29 C
Vientiane
ວັນອັງຄານ, ເດືອນມັງກອນ 25, 2022

ນັກຂ່າວໄທ ຊ່ອງ NBT ກ່າວຂໍໂທດປະຊາຊົນລາວແລ້ວ

ທ້າວ ຖະໜອມ ອ່ອນເກຕຸພົນ ຜູ້ດຳເນີນລາຍການຊ່ອງ NBT ອອກມາຂໍໂທດປະຊາຊົນລາວ ພາຍຫລັງ ໄດ້ນໍາສະເໜີຂ່າວວ່າ: ຄົນລາວບໍ່ມີປັນຍາຊື້ປີ້ລົດໄຟລາວ-ຈີນ ລວມທັງອ້າງວ່າ ລັດຖະບານລາວບໍ່ສາມາດຈ່າຍໜີ້ທີ່ກູ້ຢືມຈາກຈີນ ທີ່ເອົາມາລົງທຶນໃນໂຄງການເສັ້ນທາງລົດໄຟລາວ-ຈີນໄດ້.

ລາຍງານໃນລາຍການ “ຟັງຊັດໆ ຖະໜອມຈັດໃຫ້” ໃນວັນທີ 20 ທັນວາ 2021 ມີຄວາມໝາຍແປເປັນພາສາລາວວ່າ: “ເວົ້າເຖິງລາວ ວັນກ່ອນ ຕ້ອງຂໍສາລະພາບວ່າ ພີ່ນ້ອງຄົນລາວເຕືອນ ທ້ວງຕິຂ້ອຍຫລາຍ ວ່າໃຫ້ຂໍ້ມູນຄາດເຄື່ອນ ກໍລະນີ ເລື່ອງລົດໄຟຟ້າຈີນ-ລາວ, ທ່ານຜູ້ຊົມເບິ່ງພາບໜ້ອຍໜຶ່ງນຳກັນວ່າ ລົດໄຟຟ້າຈີນ-ລາວ ນີ້ຈະມີຜູ້ໃຊ້ບໍລິການໜ້ອຍ ແລະ ຈະພົບບັນຫາ ຄວາມຈິງ ຄົນລາວບອກມາໃຫ້ຂໍ້ມູນມາເຕັມເລີຍທັງທ້ວງ ທັງຕຳໜິ ຂ້ອຍຍິນດີຮັບຟັງແລ້ວຂໍອະໄພ ພໍແຕ່ໄປເບິ່ງຂໍ້ມູນຕົວຈິງ ເປີດມາແຕ່ວັນທີ 4 ທັນວາ ປາກົດວ່າ ທັງຄົນຈີນ ຄົນລາວ ຈອງຄິວ ເອີ້ນວ່າ ຕ້ອງເຂົ້າຄິວລຽນແຖວກວ່າຈະໄດ້ຂຶ້ນລົດໄຟ……”

ການນຳສະເໜີຂ່າວຂອງທ້າວ ຖະໜອມ ທີ່ວິເຄາະກ່ຽວກັບໂຄງການເສັ້ນທາງລົດໄຟລາວ-ຈີນ ທີ່ເປັນລັກສະນະບໍ່ສ້າງສັນ ເປັນການໝິ່ນປະໝາດ ຈຶ່ງຖືກວິພາກວິຈານຢ່າງຫລວງຫລາຍຈາກປະຊາຊົນລາວ, ສື່ມວນຊົນລາວ ແລະ ສື່ມວນຊົນໄທ ລວມທັງປະຊາຊົນໄທຈຳນວນໜຶ່ງ. ຍ້ອນທົນຕໍ່ແຮງກົດດັນຢ່າງຫລວງຫລາຍ ເໝືອນພາຍຸຖະຫລົ່ມ ຢ່າງຕໍ່ເນື່ອງ ຜູ້ກ່ຽວຈຶ່ງອອກມາຍອມຂໍໂທດຜ່ານລາຍການ.ຢ່າງໃດກໍຕາມ, ຕົ້ນເດືອນມັງກອນ ປີ2022 ນີ້ ສປປ ລາວ ກຽມເປີດຕ້ອນຮັບນັກທ່ອງທ່ຽວຈາກຕ່າງ ປະເທດ ເປັນ 3 ໄລຍະ ໃນເຂດທ່ອງທ່ຽວສີຂຽວ ຂໍເຊີນນັກຂ່າວຕ່າງປະເທດມາສຳພັດດ້ວຍຕົນເອງວ່າ ປັດຈຸບັນ ສປປ ລາວ ມຸ່ງໜ້າພັດທະນາໄປຮອດໃສແລ້ວ ! ເພາະ “ສິບປາກວ່າ ບໍ່ທໍ່ຕາເຫັນ”.

Latest news

- Advertisement -spot_img

ປ ະກ າ ດຈັ ບ

Related news

- Advertisement -spot_img

LEAVE A REPLY

Please enter your comment!
Please enter your name here