25 C
Vientiane
ວັນອາທິດ, ເດືອນພຶດສະພາ 22, 2022

ຈະແກ້ໄຂຢ່າງຈີງຈັງ ຕ້ອງນຳໃຫ້ໄດ້ຜູ້ສວຍໂອກາດຊື້ປີ້ລົດໄຟໄປຂາຍຕໍ່

ມີຫາງສຽງສັງຄົມຢ່າງຕໍ່ເນື່ອງມານັບແຕ່ເປີດບໍລິການລົດໄຟລາວ-ຈີນ ໂດຍສະເພາະແມ່ນການຊື້ປີ້ລົດໄຟ ບໍ່ພຽງຕ້ອງຕໍ່ຄີວຍາວ ແຕ່ຍັງຍາກທີ່ຈະຊື້ໄດ້ບາງຄົນຕໍ່ຄີວໄປຮອດປ່ອງບໍລິການປີ້ໝົດ ເສຍເວລາເອົາຊື່ໆ ຂະນະດຽວກັນຍັງມີກຸ່ມຄົນສວຍໂອກາດຊື້ປີ້ໄປຂາຍເກງກຳໄລ ເຮັດໃຫ້ຜູ້ຕ້ອງການຢາກເດີນທາງຜ່ານທາງລົດໄຟ ເສຍໂອກາດ ຫຼື ຖ້າຈະຊື້ກໍ່ໄດ້ຈ່າຍໃນລາຄາທີ່ເກີນກວ່າລາຄາກາງທີ່ບໍລິສັດກຳນົດໄວ້.

ເພື່ອຄວາມກະຈ່າງແຈ້ງບໍ່ສັງຄົມຜູ້ຊົມໃຊ້ ໃນວັນທີ 18 ກຸມພາ 2022 ນີ້ ທ່ານ ວົງທອງ ສຸພັນທອງ ຮອງວິສະວະກອນເອກ ບໍລິສັດທາງລົດໄຟ ລາວ-ຈີນ ແມ່ນໄດ້ໃຫ້ສຳພາດຕໍ່ສື່ມວນຊົນວ່າ: ລົດໄຟ ລາວ-ຈີນ ແມ່ນໄດ້ເປີດບໍລິການໂດຍສານ ແຕ່ວັນທີ 4 ທັນວາ 2021 ມາຮອດປະຈຸບັນກໍ່ໄດ້ 2 ເດືອນກວ່າ  ເຊິ່ງທາງລິສັດເອງແມ່ນ ໃຫ້ຄວາມສໍາຄັນກ່ຽວກັບການບໍລິການຂາຍປີ້ໃຫ້ປະຊາຊົນ ແລະຮັບຮູ້ໄດ້ເຖິງຄວາມຫຍຸ້ງຍາກຂອງພໍ່ແມ່ປະຊາຊົນທີ່ມາຊື້ປີ້ບາງຄົນມາແຕ່ເຊົ້າເກືອບໝົດມື້ຍັງບໍ່ໄດ້ກໍ່ມີ.

ດັ່ງນັ້ນ ເພື່ອແກ້ໄຊບັນຫາບໍລິສັດທາງລົດໄຟກໍ່ມີການປຶກສາຫາລືກັບຊ່ຽວຊານດ້ານນີ້ ກຳລັງຄົ້ນຄວ້າລະບົບຂາຍອອນລາຍໃນອະນາຄົດ ແຕ່ປະຈຸບັນເພື່ອອຳນວຍຄວາມສະດວກໃຫ້ແກ່ປະຊາຊົນຜູ້ມາຊື້ປີ້ແມ່ນບໍລິສັດໄດ້ມີມາດຕະການເພີ່ມຕູ້ໂດຍສານເພີ່ມຂື້ໜສຳລັບວັນເສົາ-ອາທິດ ແລະ ນຳເອົາຂະບວນລົດໄຟຄວາມໄວທຳມະດາເຂົ້າມາແລ່ນ ເພື່ອເພີ່ມທາງເລືອກ ແລະທຸກຄົນສາມາດຂຶ້ນລົດໄຟໄດ້.

ຕໍ່ກັບການຂາຍປີ້ໃນປະຈຸບັນ ແມ່ນມີການກຳນົດເວລາ ດ້ວຍເຫດນີ້ເພື່ອບໍ່ໃຫ້ຜູ້ຕ້ອງການໄປຊື້ເສຍເວລາ ໄປລໍຖ້າ ຕ້ອງສຶກສາຂໍ້ມູນກ່ອນ ແລະບໍລິສັດຍັງຈະໃຫ້ບຸລິມະສິດກັບຜູ້ມາຕໍ່ຄິວຊື້ຄືເກົ່າຜ່ານມາ ສະນັ້ນ ຈິ່ງຂະຫຍາຍເວລາໃຫ້ບໍລິການຄື ໃຫ້ສາມາດຊື້ກ່ອນລ່ວງໜ້າໄດ້ເຖິງ 3 ມື້ ແລະ ສາມາດຈອງປີ້ໄປກັບໄດ້ ແລະ ຊື້ປີ້ກັບໄດ້ຢູ່ທຸກສະຖານີ.

ຕໍ່ກັບປະເດັນທີ່ຜູ້ໂດຍສານບອກວ່າພະນັກງານບອກວ່າປີ້ໝົດແລ້ວ ແຕ່ເວລາຂຶ້ນລົດໄຟໄປແຕ່ບ່ອນນັ່ງຍັງວ່າງນັ້ນ ໃຫ້ເຂົ້າໃຈວ່າ ຜູ້ຊື້ປີ້ແມ່ນມີຢູ່ຫຼາຍສະຖານີ ຈິ່ງມີບ່ອນວ່າງສຳລັບຜູ້ຈະຂຶ້ນໃນສະຖານີຕໍ່ໄປ ສ່ວນວ່າຜູ້ີ່ຊື້ປີ້ແລ້ວຈະໄປຫຼືບໍ ຈະຖອນເງິນຄືນແມ່ນບໍລິສັດປະຕິບັດຕາມລະບຽບໃນການຫັກເປີເຊັນຢູ່ແລ້ວ.

ກ່ຽວກັບຫາງສຽງການຊື້ປີ້ໄປຂາຍຕໍ່ ບໍລິສັດຢືນຢັນວ່າ ບັນຫານີ້ແມ່ນບໍລິສັດທາງລົດໄຟຕໍ່ຕ້ານທີ່ສຸດ ພາຍຫຼັງທີ່ເກີດມີຫາງສຽງນີ້ຂຶ້ນມາບໍລິສັດທາງລົດໄຟ ແມ່ນໄດ້ປະສານສົມທົບກັບເຈົ້າໜ້າທີ່ ປກສ ໂດຍສະເພາະແມ່ນກົມຕຳຫຼວດທາງລົດໄຟ ທີ່ມີເຈົ້າໜ້າທີ່ປະຈຳຢູ່ແຕ່ລະສະຖານີໂດຍສານໃຫ້ມີການຕິດຕາມພ້ອມນຳຊອກເອົາຜູ້ກ່ຽວມາປະຕິບັດວິໄນ (ໂດຍສະເພາະແມ່ນພະນັກງານພາຍໃນບໍລິສັດ) ຖ້າປະຊາຊົນ ຫຼື ຜູ້ໂດຍສາຍພົບເຫັນຫາກມີຫຼັກຖານໃຫ້ນຳມາແຈ້ງກັບເຈົ້າໜ້າທີ່ ພວກເຮົາໄດ້ຈະປະຕິບັດຕາມລະບຽບ ອັນສຳຄັນຕ້ອງຕີຕ້ານປະກົດການຫຍໍ້ທໍ້ນີ້ໃຫ້ໝົດໄປ.

ພ້ອມດຽວກັນນີ້ໃນໄວໆນີ້ແມ່ນທາງບໍລິສັດທາງລົດໄຟຈະໄດ້ເປີດຫ້ອງບໍລິການຂາຍປີ້ຢູ່ສູນການຄ້າວຽງຈັນເຊັນເຕີ້ ເພື່ອອອຳນວຍຄວາມສະດວກແກ່ປະຊາຊົນ ບໍ່ໃຫ້ເສຍເວລາເດີນທາງໄປສະຖານີລົດໄຟອີກ ເຊິ່ງຕອນນີ້ກຳລັງຢູ່ໃນຂັ້ນຕອນການກະກຽມສະຖານທີ່ ຄາດວ່າຈະໄດ້ເປີດບໍລິການໃນໄວໆນີ້.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here