25 C
Vientiane
ວັນອາທິດ, ເດືອນພຶດສະພາ 22, 2022

ນະຄອນຫຼວງ ແຈ້ງ! ສືບຕໍ່ປິດຮ້ານບັນເທີງ-ຄາຣາໂອເກະ

ນະຄອນຫຼວງ ແຈ້ງ! ສືບຕໍ່ປິດຮ້ານບັນເທີງ-ຄາຣາໂອເກະ ຫາກລະເມີດ ໃຫ້ລົບລ້າງໃບດຳເນີນທຸລະກິດ.

ເຈົ້າຄອງ ນະຄອນຫຼວງ ວຽງຈັນ ໄດ້ໃຫ້ຮູ້ວ່າ: ກ່ຽວກັບ ການຜັນຂະຫຍາຍມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ຂອງ ລັດຖະບານ ໃນໄລຍະໃໝ່ ຢູ່ ນະຄອນຫຼວງວຽງຈັນ.

ແມ່ນຈະຍັງໄດ້ໃຫ້ສືບຕໍ່ ປິດ ຮ້ານບັນເທິງ ແລະ ຮ້ານຄາລາໂອເກະ (ຖ້າຮ້ານໃດລະເມີດ ແມ່ນໃຫ້ລົບລ້າງໃບອະນຸ ຍາດດຳເນີນທຸລະກິດ ແລະ ປັບໃໝ), ຜ່ອນຜັນ ໄລຍະເວລາໃນການຈໍາກັດບໍລິເວນຕໍ່ ແຕ່ລະເປົ້າໝາຍຜູ້ທີ່ເດີນທາງເຂົ້າ ສປປ ລາວ ຜ່ານ ນະຄອນຫຼວງ ວຽງຈັນ ແມ່ນໃຫ້ປະຕິບັດຕາມ ຂໍ້ 1.1, 1.2, 1.3, 1.4 ແລະ 1.5 ຂອງແຈ້ງການຫ້ອງວ່າການ ສຳນັກງານນາຍົກລັດຖະມົນຕີ ສະບັບເລກທີ 130/ຫສນຍ, ລົງວັນທີ 03 ກຸມພາ 2022.

ສໍາລັບຄົນຕ່າງປະເທດ ທີ່ອາໄສຢູ່ ນະຄອນຫຼວງວຽງຈັນ ລວມທັງຜູ້ທີ່ເດີນທາງເຂົ້າມາ ແມ່ນຕ້ອງໄດ້ໃຊ້ບໍລິການ “ລາວ ສູ້ໆ” ເພື່ອໃຊ້ເປັນບັດຢັ້ງຢືນການສັກວັກຊີນ ແລະ ຢືນຢັນສະຖານະຄວາມສ່ຽງຂອງຕົນ ໃນເວລາເຄື່ອນເຂົ້າສະຖານທີ່ຕ່າງໆ.

ອະນຸຍາດໃຫ້ເປີດກິລາ ໃນຮົ່ມ ແລະ ກາງແຈ້ງ ທຸກປະເພດ (ແຕ່ຕ້ອງມີການປ້ອງກັນ ແລະ ຄວບຄຸມພະຍາດໂຄວິດ-19 ຢ່າງເຂັ້ມງວດ), ອະນຸຍາດໃຫ້ແກ່ການບໍລິການລົດໂດຍສານ, ຜູ້ໂດຍສານ, ຜູ້ທີ່ເດີນທາງດ້ວຍພາຫະນະປະເພດເດີນທາງໄປ-ມາ ໄດ້ຢ່າງເປັນປົກກະຕິ ແລະ ສຳລັບການກະກຽມເປີດດ່ານປະເພນີ-ດ່ານທ້ອງຖິ່ນ ຍັງຕ້ອງໄດ້ຄົ້ນຄວ້າ ແລະ ພິຈາລະນາຕື່ມອີກ.

ທີ່ມາ:ອິນໄຊລາວ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here