22.7 C
Vientiane
ວັນສຸກ, ເດືອນຕຸລາ 7, 2022

ສະເທືອນວົງການບັນເທີງ ດາລາສາວແຕງໂມນິດາ ຕົກຈາກເຮືອກູ້ໄພເລັ່ງຊອກຫາ

ເປັນຂ່າວສະເທືອນວົງການບັນເທີງຈາກປະເທດເພື່ອນບ້ານເລີຍສຳຫລັບຂ່າວນີ້ ເພາະມີລາຍງານຂ່າວກາງເດິກມື້ຄືນນີ້ວ່າ ດາລາສາວແຕງໂມນິດາ ຫລື ທຸກໆຄຸ້ນກັນໃນຊື່ ແຕງໂມ ພັດຊະລະທິດາ ອະດີດດາລາຊື່ດັງຊ່ອງ7 ທີ່ໄດ້ຝາກຜົນງານຫລາກຫລາຍໄວ້ໃນຊ່ວງຫລາຍປີຜ່ານມາ ອາດຈະເປັນນາງເອກໃນຄວາມຊົງຈຳຂອງໃຜຫລາຍຄົນເລີຍ ໄດ້ພັດຕົກຈາກເຮືອທີ່ທາງສາວແຕງໂມ ແລະ ໝູ່ ອອກໄປຖ່າຍຮູບຫລິ້ນຕອນກາງຄືນ

ໂດຍເຫດເກີດໃນຊ່ວງປະມານ12 ໂມງກາງຄືນ ຢູ່ກ້ອງສະພານພະຣາມ7 ສາເຫດຍອງການພັດຕົກເຮືອ ຍັງບໍ່ມີປາກົດໃຫ້ໄດ້ຮັບຮູ້ ເນື່ອງຈາກໝູ່ທີ່ຢູ່ໃນເຮືອກັບສາວແຕງໂມຍັງໃຫ້ການກັບຕຳຫລວດດ້ວຍຄວາມຊ໊ອກຢູ່ ດ້ານຄອບຄົວ ຫລັງຈາກຮູ້

ເລື່ອງກໍ່ຟ້າວອອຫມາຈຸດເກີດເຫດທັນທີ ໂດຍທາງທີມ ນັກປະດານໍ້າ ແລະ ມູນລະນິທິຮ່ວມກະຕັນຍູ ໄດ້ເລັ່ງຊອກຫາຮ່າງຂອງ ດາລາສາວຢ່າງເຕັມທີ່

ດ້ານຄົນໃນວົງການ ແລະ ໝູ່ສະໜິດໃນວົງການບັນເທີງເຊີ່ງເປັນດາລາດັງຫລາຍໆຄົນກໍ່ໄດ້ອອກມາເຄື່ອນໄຫວ ແລະ ໂພສໃຫ້ກຳລັງໃຈສາວແຕງໂມ ແລະ ຄອບຄົວກັນຜ່ານໄອຈີມາເປີດທາມໄລການຕົກນໍ້າຂອງສາວແຕງໂມນຳກັນ

23:00 ມີເຮືອຂັບອອກມາກາງແມ່ນໍ້າເຈົ້າພະຍາ ໃນເຮືອປະກອບມີ 6 ຄົນຄື ຊາຍ3ຍິງ3 ເຮືອໄດ້ອອກຈາກສະພານຊັງຮີ້ ມຸ່ງຫນ້າໄປນົນທະບຸລີ ໂດຍຈຸດເກີດເຫດຢູ່ທີ ນົນທະບຸລີ ໂດຍພົບວ່າຜູ້ຍິງທີ່ພັດຕົກຈາກເຮືອແມ່ນແຕງໂມນິດາ

00:17 ທີມກູ້ໄພເລັ່ງຊອກຫາຮ່າງທີ່ສູນຫາຍຂອງດາລາສາວກ້ອງສະພານພະຣາມ7 01:10 ທີມກູ້ໄພທາງນໍ້າ ຊຸດນະທີສ່ວນກາງ ເລັ່ງຊອກຫາແຕງໂມຮ່ວມກັບນັກປະດານໍ້າ ແຕ່ຈຸດທີ່ແຕງໂມຕົກລົງໄປເປັນລ່ອງນ້ຳເລິກ ແລະ ກະແສນໍ້າແຮງ 02:00 ໝູ່ຂອງແຕງໂມໄດ້ມີການໃຫ້ປາກຄຳກັບຕຳຫລວດ ໂດຍທາງອ້າຍຂອງແຕງໂມພະຍາຍາມໂທຫາສາວແຕງໂມປາກົດວ່າໂທຕິດ ແຕ່ບໍ່ມີຄົນຮັບ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here