18.7 C
Vientiane
ວັນພຸດ, ເດືອນມັງກອນ 19, 2022

ສຕລ ຊີ້ແຈງເພີ່ມຕື່ມກໍລະນີນັກເຕະລາວ ເຄີຍຖືກແບນ ຈາກການມີສ່ວນກັບການລົ້ມບານປີ 2015-2017

ກ່ອນໜ້ານີ້ ສະຫະພັນບານເຕະແຫ່ງຊາດລາວ ໄດ້ຖະແຫລງ ຄັ້ງວັນທີ 07 ມັງກອນ 2022 ກ່ຽວກັບ ກໍລະນີການລ໋ອກສະກໍ (ລົ້ມບານ) ທີ່ໄດ້ລະບຸໃນງານຖະແຫຼງຂ່າວ ເຊິ່ງກໍລະນີການລົ້ມບານແມ່ນເປັນໜຶ່ງໃນ ເຫດຜົນອັນສຳຄັນທີ່ສົ່ງຜົນກະທົບໃຫ້ມີຂໍ້ຈໍາກັດໃນການຄັດເລືອກນັກກິລາບານເຕະເຂົ້າຮັບໃຊ້ທີມຊາດລາວ ໂດຍ ນັກກິລາທີ່ມີຄວາມສາມາດຈຳນວນໜຶ່ງໄດ້ຖືກລົງວິໄນຫ້າມກ່ຽວຂ້ອງກັບທຸກໆກິດຈະກໍາບານເຕະທັງພາຍໃນ ແລະ ຕ່າງປະເທດພາຍຫຼັງຂໍ້ມູນການຖະແຫລງຂ່າວໄດ້ຖືກເຜີຍແຜ່ອອກສູ່ງສື່ຕ່າງໆ, ສຕລ ເຫັນວ່າຂໍ້ມູນທີ່ ສັງຄົມໄດ້ ຮັບນັ້ນຍັງບໍ່ທັນຄົບຖ້ວນສະນັ້ນ

ຫຼ້າສຸດ ສະຫະພັນບານເຕະແຫ່ງຊາດລາວ ຈຶ່ງຂໍຊີ້ແຈງເພີ່ມເຕີມກ່ຽວກັບກໍລະນີທີ່ຖືກ ຕັດສີນລົງວິໄນຕໍ່ກັບນັກກິລາບານເຕະລາວ ແມ່ນກໍລະນີສະສົມທີ່ເກີດຂຶ້ນຈາກການແຂ່ງຂັນໃນປີ 2015, 2016 ແລະ 2017 ເຊິ່ງລວມມີດັ່ງນີ້:

-ປີ 2017 ມີຄຳຕັດສີນລົງວິໄນກໍລະນີ ທີ່ເກີດຂື້ນຈາກການແຂ່ງຂັນໃນປີ 2015-2016 ຈຳນວນ 20 ກໍລະນີ ໂດຍທັງໝົດຖືກຕັດສີນຫ້າມກ່ຽວຂ້ອງກັບທຸກໆກິດຈະກໍາບານເຕະຕະຫຼອດຊີວິດຈາກສະຫະພັນບານເຕະ ອາຊີ (AFC) ພ້ອມທັງຂະຫຍາຍໂທດດັ່ງກ່າວໃຫ້ຄວມຄຸມທົ່ວໂລກໂດຍສະຫະພັນບານເຕະນາໆຊາດ (FIFA):
-ປີ 2018 ມີຄຳຕັດສິນລົງວິໄນກໍລະນີທີ່ເກີດຂື້ນຈາກການແຂ່ງຂັນໃນປີ 2017 ຈໍານວນ 8 ກໍລະນີ ໂດຍທັງ ໝົດຖືກຕັດສີນຫ້າມກ່ຽວຂ້ອງກັບທຸກໆກິດຈະກໍາບານເຕະໃນໄລຍະ 20 ເດືອນ ແລະ 12 ເດືອນ ຈາກ ສະຫະພັນບານເຕະອາຊີ (AFC) ພ້ອມທັງຂະຫຍາຍໂທດດັ່ງກ່າວໃຫ້ຄວມຄຸມທົ່ວໂລກໂດຍສະຫະພັນ ບານເຕະນາໆຊາດ (FIFA);
-ປີ 2018 ມີຄຳຕັດສີນລົງວິໄນກໍລະນີ ທີ່ເກີດຂື້ນຈາກການແຂ່ງຂັນໃນປີ 2017 ຈໍານວນ 15 ກໍລະນີ ໂດຍທັງໝົດຖືກຕັດສິນຫ້າມກ່ຽວຂ້ອງກັບທຸກໆກິດຈະກໍາບານເຕະແບບບໍ່ມີກໍານົດຈາກສະຫະພັນບານເຕະແຫ່ງຊາດລາວ

-ປີ 2020 ມີຄຳຕັດສີນລົງວິໄນກໍລະນີ ທີ່ເກີດຂື້ນຈາກການແຂ່ງຂັນໃນປີ 2017 ຈຳນວນ 3 ກໍລະນີ ໂດຍ ທັງໝົດຖືກຕັດສິນຫ້າມກ່ຽວຂ້ອງກັບທຸກໆກິດຈະກໍບານເຕະຕະຫຼອດຊີວິດຈາກສະຫະພັນບານເຕະອາຊີ (AFC) ພ້ອມທັງຂະຫຍາຍໂທດດັ່ງກ່າວໃຫ້ຄວມຄຸມທົ່ວໂລກໂດຍສະຫະພັນບານເຕະນາໆຊາດ (FIFA). (ລາຍລະອຽດເບິ່ງແຈ້ງການ ແລະ ຄລິບລຸ່ມນີ້ )

[wpcc-iframe loading=”lazy” title=”YouTube video player” src=”https://www.youtube.com/embed/1SeBqiT3wBo” width=”560″ height=”315″ frameborder allowfullscreen=”allowfullscreen”]

Latest news

- Advertisement -spot_img

ປ ະກ າ ດຈັ ບ

Related news

- Advertisement -spot_img

LEAVE A REPLY

Please enter your comment!
Please enter your name here