22 C
Vientiane
ວັນອັງຄານ, ເດືອນມັງກອນ 25, 2022

ປກສ ນະຄອນຫຼວງ ແຈ້ງເພີ້ມທະວີ ຮັກສາຄວາມສະຫງົບໃນວັນສຳຄັນຕ່າງໆ

ກອງບັນຊາການ ປກສ ນະຄອນຫຼວງວຽງຈັນ,​ ກະຊວງປ້ອງກັນຄວາມສະຫງົບ​ ອອກແຈ້ງການໃຫ້ເພີ່ມທະວີຮັກສາຄວາມສະຫງົບປອດໄພ, ຄວາມເປັນລະບຽບຮຽບຮ້ອຍຂອງສັງຄົມ ໃນງານສຳຄັນຕ່າງໆຂອງພັກ-ຂອງຊາດ,​ ງານບຸນນໍເປເຈົ້າ, ບຸນກະເລີ່, ປີໃໝ່ສາກົນ, ປີໃໝ່ຈີນ-ຫວຽດນາມ ປີ 2021-2022.ເພື່ອຮັບປະກັນໃຫ້ມີຄວາມສະຫງົບປອດໄພ, ມີຄວາມເປັນລະບຽບຮຽບຮ້ອຍໃນສັງຄົມ ແລະ ການ

ຈັດຕັ້ງປະຕິບັດບັນດາແຈ້ງການ, ຄຳສັ່ງກ່ຽວກັບການປ້ອງກັນການແຜ່ລະບາດຂອງພະຍາດໂຄວິດ 19 ທີ່ລັດຖະບານວາງອອກໃນຂອບເຂດຄວາມຮັບຜິດຊອບຂອງຕົນໃຫ້ເຂັ້ມງວດ, ງານສໍາຄັນຕ່າງໆຂອງພັກຂອງຊາດ,​ ງານບຸນນໍເປເຈົ້າ, ບຸນກະເລີ່, ປີໃໝ່ສາກົນ, ປີໃໝ່ຈີນ-ຫວຽດນາມ ແລະ ງານສຳຄັນຕ່າງໆ.​ ກອງບັນຊາການປ້ອງກັນຄວາມສະຫງົບນະຄອນຫຼວງວຽງຈັນ, ຈຶ່ງອອກແຈ້ງການດັ່ງນີ້:

1. ແຕ່ລະຄົນ, ແຕ່ລະຄອບຄົວ, ແຕ່ລະບ້ານ, ສຳນັກງານອົງການ, ໂຮງຈັກ, ໂຮງງານ, ໂຮງຮຽນ, ໂຮງໝໍເລົ້າສາງ, ກົມກອງທະຫານ, ກົມກອງຕໍາຫຼວດ, ການຈັດຕັ້ງສາກົນ ແລະ ການຈັດຕັ້ງສັງຄົມທຸກພາກສ່ວນຕ້ອງຍົກສູງສະຕິເຄົາລົບ ແລະ ປະຕິບັດຕາມລັດຖະທຳມະນູນ, ກົດໝາຍ, ບັນດາແຈ້ງການ, ຄຳສັ່ງຂອງສູນກາງ ແລະທ້ອງຖິ່ນໃນການປ້ອງກັນການແຜ່ລະບາດຂອງພະຍາດໂຄວິດ 19 ຢ່າງເຂັ້ມງວດ.

2. ຍົກສູງສະຕິລະວັງຕົວ ປົກປັກຮັກສາຊັບສົມບັດຂອງຕົນໃຫ້ດີ,ເອົາໃຈໃສ່ກວດກາສະຖານທີ່ເຮືອນຊານເຄຫາສະຖານ, ບ່ອນຢູ່ອາໃສ ເພື່ອຮັບປະກັນບໍ່ໃຫ້ມີຊ່ອງຫວ່າງພາໃຫ້ເກີດອັກຄີໄພຈາກ ການຈູດທູບ-ທຽນ ບູຊາບຸນປະເພນີ, ສະຫຼອງປີໃໝ່ສາກົນ ຫຼື ກໍ່ເຫດອຊະຍະກຳ ທາງອາຍາ, ປຸ້ນຈີ້, ຊີງຊັບ, ລັກຊັບ, ກໍ່ອາລະວາດຕີກັນ ແລະ ອື່ນໆ ຈາກພວກກຸ່ມຄົນບໍ່ດີ.​3. ເອົາໃຈໃສ່ນໍາພາເຮັດວຽກງານປ້ອງກັນເວນຍາມສຳນັກງານ-ອົງການ, ກຸ່ມບ້ານ, ກວດກາລາດຕະເວນແກ້ໄຂປະກົດການທີ່ບໍ່ດີຕ່າງໆໃນສັງຄົມ, ຮັບປະກັນຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍ ຢູ່ພາຍໃນເຂດຄວບຄຸມຂອງຕົນໃຫ້ດີ ພ້ອມມາດຕະການອື່ນໆດັ່ງແຈ້ງການລຸ່ມນີ້​

Latest news

- Advertisement -spot_img

ປ ະກ າ ດຈັ ບ

Related news

- Advertisement -spot_img

LEAVE A REPLY

Please enter your comment!
Please enter your name here