20.3 C
Vientiane
ວັນຈັນ, ເດືອນພະຈິກ 29, 2021

ມຊ ກຽມສອບເສັງຄັດເລືອກເອົານັກສຶກສາຜ່ານລະບົບອອນລາຍ 25 ພະຈິກນີ້

ທ່ານ ຮສ.ດຣ ຄຳຜົງ ນາມມະວົງມີໄຊ ຮອງອະທິການບໍດີ ມະຫາວິທະຍາໄລແຫ່ງຊາດ (ມຊ) ຜູ້ຊີ້ນໍາວຽກງານວິຊາການໄດ້ໃຫ້ສຳພາດຕໍ່ສື່ມວນຊົນໃນວັນທີ 18 ພະຈິກ 2021 ນີ້ວ່າ:

ຍ້ອນສະພາບການແພ່ລະບາດຂອງພະຍາດໂຄວິດ-19 ເຮັດໃຫ້ການສອບເສັງຄັດເລືອກເອົານັກສຶກສາເຂົ້າຮຽນ ມຊ ໄດ້ຫັນປ່ຽນຈາກການສອບເສັງແບບເຊິ່ງໜ້າ ມາເປັນການສອບເສັງຜ່ານທາງລະບົບອອນລາຍ, ຊຶ່ງມາຮອດປັດຈຸບັນ ມຊ ມີຄວາມພ້ອມຮອບດ້ານໃນການຈັດການສອບເສັງຄັດເລືອກເອົານັກສຶກສາເຂົ້າຮຽນໃນສົກສຶກສາ 2021-2022 ຜ່ານລະບົບອອນລາຍ ໂດຍໄດ້ມີການກະກຽມຄວາມພ້ອມຫຼາຍດ້ານ ເປັນຕົ້ນແມ່ນການກະກຽມລະບົບສອບເສັງ ໂດຍໃຊ້ໂປຣແກມ Google Form, ການຈັດວາງອະນຸກຳມະການເຂົ້າແຕ່ລະໜ້າວຽກລະອຽດ ເພື່ອແບ່ງໜ້າທີ່ໃນການຄວບຄຸມແຕ່ລະຈຸດ, ແຕ່ລະຫ້ອງໃນການສອບເສັງ, ໄດ້ສ້າງລະບຽບການຕ່າງໆກ່ຽວກັບການສອບເສັງຜ່ານລະບົບອອນລາຍ, ຝຶກອົບຮົມກຳມະການຜູ້ຍາມຫ້ອງເສັງ, ກຳມະການກາງເພື່ອໃຫ້ເຂົ້າໃຈລະບົບ ແລະ ສາມາດຄວບຄຸມຫ້ອງສອບເສັງໄດ້ຖືກຕາມລະບຽບທີ່ໄດ້ວາງອອກ ພ້ອມນັ້ນ ຍັງໄດ້ມີການກຽມຄວາມພ້ອມໃຫ້ແກ່ນັກສອບເສັງໂດຍການເຜີຍແຜ່ຂໍ້ມູນຂ່າວສານຕ່າງໆກ່ຽວກັບວິທີການສອບເສັງໃຫ້ນັກສອບເສັງໄດ້ຮັບຊາບຜ່ານຫຼາຍຊ່ອງທາງເວບໄຊ http://entrance.nuol.edu.la ແລະເຟດບຸກ ຂ່າວສາານ ມຊ NUoL News ເພື່ອໃຫ້ນັກຮຽນໄດ້ເຂົ້າເຖິງແຫຼ່ງຂໍ້ມູນໄດ້ຢ່າງວ່ອງໄວ ແລະ ທັນການ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here