22.7 C
Vientiane
ວັນສຸກ, ເດືອນຕຸລາ 7, 2022

ອ້າຍທະຫານ ບໍລິຈາກເລືອດ ຊ່ວຍຕໍ່ຊີວິດໃຫ້ປະຊາຊົນ

ການໃຫ້ເລືອດກໍຄືການໃຫ້ຊີວິດ ແລະ ເປັນສິ່ງທີ່ສຳຄັນຫຼາຍກັບຜູ້ທີ່ຕ້ອງການເລືອດ ນອກຈາກໄດ້ບຸນ, ຊ່ວຍສັງຄົມ, ຊ່ວຍຊີວິດຄົນ ຍັງເປັນການປະກອບສ່ວນທີ່ໃຫຍ່ຫຼວງໃນການຊ່ວຍເຫຼືອປະເທດຊາດບ້ານເມືອງ ທີ່ໄດ້ກອບກູ້ເອົາຊີວິດຄົນໄດ້.

ໃນວັນທີ 8 ກຸມພາ 2022 ນີ້, ສະພາກາແດງແຂວງ ຄຳມ່ວນ ໄດ້ລົງຮັບບໍລິຈາກເລືອດຢູ່ ກອງພັນ 118 ກອງພັນໃຫຍ່ 401 ທີ່ຂື້ນກັບກອງພົນທະຫານຮາບທີ 4 ເພື່ອຊ່ວຍເຫຼືອສັງຄົມ ໂດຍການເຂົ້າຮ່ວມຂອງ ສະຫາຍ ພັນໂທ ສຸກັນ ວິໄລທອງ ຄະນະພັກກອງພັນໃຫຍ່ ຫົວໝ້າພະແນກການເມືອງກອງພັນໃຫຍ່ 401,ມີ ສະຫາຍ ດຣ ວິລິດ ພະສະຫວັດ ຮອງຫົວໜ້າອົງການກາແດງ ແຂວງ ຄໍາມ່ວນ ,ມີຄະນະພັກ – ຄະນະບັນຊາກອງພັນ 118 ຕະຫຼອດຮອດພະນັກງານ – ນັກຮົບເຂົ້າຮ່ວມຢ່າງພ້ອມພຽງ.

ໃນໂອກາດດັ່ງກ່າວ ສະຫາຍ ດຣ ວິລິດ ພະສະຫັວດ ໄດ້ຍົກໃຫ້ເຫັນຈຸດປະສົງໃນການບໍລິຈາກເລືອດໃນຄັ້ງນີ້ ແມ່ນເພື່ອປະກອບສ່ວນກອບກູ້ເອົາຊີວິດຂອງຄົນເຈັບທີ່ຂາດເລືອດ, ປັດຈຸບັນຢູ່ທາງທະນາຄານເລືອດແມ່ນຍັງຂາດແຄນເລືອດທີ່ຈະສະໜອງໃຫ້ໂຮງໝໍແຫ່ງຕ່າງໆ, ບໍ່ວ່າຈະເປັນຄົນເຈັບສຸກເສີນກະທັນຫັນ ແລະ ຄົນເຈັບທີ່ປິ່ນປົວຍາວນານທີ່ຕ້ອງການເລືອດ ສະນັ້ນການບໍລິຈາກເລືອດແມ່ນເປັນສິ່ງທີ່ສໍາຄັນ ແລະ ມີຄວາມຈໍາເປັນທີ່ສຸດ

ດັ່ງນັ້ນຈຶ່ງໄດ້ມີການປຸກລະດົມຂໍຮັບບໍລິຈາກເລືອດຈາກຜູ້ຄົນທົ່ວໄປເປັນການຊ່ວຍເຫຼືອເພື່ອນມະນຸດດ້ວຍກັນ ເຊິ່ງໃນໄລຍະທີ່ຜ່ານມາ ກອງພັນ 118 ກໍ່ໄດ້ໃຫ້ການບໍລິຈາກເລືອດເປັນປະຈໍາ ແລະ ຈະສືບຕໍ່ບໍລິຈາກເລືອດຢູ່ເລື້ອຍໆ, ສໍາລັບການບໍລິຈາກເລືອດໃນຄັ້ງນີ້ ແມ່ນໄດ້ປະຕິບັດຕາມມາດຕະການປ້ອງກັນຂອງຄະນະສະເພາະກິດກໍ່ຄືໜ່ວຍສະເພາະຂອງກອງພັນໃຫຍ່ 401 ເຊິິ່ງມີພະນັກງານ -ນັກຮົບ ສະໝັກໃຈ ບໍລິຈາກເລືອດທັງໝົດ ຈໍານວນ 11 ສະຫາຍ ໃຫ້ສະພາກາແດງແຂວງ ຄຳມ່ວນ ໄປຊ່ວຍເຫຼືອສັງຄົມ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here