26 C
Vientiane
ວັນອາທິດ, ເດືອນພະຈິກ 28, 2021

ເຊີຍຊົມ ໂສມໂຮງໝໍມະໂຫສົດຫຼັງໃໝ່ຍິ່ງໃຫຍ່ອາລັງການສ່ຳໃດ

ໂຮງໝໍມະໂຫສົດໃຫຍ່ທັນສະໄໝສ່ຳໃດບໍຮູ້ ແຕ່ຍົນສາມາດລົງຈອດເທິງຫຼັງຄາໄດ ເປັນການອຳນວຍຄວາມສະດວກສຳລັບກໍລະນີເລັ່ງດ່ວນຕ້ອງໄດ້ຮັບການຊ່ວຍເຫຼືອຈາກແພດໝໍໂດຍດ່ວນທີ່ສຸດ ເຊິ່ງຕອນນີ້ໄດ້ສ້າງສຳເລັດແລ້ວ ມື້ນີ້ມີພິທີມອບ-ຮັບຢ່າງເປັນທາງການ.

ໂຮງໝໍມະໂຫສົດຫຼັງໃໝ່ເປັນການຊ່ວຍເຫຼືອຈາກ ສປ ຈີນ ຈະກາຍເປັນໂຮງໝໍລັດທີ່ໃຫຍ່, ປະຫຍັດພະລັງງານ ແລະທັນສະໄໝທີ່ສຸດຂອງປະເທດເຮົາ.

ໂຮງໝໍມະໂຫສົດ ຖືກສ້າງເພື່ອເປັນສັນຍາລັກແຫ່ງການຊ່ວຍເຫຼືອ​ແລະ​ ການຮ່ວມມືໃນຂົງເຂດ​ຊີວິດ​ການ​ເປັນ​ຢູ່ຂອງປະຊາຊົນລະຫວ່າງ​ ລາວ-ຈີນ ເຊິ່ງໂຮງໝໍແຫ່ງນີ້ມີຈຸດພິເສດຫຼາຍຢ່າງຄື: ເປັນໂຮງໝໍທີ່ໃຫຍ່ ແລະ​ ມີຕຽງນອນຫຼາຍທີ່ສຸດ ເຊິ່ງມີເນື້ອທີ່ຫຼາຍກວ່າ 30​ຕາຕະລາງແມັດ ສ່ວນເນື້ອທີ່ບ່ອນປຸກສ້າງກວມເອົາເກືອບ 5,5 ໝື່ນຕາຕະລາງແມັດ, ມີຕຽງນອນ 600 ຕຽງ.​

ສ່ວນການຈັດຕັ້ງພະແນກຕ່າງໆນັ້ນແມ່ນກວມລວມໝົດທຸກພະແນກ, ຈາກພະແນກສຸກເສີນ, ພະແນກກວດພະຍາດປະຈໍາວັນ, ຕຶກຄົນເຈັບ ຈົນຮອດຫ້ອງການບໍລິຫານ​ ແລະ​ ລະບົບອື່ນໆ.

ໂຮງໝໍແຫ່ງນີ້ ພາຍຫຼັງສ້າງສຳເລັດແລ້ວຝ່າຍຈີນຍັງຈະຈັດຝຶກອົບຮົມທາງດ້ານວິຊາການໃຫ້ແກ່ແພດລາວເປັນໄລຍະ 3 ປີ ເຊິ່ງຈະເປັນສິ່ງທີ່ຄໍ້າປະກັນວ່າ​ ໂຮງໝໍແຫ່ງນີ້ຈະກາຍເປັນສູນກາງແຫ່ງການຮຽນການສອນທາງດ້ານການແພດຂອງຝ່າຍລາວນໍາອີກ ເພື່ອອົບຮົມບຸກຄາລາກອນການແພດລາວໃຫ້ມີຄຸນນະພາບ.​

ງົດງາມຍິ່ງໃຫຍ່ອີຫຼີ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here