22.7 C
Vientiane
ວັນພຸດ, ເດືອນມັງກອນ 19, 2022

ການຄ້າຈະກວດເຂັ້ມ 8 ຕະຫຼາດໃຫຍ່ໃນນະຄອນຫຼວງຫ້າມສວຍໂອກາດໂດຍເດັດຂາດ

ໃນໄລຍະປີໃໝ່ນີ້ ຫຼາຍພາກສ່ວນຕ້ອງເປັນເຈົ້າການນຳກັນ ໂດຍສະເພາະລາຄາສິນຄ້າ ເພື່ອວ່າບາງບ່ອນອາດມີການສວຍໂອກາດຖືເອົາຊ່ວງນີ້ຂຶ້ນລາຄາສິນຄ້າ ແລະ ຂາຍສິ່ງທີ່ເປັນອັນຕະລາຍຕໍ່ສັງຄົມ ອັນກໍ່ໃຫ້ເກີດຄວາມເສຍຫາຍຕໍ່ສັງຄົມໄດ້.

ເພື່ອຕ້ານສິ່ງດັ່ງກ່າວ, ພະແນກອຸດສາຫະກໍາ ແລະ ການຄ້ານະຄອນຫລວງວຽງຈັນ ເຂັ້ມງວດກວດກາ ເພື່ອບໍ່ໃຫ້ຊາວຄ້າຂາຍສວຍໂອກາດຂຶ້ນລາຄາສິນຄ້າປະເພດຕ່າງໆ ທີ່ຈໍາເປັນໃນໄລຍະສະເຫລີມສະຫລອງສົ່ງທ້າຍປີເກົ່າ 2021 ແລະ ຕ້ອນຮັບປີໃໝ່ສາກົນ 2022, ທັງຮັບປະກັນໃຫ້ມີສິນຄ້າ ໂດຍສະເພາະສິນຄ້າບໍລິໂພກຕາມທ້ອງຕະຫລາດພຽງພໍກັບຄວາມຕ້ອງການຂອງຜູ້ບໍລິໂພກ.

ທ່ານ ນັນຕາ ສານຸວົງ, ຮອງຫົວໜ້າພະແນກອຸດສາຫະກໍາ ແລະ ການຄ້ານະຄອນຫລວງວຽງຈັນ ໃຫ້ສໍາພາດວ່າ: ພະແນກອຸດສາຫະກໍາ ແລະ ການຄ້ານະຄອນຫລວງວຽງຈັນ ໄດ້ອອກແຈ້ງການໃຫ້ບັນດາຫ້ອງການ ແລະ ພາກສ່ວນທີ່ກ່ຽວຂ້ອງເອົາໃຈໃສ່ຕິດຕາມສະພາບການສະໜອງສິນຄ້າຕາມທ້ອງຕະຫລາດພາຍໃນທ້ອງຖິ່ນຂອງຕົນໃນໄລຍະສົ່ງທ້າຍປີເກົ່າ ແລະ ຕ້ອນຮັບປີໃໝ່

ທັງນີ້, ເພື່ອບໍ່ໃຫ້ຊາວຄ້າຂາຍສວຍໂອກາດຂຶ້ນລາຄາ ຫລື ກັກຕຸນສິນຄ້າຕາມລໍາພັງໃຈ, ກໍານົດລາຄາສິນຄ້າທີ່ຢູ່ໃນການຄຸ້ມຄອງ ໂດຍສະເພາະ ເຂົ້າສານ, ຊີ້ນໝູ ແລະ ປານິນກະຊັງ. ໂດຍລະດົມໃຫ້ຜູ້ຜະລິດນໍາເອົາຜົນຜະລິດຂອງຕົນມາຈໍາໜ່າຍໃຫ້ຫລາຍ ພ້ອມນີ້ ຍັງໄດ້ຫ້າມນໍາເອົາສິນຄ້າເກືອດຫ້າມມາຈໍາໜ່າຍຢ່າງເດັດຂາດ ເປັນຕົ້ນໝາກກະໂພກ, ດອກໄມ້ໄຟ ທີ່ເປັນອັນຕະລາຍຕໍ່ສັງຄົມ. ຖ້າພົບເຫັນຈະຖືກປັບໃໝຕາມລະບຽບກົດໝາຍຂອງບ້ານເມືອງ

ເຊິ່ງຕະຫຼອດໄລຍະນີ້ ພະແນກອຸດສາຫະກຳ ແລະການຄ້າ ຈະໄດ້ແຕ່ງຕັ້ງເຈົ້າໜ້າທີ່ລົງກວດກາສະພາບການຈໍາໜ່າຍສິນຄ້າຕາມທ້ອງຕະຫລາດ ມື້ໜຶ່ງ 3 ຈຸ ໂດຍສະເພາະ 8 ຕະຫລາດໃຫຍ່ທີ່ຢູ່ໃນຄວາມຮັບຜິດຊອບຂອງພະແນກອຸດສາຫະກໍາ ແລະ ການຄ້ານະຄອນລວງວຽງຈັນ, ລວມເຖີງ ສູນການຄ້າໃຫຍ່ 10 ກວ່າແຫ່ງ. ສ່ວນຕະຫລາດລະດັບກາງ ແລະ ນ້ອຍ ມອບໃຫ້ຫ້ອງການກ່ຽວຂ້ອງຂອງແຕ່ລະເມືອງຕິດຕາມຢ່າງໃກ້ສິດໃນແຕ່ລະວັນ.

Latest news

- Advertisement -spot_img

ປ ະກ າ ດຈັ ບ

Related news

- Advertisement -spot_img

LEAVE A REPLY

Please enter your comment!
Please enter your name here