33 C
Vientiane
ວັນສຸກ, ເດືອນພຶດສະພາ 27, 2022

ນ້ຳມັນຂຶ້ນອີກແລ້ວ ເທື່ອນີ້ສູງສຸດໃນປະຫວັດສາດເລີ່ມມື້ອື່ນ 11 ກຸມພາເປັນຕົ້ນໄປ

ທີ່ຜ່ານມາໃສ່ນ້ຳມັນລົດຈັກເຕັມຖັງບໍ່ເກີນ 35.000 ກີບ ແຕ່ເດືອນແລ້ວນີ້ເກືອບ 50.000 ກີບ ມື້ນີ້ມີແຈ້ງການປັບຂຶ້ນໃໝ່ແອັດຊັງທຳມະດາທີ່ຄົນຫາເຊົ້າກິນຄ່ຳສ່ວນຫຼາຍໃຊ້ແມ່ນແພງຂຶ້ນອີກ 670 ກີບຕໍ່ລິດ ເຮັດໃຫ້ລາຄາຖີບຕົວສູງເຖິງ 14.280 ກີບ ເຊິ່ງສູງທີ່ສຸດໃນປະຫວັດການເທົ່າທີ່ເຄີຍເປັນມາ ເຊື່ອເລີຍເດືອນນີ້ເງິນໃນກະເປົາຈະເບົາລົງອີກຫຼາຍເຕີບ.

ການຂອງກະຊວງອຸດສາຫະກໍາ ແລະ ການຄ້າ (ອຄ) ອອກແຈ້ງການ ສະບັບເລກທີ 0168/ອຄ, ລົງວັນທີ 10 ກຸມພາ 2022 ເຖິງສະມາຄົມນໍ້າມັນເຊື້ອໄຟ ແລະ ອາຍແກັສ, ບັນດາບໍລິສັດນໍ້າມັນເຊື້ອໄຟ ແລະ ປໍ້າຂາຍຍ່ອຍນໍ້າມັນເຊື້ອໄຟ ເລື່ອງແຈ້ງປັບຂຶ້ນລາຄາຂາຍຍ່ອຍນໍ້າມັນເຊື້ອໄຟ ໃນຂອບເຂດທົ່ວປະເທດ ໂດຍໄດ້ປັບຂຶ້ນນ້ຳມັນເຊື້ອໄຟທຸກຊະນິດຄື: ນ້ຳມັນແອັດຊັງພິເສດ ປັບຂຶ້ນ 830 ກີບຕໍ່ລິດ, ນໍ້າມັນແອັດຊັງທຳມະດາ 670 ແລະ ກາຊວນ ປັບຂຶ້ນ 570 ກີບຕໍ່ລິດ ລາຄາປັບໃໝ່ໃຫ້ເລີ່ມປະຕິບັດເວລາ 6:00 ໂມງ ຂອງວັນທີ 11 ກຸມພາ 2022 ເປັນຕົ້ນໄປ.

ລາຍລະອຽດກຳນົດລາຄາການຈຳໜ່າຍໃນແຕ່ລະແຂວງດັ່ງຕາຕະລາງລຸ່ມນີ້ ນະຄອນຫຼວງວຽງຈັນ ແອັດຊັງພິເສດ 16.190 ກີບ/ລິດ ແອັດຊັງທໍາມະດາ14.280 ກີບ/ລິດ ກາຊວນ 12.520 ກີບ/ລິດ.ແຂວງອຸດົມໄຊ ແອັດຊັງພິເສດ 16.670ກີບ/ລິດ ແອັດຊັງທໍາມະດາ14.760 ກີບ/ລິດ ກາຊວນ 13.000 ກີບ/ລິດ.

ແຂວງຫຼວງພະບາງ ແອັດຊັງພິເສດ 16.550 ກີບ/ລິດ ແອັດຊັງທໍາມະດາ 14.650 ກີບ/ລິດ ກາຊວນ 12.890 ກີບ/ລິດ.ແຂວງຊຽງຂວາງ ແອັດຊັງພິເສດ 16.380 ກີບ/ລິດ ແອັດຊັງທໍາມະດາ 14.470 ກີບ/ລິດ ກາຊວນ 12.710 ກີບ/ລິດ.ແຂວງສະຫວັນນະເຂດ ແອັດຊັງພິເສດ 16.220 ກີບ/ລິດ ແອັດຊັງທໍາມະດາ 14.310 ກີບ/ລິດ ກາຊວນ 12.550 ກີບ/ລິດ ແຂວງຈໍາປາສັກ ແອັດຊັງພິເສດ 16.250 ກີບ/ລິດ ແອັດຊັງທໍາມະດາ 14.340 ກີບ/ລິດ ກາຊວນ 12.580 ກີບ/ລິດ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here