25 C
Vientiane
ວັນອາທິດ, ເດືອນພຶດສະພາ 22, 2022

ຂ່າວເສົ້າ! ເຮົາສູນເສຍການນຳຜູ້ມີຄວາມສາມາດໄປອີກຄົນ ທ່ານ ໄຊສີ ສັນຕິວົງ

ມື້ນີ້ຍິນຂ່າວເສົ້າ ລາວເຮົາໄດ້ສູນເສຍອະດີດການນຳຂັ້ນສູງໄປອີກທ່ານໜຶ່ງ ນັ້ນຄືທ່ານ ໄຊສີ ສັນຕິວົງ ເຊິ່ງຕະຫຼອດຊີວິດຂອງເພິ່ນໄດ້ທຸ່ມເທໃຫ້ປະເທດຊາດ ທັງໃນວຽກບໍລິຫານບຸກຄະລາກອນ ແລະຂະບວນການຍຸຕິທຳ.

ຕາມການລາຍງານຂອງໂທລະພາບແຫ່ງຊາດ ໃນວັນທີ 15 ກຸມພາ 2022 ໃຫ້ຮູ້ວ່າ: ທ່ານ ໄຊສີ ສັນຕິວົງ ເຊິ່ງທ່ານເປັນອາດີດພະນັກງານບຳນານ ອາດີດກຳມະການສູນກາງພັກສະໄໝທີ 9 ແລະ 10 ອະດີດຮອງຫົວໜ້າຄະນະຈັດຕັ້ງສູນກາງພັກ, ອະດີດລັດຖະມົນຕີກະຊວງພາຍໃນ, ອະດີດລັດຖະມົນຕີ ກະຊວງຍຸດຕິທຳ ແມ່ນໄດ້ເຖິງແກ່ມໍລະນະກຳ ຫຼື ໄດ້ເສຍຊີວິດໃນວັນທີ 14 ກຸມພາ 2022 ລວມອາຍຸໄດ້ 68 ປີ.

ປັດຈຸບັນ ສົບຂອງທ່ານແມ່ນໄດ້ບຳເພັນກຸສົນໄວ້ທີ່ ເຮືອນຂອງເພິ່ນເອງທີ່ບ້ານນາຄວາຍກາງ ຮ່ອມ2 ເມືອງໄຊເສດຖາ ນະຄອນຫຼວງວຽງຈັນ ສໍາລັບວັນຊາປະນະກິດສົບຈະໄດ້ຈັດຂຶ້ນຢ່າງເປັນທາງການໃນວັນທີ 17 ກຸມພາ 2022 ເວລາ 13:00 ທີ່ວັດປ່າສົມສະຫງ່າ ບ້ານສົມສະຫງ່າ ເມືອງໄຊເສດຖາ ນະຄອນຫຼວງວຽງຈັນ.

ທ່ານໄຊສີ ສັນຕິວົງ ພາຍຫຼັງເພິ່ນໄດ້ເກີດມີອາການເຈັບເປັນທາງຄອບຄົວ ແລະ ແພດໝໍກໍ່ໄດ້ເອົາໃຈໃສ່ຈົນສຸດຄວາມສາມາດ ແຕ່ກໍ່ບໍ່ສາມາດກອບກູ້ເອົາຊີວິດຂອງເພິ່ນໄວ້ໄດ້ ຈິ່ງໄດ້ຈາກໄປຢ່າງສະຫງົບໃນເວລາ 7:30 ນາທີຂອງວັນທີ 14 ກຸມພາ 2022 ຂໍສະແດງຄວາມເສຍໃຈນຳຄອບຄົວດ້ວຍ.

ເຊິ່ງການເສຍຄັ້ງນີ້ຖືວ່າເປັນການເສຍບຸກຄົນສຳຄັນຂອງປະເທດຊາດໄປອີກ 1 ທ່ານ ແຕ່ຄຸນງາມຄວາມດີທີ່ທ່ານໄດ້ສ້າງໄວ້ແມ່ນຈະເປັນທີ່ຈົດຈຳຕະຫຼອດໄປ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here