33 C
Vientiane
ວັນສຸກ, ເດືອນພຶດສະພາ 27, 2022

ທີມແພດຈາກຢຸນນານ ສປ ຈີນເຄື່ອນໄຫວເຮັດວຽກໃນນະຄອນຫຼວງວຽງຈັນ

ທີມແພດຈາກຢຸນນານ ສປ ຈີນເຄື່ອນໄຫວເຮັດວຽກໃນນະຄອນຫຼວງວຽງຈັນພາຍຫຼັງທີ່ຄະນະທີມແພດຈີນໄດ້ເດີນທາງມາຮອດສປປລາວ,ຄະນະດັ່ງກ່າວກໍ່ໄດ້ເຄື່ອນໄຫວແລກປ່ຽນບົດຮຽນ ແລະປະສົບການຢ່າງຫ້າວຫັນ ລວມທັງຍົກລະດັບທາງດ້ານເຕັກນິກການກວດເຊື້ອພະຍາດໂຄວິດ-19 (PRC) ແລະການໃສ່ຢາພື້ນເມືອງຈີນຮ່ວມກັບແພດລາວ.

ນອກນັ້ນ, ຄະນະທີມແພດຈີນຊຸດນີ້ຍັງໄດ້ປະກອບສ່ວນເຂົ້າໃນການວາງມາດຕະການຄຸ້ມຄອງໂຮງແຮມທີ່ໃຊ້ໃນການຈໍາກັດບໍລິເວນ, ຮ່າງແຜນກວດໂຄວິດ-19 ໃຫ້ກັບສາຍການບິນ 3 ແຫ່ງ (China Southern , China Eastern ແລະການບິນລາວ) ລວມທັງໃຫ້ຄໍາປຶກສາໃນການປັບປຸງແຜນການຕິດຕາມສຸຂະພາບໃຫ້ກັບຜູ້ໂດຍສານທີ່ນໍາໃຊ້ສາຍການບິນດັ່ງກ່າວ ແລະອື່ນໆ.ຕາມການລາຍ

ງານໃຫ້ຮູ້ຕື່ມວ່າ: ນັບແຕ່ວັນທີ 21ກຸມພານີ້ເປັນຕົ້ນໄປ, ທີມແພດຈີນຊຸດນີ້ຍັງຈະກວດໂຄວິດໃຫ້ຜູ້ໂດຍສານທີ່ຈະເດີນທາງໄປຈີນໃຫ້ກັບໂຮງແຮມຈໍານວນໜຶ່ງ.

ທີມແພດຈີນຊຸດນີ້ປະກອບມີ 6 ທ່ານ ເຊິ່ງໄດ້ເດີນທາງມາຈາກນະຄອນຄຸນໝິງ ແຂວງຢຸນນານ ສປ ຈີນແລະໄດ້ມາຮອດສປປລາວແຕ່ວັນທີ 7 ກຸມພາ ເພື່ອຕອບສະໜອງຕາມການສະເໜີຂອງລັດຖະບານລາວ,ກໍຄືກະຊວງສາທາລະນະສຸກໃນການແລກປ່ຽນບົດຮຽນທາງດ້ານການປ້ອງກັນ ແລະຄວບຄຸມການແຜ່ລະບາດຂອງພະຍາດໂຄວິດ-19 ຢູ່ສປປລາວ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here