22 C
Vientiane
ວັນອັງຄານ, ເດືອນມັງກອນ 25, 2022

ປກສ ເມືອງສີສັດຕະນາກ ສືບຕໍ່ແກ້ໄຂຮ້ານຂາຍເຄື່ອງ ທີ່ລັກເປີດໃຫ້ຫຼິ້ນການພະນັນອອນລາຍ

ປກສ ເມືອງສີສັດຕະນາກ ສືບຕໍ່ແກ້ໄຂຮ້ານຂາຍເຄື່ອງ ທີ່ລັກເປີດໃຫ້ຫຼິ້ນການພະນັນອອນລາຍ ***

ເວລາ 22:12 ໂມງ ວັນທີ 25 ພະຈິກ 2021, ພະແນກສັນຕິບານ ກອງບັນຊາການ ປກສ ເມືອງສີສັດຕະນາກ ສົມທົບກັບອຳນາດການປົກຄອງບ້ານໂພນປ່າເປົ້າ ເມືອງສີສັດຕະນາກ ນວ, ສືບຕໍ່ແກ້ໄຂຮ້ານຂາຍເຄື່ອງຍ່ອຍ 1 ຮ້ານ ທີ່ລັກລອບເປີດໃຫ້ບໍລິການເຕີມເຊີ ຫຼິ້ນເກມພະນັນອອນລາຍ.

ພັທ ໂອໄດ ພິມມະຈັນ ໃຫ້ຮູ້ວ່າ: ການລົງແກ້ໄຂ ຮ້ານດັ່ງກ່າວ ເປັນຮ້ານຂາຍເຄື່ອງຍ່ອຍຂອງ ນາງນ້ອຍ ອາຍຸ 27 ປີ ຄ້າຂາຍ ຕັ້ງຢູ່ບ້ານໂພນປ່າເປົ້າ ເມືອງສີສັດຕະນາກ ນວ ພົບເຫັນຜູ້ມາໃຊ້ບໍລິການອິນເຕີເນັດກາເຟ (ເຕີມເຊີ) 1 ຄົນ. ຈິ່ງໄດ້ຢຶດໃບບິນເຕີມເຊິ 1 ໃບ ໄວ້ເປັນຫຼັກຖານ; ພ້ອມທັງເຮັດບົດບັນທຶກສຶກສາອົບຮົມຜູ້ກ່ຽວ. ຕໍ່ກັບເຈົ້າຂອງຮ້ານ ເຈົ້າໜ້າທີ່ ໄດ້ເຊີນຂຶ້ນຫ້ອງການ ກອງບັນຊາການ ປກສ ເມືອງສີສັດຕະນາກ ເພື່ອສຶກສາອົບຮົມກ່າວເຕືອນ ປັບໃໝຕາມລະບຽບຫຼັກການ ເພາະເປັນການລະເມີດຄຳສັ່ງເລກທີ່ 40/ສພກ ນວ, ລົງວັນທີ 30 ຕຸລາ 2021 ວ່າດ້ວຍການເພີ່ມທະວີການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19.

ກອງບັນຊາການ ປກສ ນວ ຮຽກຮ້ອງມາຍັງເຈົ້າຂອງກິດຈະການ, ບັນດາຫົວໜ່ວຍທຸລະກິດ ໃຫ້ປະຕິບັດຕາມຄຳສັ່ງ ແລະ ແຈ້ງການ ຂອງຂັ້ນເທິງວາງອອກຢ່າງເຂັ້ມງວດ ຖ້າຍັງສືບຕໍ່ລະເມີດ ຈະໄດ້ນຳໃຊ້ມາດຕະການທາງກົດໝາຍໂດຍບໍ່ມີຂໍ້ຍົກເວັນ, ຖ້າພົບເຫັນສະຖານທີ່, ຫົວໜ່ວຍທຸລະກິດໃດ ຍັງລະເມີດຕໍ່ແຈ້ງການ, ຄໍາສັ່ງ ສາມາດແຈ້ງ ມາທາງເຟັສບຸກ ປກສ ນວ ຫຼື ເບີວ໋ອດແອບ 020: 28879 9774.

Latest news

- Advertisement -spot_img

ປ ະກ າ ດຈັ ບ

Related news

- Advertisement -spot_img

LEAVE A REPLY

Please enter your comment!
Please enter your name here