20.3 C
Vientiane
ວັນຈັນ, ເດືອນພະຈິກ 29, 2021

ຂ່າວດີ…!! ສະຖານີຂົນສົ່ງໂດຍສານສາຍໃຕ້ ກຽມກັບມາເປີດໃຫ້ບໍລິການ ຫຼັງອະນຸຍາດໃຫ້ດຳເນີນການຂົນສົ່ງໂດຍສານທາງບົກໄດ້

ວັນທີ 14 ພະຈິກ 2021 (ນຄອນຫຼວງວຽງຈັນ): ຫຼັງຈາກທີ່ມີການຖະແຫຼງຂ່າວຈາກຄະນະສະເພາະກິດໂດຍທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ຮອງຫົວໜ້າຄະນະສະເພາະກິດ, ຫົວໜ້າກອງເລຂາຄະນະສະເພາະກິດ. ກ່ຽວກັບ ມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດ ຂອງພະຍາດ ໂ ຄ ວິ ດ – 19 ໃນໄລຍະ ວັນທີ 15 ພະຈິກ 2021 ເປັນຕົ້ນໄປ.

ສຳຫຼັບມາດຕະການຜ່ອນຜັນ ຂໍ້ທີ 3 ວ່າດ້ວຍການ “ອະນຸຍາດໃຫ້ດຳເນີນການຂົນສົ່ງໂດຍສານທາງບົກ, ທາງນໍ້າ ແລະ ທາງອາກາດ ພາຍໃນປະເທດ ໂດຍບໍ່ຈໍາເປັນຕ້ອງມີໃບຢັ້ງຢືນຈາກຕົ້ນທາງ ແລະ ປາຍທາງ, ບໍ່ໃຫ້ມີການ ຈໍາກັດບໍລິເວນ ແລະ ບໍ່ຈໍາກັດເວລາໃນການສັນຈອນຂອງລົດຂົນສົ່ງໂດຍສານ ແລະ ສິນຄ້າ ທຸກປະເພດໃນຂອບເຂດທົ່ວປະເທດ, ແຕ່ໃຫ້ມີການຢັ້ງຢືນການຮັບວັກຊີນຄົບ ທັງຜູ້ໃຫ້ບໍລິການ ແລະ ຜູ້ໂດຍສານ (ຍົກເວັ້ນ ຜູ້ຖືພາ ແລະ ຜູ້ທີ່ບໍ່ທັນເຖິງອາຍຸກະສຽນສັກວັກຊີນ). ນອກຈາກນັ້ນ, ຜູ້ປະກອບການຂົນສົ່ງ ແລະ ຜູ້ໂດຍສານ ຕ້ອງປະຕິບັດມາດຕະການການປ້ອງກັນການຕິດເຊື້ອ ແລະ ແຜ່ເຊື້ອ ຢູ່ຕາມສະຖານີ, ພາຫະນະທີ່ນໍາໃຊ້ໃນການຂົນສົ່ງ ແລະ ໃນຊ່ວງໄລຍະການເດີນທາງ ຢ່າງເຂັ້ມງວດ”.

ຫຼ້າສຸດ ສະຖານີຂົນສົ່ງໂດຍສານສາຍໃຕ້ – ສາຍຕ່າງປະເທດ ນະຄອນຫລວງວຽງຈັນ ໄດ້ໂພສແຈ້ງເຖິງທ່ານຜູ້ໂດຍສານທຸກທ່ານທີ່ຈະເດີນທາງໄປຍັງພາກໃຕ້ ວັນທີ 16 ພະຈິກ 2021 ທາງຄິວລົດສາຍໃຕ້ນະຄອນຫລວງວຽງຈັນຂອງພວກເຮົາ ຈະໄດ້ເລີ້ມປ່ອຍລົດອອກຈາກສະຖານີ ນັບເເຕ່ເວລາ 5:00 ໂມງເຊົ້າເປັນຕົ້ນໄປ . ຂໍຂອບໃຈ ເເລະ ພ້ອມຮັບໃຊ້ບໍລິການທຸກໆ. ທ່ານສາມາດສອບຖາມຂໍ້ມູນກ່ອນການເດີນທາງໄດ້ທີ່ 020 77766651 , ວັນທີ 16 ຈະມີພະນັກງານໃຫ້ຂໍ້ມູນລາຍລະອຽດ.

ຄລິບການຖະແຫຼງຂ່າວຂອງ ຄະນະສະເພາະກິດ ກ່ຽວກັບ ມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດ ຂອງພະຍາດ ໂ ຄ ວິ ດ – 19 ໃນໄລຍະ ວັນທີ 15 ພະຈິກ 2021 ເປັນຕົ້ນໄປ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here