແມັດວົງຈອນ, ສາມາດສະໜອງໄຟຟ້າໄດ້ 95% ຂອງຈໍານວນຄົວເຮືອນທົ່ວປະເທດ.

ທ່ານ ຈັນທະບູນ ສຸກອາລຸນ ຍັງໄດ້ສົມທຽບລາຄາປະເພດຜູ້ຊົມໃຊ້ທີ່ຢູ່ອາໄສຂອງ ສປປ ລາວ ກັບບັນດາບາງປະເທດໃນອາຊຽນ, ເຊິ່ງລາຄາໃນ ສປປລາວ ປີ 2021 ເທົ່າກັບ 0,5 ກ່ວາໂດລາ ຫຼື ເທົ່າກັບ 5 ພັນກ່ວາກີບຕໍ່ກິໂລວັດໂມງ, ພາກທຸລະກິດ 0,8 ກ່ວາໂດລາ ຫຼື ເທົ່າກັບ 8 ພັນກ່ວາກີບຕໍ່ກິໂລວັດໂມງ; ຂະນະທີ່ປະເທດຫວຽດນາມ ປະເພດທີ່ຢູ່ອາໃສ ແມ່ນ 0,8 ກວ່າໂດລາ ຫຼື ເທົ່າກັບ 8 ພັນກ່ວາກີບຕໍ່ກິໂລວັດໂມງ, ພາກທຸລະກິດ 1 ໂດລາກວ່າ ຫຼື ເທົ່າກັບ 10 ພັນກ່ວາກີບຕໍ່ກິໂລວັດໂມງ, ສ່ວນປະເທດໄທ ປະເພດທີ່ຢູ່ອາໃສ ແມ່ນ 1 ໂດລາກວ່າ ຫຼື ເທົ່າກັບ 10 ພັນກ່ວາກີບຕໍ່ກິໂລວັດໂມງ, ພາກທຸລະກິດ 0,9 ໂດລາ ຫຼື ເທົ່າກັບ 10 ພັນກ່ວາກີບຕໍ່ກິໂລວັດໂມງ ແລະປະເທດກຳປູເຈຍ ລາຄາປະເພດທີ່ຢູ່ອາໃສ ຢູ່ທີ່ 1 ໂດລາກວ່າ ຫຼື ເທົ່າກັບ 15 ພັນກ່ວາກີບຕໍ່ກິໂລວັດໂມງ, ພາກທຸລະກິດ 2 ໂດລາກວ່າ ຫຼື ເທົ່າກັບ 20 ພັນກ່ວາກີບຕໍ່ກິໂລວັດໂມງ.

ນອກຈາກນີ້ ຜູ້ເຂົ້າຮ່ວມໄດ້ພ້ອມກັນປະກອບຄຳຄິດເຫັນກ່ຽວກັບຫຼັກການ ແລະວິທີທາງແກ້ໄຂບັນຫາ ຕິດພັນກັບລາຄາຈຳໜ່າຍໄຟຟ້າພາຍໃນປະເທດ ຕື່ມອີກ.​ ໂອກາດນີ້ ລັດວິສາຫະກິດໄຟຟ້າລາວ ຍັງໄດ້ມອບເງິນຈໍານວນ 20 ລ້ານກີບ ໃຫ້ສະພາປະຊາຊົນແຂວງເຊກອງ ເພື່ອສືບຕໍ່ເຜີຍແຜ່ວຽກງານທີ່ສໍາຄັນຕ່າງໆ ໃຫ້ປະຊາຊົນໄດ້ຮັບຮູ້ຢ່າງກວ້າງຂວາງ.
ຂ່າວ:ພຸດທະສອນ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here