22 C
Vientiane
ວັນອັງຄານ, ເດືອນມັງກອນ 25, 2022

lໂຄງການກໍ່ສ້າງໂຮງຮຽນມັດທະຍາ-ວິຊາຊີບຕົວແບບທີ່ແຂວງຄຳມ່ວນ ຄາດສໍາເລັດເດືອນພະຈິກນີ້

ພິທີເຊັນສັນຍາ ໂຄງການກໍ່ສ້າງໂຮງຮຽນມັດທະຍົມ-ວິຊາຊີບຕົວແບບ ມິດຕະພາບ ລາວ-ຫວຽດນາມ ເມືອງໜອງບົກ ແຂວງຄໍາມ່ວນ ຂອງຂວັນຈາກປະທານປະເທດ ຫວຽດນາມ ໄດ້ມີຂຶ້ນເມື່ອວັນທີ 31 ທັນວາ 2021 ທີ່ສໍານັກງານ ສສກ ລະຫວ່າງ ທ່ານ ສົມຈິດ ວົງວິໄລ ຮອງປະທານບໍລິສັດ ຈິດຈະເລີນ ກໍ່ສ້າງຈໍາກັດຜູ້ດຽວ ແລະ ທ່ານ ປອ. ນາງ ສີສຸກ ວົງວິຈິດ ຮອງລັດຖະມົນຕີ ກະຊວງສຶກສາທິການ ແລະ ກີລາ (ສສກ), ມີທ່ານ ໜູພັນ ອຸດສາ ຫົວໜ້າກົມອາຊີວະສຶກສາ ພ້ອມດ້ວຍຫົວໜ້າກົມພົວພັນຕ່າງປະເທດ, ຫົວໜ້າຫ້ອງການ ກະຊວງ ສສກ ແລະ ບັນດາພະນັກງານທີ່ກ່ຽວຂ້ອງເຂົ້າຮ່ວມ.

ກ່ອນໜ້ານີ້ ທ່ານ ຫງວຽນ ຊວັນຟຸກ ປະທານປະເທດ ແຫ່ງ ສສ ຫວຽດນາມ ພ້ອມດ້ວຍ ຄະນະຜູ້ແທນຂັ້ນສູງ ໄດ້ເດີນທາງມາຢ້ຽມຢາມ ສັນຖະວະໄມຕີ ທີ່ ສປປ ລາວ ຢ່າງເປັນທາງການ ໃນລະຫວ່າງ ວັນທີ 9-10 ສິງຫາ 2021 ໃນໂອກາດດັ່ງກ່າວ ທ່ານ ປະທານປະເທດ ແຫ່ງ ສສ ຫວຽດນາມ ໄດ້ມອບທຶນ ຈໍານວນ 5 ລ້ານໂດລາສະຫະລັດ ເປັນຂອງຂວັນໃຫ້ແກ່ ສປປ ລາວ ເພື່ອກໍ່ສ້າງໂຄງລ່າງພື້ນຖານ ໂດຍສະເພາະປະກອບອຸປະກອນຂອງໂຄງການກໍ່ສ້າງໂຮງຮຽນມັດທະຍົມ-ວິຊາຊີບ ຕົວແບບ ຢູ່ເມືອງໜອງບົກ ແຂວງຄໍາມ່ວນ.

ເຊິ່ງໂຄງການກໍ່ສ້າງໂຮງຮຽນມັດທະຍາ-ວິຊາຊີບຕົວແບບ ມິດຕະພາບ ລາວ-ຫວຽດນາມ ທີ່ເມືອງໜອງບົກ ແຂວງຄຳມ່ວນ ຂອງຂວັນຈາກປະທານປະເທດ ຫວຽດນາມ ມີມູນຄ່າລວມທັງໝົດ: 2.207.773,49 ໂດລາສະຫະລັດ ໂດຍຈະເລີ່ມລົງມືກໍ່ສ້າງໃນເດືອນມັງກອນນີ້ ແລະ ຈະສຳເລັດໃນເດືອນພະຈິກ 2022 ໂດຍແມ່ນບໍລິສັດ ຈິດຈະເລິນ ກໍ່ສ້າງຈໍາກັດຜູ້ດຽວ ບໍລິສັດທີ່ຊະນະການປະມູນ ເປັນຜູ້ດຳເນີນໂຄງການດັ່ງກ່າວ.

ສໍາລັບ ສະຖານທີ່ຕັ້ງຂອງໂຄງການ ແມ່ນຢູ່ຫ່າງຈາກເທດສະບານແຂວງ ໄປທາງທິດຕາເວັນຕົກສຽງໃຕ້ ປະມານ 40 ກິໂລແມັດ, ຕັ້ງຢູ່ບ້ານສອງເໝືອງ ເມືອງໜອງບົກ ແຂວງຄໍາມ່ວນ ໂຄງການກໍ່ສ້າງດັ່ງກ່າວມີ ເນື້ອທີ່ປຸກສ້າງອາຄານທັງໝົດ 6,439 ຕາແມັດ, ໃນນັ້ນ ເນື້ອທີອາຄານໃໜ່ 5,149 ຕາແມັດ ແລະ ເນື້ອທີ່ອາຄານສ້ອມແປງ 1,290 ຕາແມັດ ລວມມີ ອາຄານທັງໝົດ 21 ຫຼັງ, ສ້າງໃໝ່ 19 ຫຼັງ ແລະ ສ້ອມແປງ 2 ຫຼັງເຊັ່ນ: ອາຄານຮຽນ 4 ຫຼັງ; ອາຄານບໍລິຫານ 1 ຫຼັງ; ຫໍພັກ 3 ຫຼັງ; ຫ້ອງນໍ້າ 4 ຫຼັງ; ຫ້ອງຄົວ 3 ຫຼັງ; ໂຮງຊ່າງ 4 ຫຼັງ; (ໄຟຟ້າ, ສ້ອມແປງ, ກໍ່ສ້າງເຄຫະສະຖານ ແລະ ກະສິກໍາ); ໂຮງອາຫານ 1 ຫຼັງ ແລະ ຫ້ອງທົດລອງ 1 ຫຼັງ.

ນອກນັ້ນ, ຍັງປະກອບມີລະບົບໄຟຟ້າ. ນໍ້າບາດານ, ປ້ອມຍາມ ເດີ່ນກີລາ, ທາງຍ່າງພາຍໃນໂຮງຮຽນ ແລະ ຮົ້ວໂຮງຮຽນ ລວມມູນຄ່າ 2.207.773,49 ໂດລາ, ໃນນີ້ ບໍ່ລວມພາສີອາກອນ ແລະ ເງິນແຮ ຈຳນວນ 177.552,59 ໂດລາສະຫະລັດ.
ໂດຍ: ສົງການ ພັນແພງດີ

Latest news

- Advertisement -spot_img

ປ ະກ າ ດຈັ ບ

Related news

- Advertisement -spot_img

LEAVE A REPLY

Please enter your comment!
Please enter your name here