14.6 C
Vientiane
ວັນພະຫັດ, ເດືອນທັນວາ 2, 2021

ເຫດໄຟໄຫມ້ເຮືອນ 2 ຫລັງ ຢູ່ບ້ານດອນຫນູນ ເສຍຫາຍຫຼາຍກວ່າ 1,8 ຕື້ກີບ

ເຫດໄຟໄຫມ້ເຮືອນ 2 ຫລັງ ຢູ່ບ້ານດອນຫນູນ ເສຍຫາຍຫຼາຍກວ່າ 1,8 ຕື້ກີບ

ໃນວັນທີ 10 ພະຈິກ 2021 ເວລາປະມານ 9:15 ໂມງ, ເຈົ້າຫນ້າທີ່ກອງມອດໄຟ ປກສ ເມືອງໄຊທານີ,​ນະຄອນຫລວງວຽງຈັນ ໄດ້ຮັບແຈ້ງເຫດໄຟໄຫມ້ເຮືອນຂອງປະຊາຊົນ 2 ຫຼັງ ຢູ່ບ້ານດອນຫນູນ ຮ່ອມ 28.

ຈາກນັ້ນ, ເຈົ້າຫນ້າທີ່ໄດ້ນໍາລົດດັບເພີງ ຈຳນວນ 2 ຄັນ ແລະ ກຳລັງ 16 ຄົນ ໄປສະຖານທີ່ເກີດເຫດ ແລະ ໃຊ້ເວລາມອດ 1 ຊົ່ວໂມງ ຈຶ່ງສາມາດຄອບຄຸມໄຟໄດ້, ຜ່ານການເກັບກຳຂອງມູນ ຂອງເຈົ້າຫນ້າທີ່ ເຮືອນທີ່ເກີດຕົ້ນເພີງ ເປັນເຮືອນສອງຊັ້ນລຸ່ມກໍ່, ເທິງໄມ້, ມຸງດ້ວຍກະເບື້ອງ ເປັນເຮືອນຂອງ ນາງ ກ​ (ນາມສົມມຸດ)​ ອາຍຸ 54 ປີ ປະຊາຊົນບ້ານດັ່ງກ່າວ, ຈາກນັ້ນ ໄຟໄດ້ໄຫມ້ ລຸກລາມໄປຫາເຮືອນ ຂອງ ທ້າວ ຄ​ (ນາມສົມມຸດ)​ ອາຍຸ 74 ປີ, ທີ່ຢູ່ຕິດກັນ, ເປັນເຮືອນກໍ່ສອງຊັ້ນຄືກັນ, ໄຟໄດ້ລຸກໄຫມ້ຢ່າງໄວວາ ເຮັດໄດ້ເຮືອນທັງສອງຫລັງ ເສຍຫາຍຫມົດ.

ຈາກການປະເມີນ ໃນເບື້ອງຕົ້ນ ມູນຄ່າຄວາມເສຍຫາຍ ສູງເຖິງ 1.800.000.000 ກີບ, ສຳລັບສາເຫດຂອງໄຟໄຫມ້ ຍັງຢູ່ໃນຂັ້ນຕອນສືບສວນ ຂອງເຈົ້າຫນ້າທີ່.​ ຂໍສະແດງຄວາມເສຍໃຈນຳຄອບຄົວຜູ້ເຄາະຮ້າຍ ໃຫ້ທຸກຄົນລະມັດລະວັງຟື້ນໄຟໃນເຮືອນຂອງທ່ານ ເພື່ອປ້ອງກັນການເກີດອັກຄີໄພ.​
Cr: ຂ່າວ​ ປກສ.ນວ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here