14.6 C
Vientiane
ວັນພະຫັດ, ເດືອນທັນວາ 2, 2021

ແຈ້ງ ເລື່ອນງານວາງສະແດງ ຜະລິດຕະພັນລາວ Made in Laos ປີ 2021 ໄປຈັດໃນເດືອນກຸມພາ 2022

ວັນທີ 12 ພະຈິກ 2021 ສະພາການຄ້າ ແລະ ອຸດສາຫະກໍາແຫ່ງຊາດລາວ ໄດ້ອອກໜັງສືແຈ້ງເລື່ອນຈັດງານວາງສະແດງຜະລິດຕະພັນລາວ ປີ 2021 (Made in Laos 2021) ທີ່ມີແຜນຈະຈັດຂື້ນໃນ ລະຫວ່າງວັນທີ 17-26 ທັນວາ 2021 ທີ່ສູນການຄ້າ ລາວໄອເຕັກ (ຕຶກເກົ່າ).

ເນື່ອງຈາກການລະບາດເຊື້ອພະຍາດໂຄວິດ-19 ຍັງແຜ່ເປັນວົງກວ້າງ ສະພາການຄ້າ ແລະ ອຸດສາຫະກໍາ ແຫ່ງຊາດລາວ ຂໍຖືເປັນກຽດແຈ້ງມາຍັງທ່ານຊາບວ່າ: ເພື່ອເປັນການປະຕິບັດຕາມການແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ແລະ ໜ່ວຍງານສະເພາະກິດວ່າດ້ວຍການສືບຕໍ່ປະຕິບັດມາດຕະການປ້ອງກັນຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ໃນແຕ່ລະໄລຍະ, ເຊີ່ງເຫັນໄດ້ວ່າສະພາບການແຜ່ລະບາດຂອງເຊື້ອພະຍາດຍັງມີລັກສະນະເພີ່ມຂື້ນຢູ່ໃນຂົງເຂດຊຸມຊົນ ແລະ ມີລັກສະນະຍັງຈະສືບຕໍ່ປະຕິບັດມາດຕະການປ້ອງກັນ, ຄວບຄຸມ ແລະ ສະກັດກັ້ນຂອງການແຜ່ລະບາດຂອງພະຍາດດັ່ງກ່າວ.

ສະນັ້ນ, ສຄອຊ ຈື່ງມີຄວາມຈຳເປັນຈະໄດ້ມີການເລື່ອນການຈັດງານວາງສະແດງ ຜະລິດຕະພັນລາວ 2021 (Made In Lao 2021) ເຊິ່ງມີແຜນຈັດຂື້ນໃນວັນທີ 17–26 ທັນວາ 2021 ມາເປັນ ວັນທີ 19-28 ກຸມພາ 2022 ທີ່ສູນການຄ້າລາວ – ໄອເຕັກ.

ດັ່ງນັ້ນ, ສະພາການຄ້າ ແລະ ອຸດສາຫະກໍາແຫ່ງຊາດລາວ ຈື່ງຮຽນແຈ້ງມາຍັງທ່ານເພື່ອຮັບຊາບ ແລະ ພິຈາລະນາສືບຕໍ່ເຂົ້າຮ່ວມງານດັ່ງກ່າວດ້ວຍ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here