29 C
Vientiane
ວັນອັງຄານ, ເດືອນມັງກອນ 25, 2022

ປາໂທ ຈ້າງເຂົ້າທະຫານເກືອບ 600 ກວ່າລ້ານ ແຕ່ຍັງຜິດຫວັງ

ເລື່ອງລາວຈ້າງເຂົ້າວຽກແດງຂຶ້ນຫຼັງຈາກທີ່ຜົນອອກມາບໍ່ຕົງກັບການໂຄສະນາແຕ່ຕົ້ນ ເລື່ອງນີ້ຈະໂທດໃຜດີ? ຄວາມຈີງກໍເຫັນໃຈຜູ້ເສຍເງິນແຕ່ກໍອົດຄິດນຳບໍໄດ້ເຫັນຫຍັງກ້າລົງທຶນຂະໜາດນີ້ ເງິນຈຳນວນມະຫາສານເອົາໄປລົງທຶນເຮັດຫຍັງກໍ່ໄດ້ແລ້ວໆ ເປັນຫຍັງຄືຕ້ອງຈ້າງນີ້ຄືຄຳຖາມສຳລັບຄົນທີ່ຕ້ອງການມີວຽກເຮັດເພື່ອຫາລ້ຽງຊີບ ແຕ່ຖ້າເປັນຄົນທີ່ມີເງິນແລ້ວພຽງຢາກມີອາຊີບເປັນຫຼັກແຫຼ່ງກໍວ່າໄປອີກແບບ.


ຕາມຂ່າວໃຫ້ຮູ້ວ່າ: ນາຍບ້ານຫນອງແຕ່ງເຫນືອ ເມືອງສີໂຄດຕະບອງ ນະຄອນຫລວງວຽງຈັນ ໄດ້ຊ່ວຍໃຫ້ແຈ້ງຄວາມ ເຖິງເຈົ້າຫນ້າທີ່ ປກສ ນະຄອນຫລວງວຽງຈັນ ໃຫ້ຊ່ວຍຈັບຕົວ ທ້າວ ຄຳແພງ ບ້ານດອນແດງ ເມືອງຈັນທະບູລີ ( ບໍ່ມີທີ່ຢູ່ຖາວອນ ) ທີ່ແອບອ້າງເປັນທະຫານ ໂດຍສວມໃສ່ຊຸດເຄື່ອງແບບ ເພື່ອເຮັດໃຫ້ຫນ້າເຊື່ອຖື ໄດ້ສໍ້ໂກງຊັບພົນລະເມືອງ ( ເງິນ ) ຈຳນວນ 592.000.000 ລ້ານກີບ.

ເງິນຈຳນວນນັ້ນແມ່ນເພື່ອຈ່າຍຄ່າເອກະສານ ແລະ ຄ່າຊິ້ນເປືອງ ແລ່ນເອົາຄົນເຂົ້າເປັນທະຫານ ໃນເດືອນກັນຍາ 2021 ແຕ່ມາຮອດເວລາກໍານົດ ແລ້ວບໍ່ໄດ້ເຂົ້າເຮັດວຽກ. ດັ່ງນັ້ນ ຜູ້ຈ່າຍເງິນ ຈິ່ງໄດ້ທວງເອົາເງິນຄືນ ແຕ່ຜູ້ກ່ຽວບໍ່ຈ່າຍ ແລະ ເອົາຕົວຫລົບຫນີ.


ຢ່າງໃດກໍຕາມ, ທາງພາກສ່ວນກ່ຽວຂ້ອງ ໄດ້ຮຽກຮ້ອງມາຍັງບໍ່ແມ່ປະຊາຊົນ ຢ່າຫລົງເຊື່ອເດັດຂາດ ກ່ຽວກັບບຸກຄົນ ທີ່ແອບອ້າງເອົາເງິນ ເພື່ອແລ່ນເອົາລູກ, ຫລານ ເຂົ້າ ພະນັກງານ, ທະຫານ ແລະ ຕຳຫລວດ, ດັດຂາດ, ໃນການທີ່ຈະເຂົ້າເປັນພະນັກງານ, ທະຫານ ແລະ ຕຳຫລວດ ທາງພາກສ່ວນກ່ຽວຂ້ອງ ກໍມີລະບຽບ ຫລັກການ ທີ່ເຂັ້ມງວດ ແລະ ຮັດກຸມ.

Latest news

- Advertisement -spot_img

ປ ະກ າ ດຈັ ບ

Related news

- Advertisement -spot_img

LEAVE A REPLY

Please enter your comment!
Please enter your name here