17.3 C
Vientiane
ວັນພຸດ, ເດືອນທັນວາ 1, 2021

ບໍລິສັດ ອີທີແອລ ຖະແຫຼງ ຫຼັງຈາກພະນັກງານກວດພົບ ໂ ຄ ວ ິ ດ

ບໍລິສັດ ອີທີແອລ ຖະແຫຼງ ຫຼັງຈາກພະນັກງານກວດພົບໂຄວິດ-19ບໍລິສັດ ອີທີແອລ ໄດ້ອອກແຈ້ງການ ໂດຍມີເນື້ອໃນວ່າ:ບົນພື້ນຖານທີ່ເປັນຫ່ວງເປັນໄຍ ແລະ ຮັບຜິດຊອບຕໍ່ຄວາມປອດໄພ ຂອງບັນດາລູກຄ້າ ແລະ ພະນັກງານ, ອທອ ໄດ້ຕິດຕໍ່ຫາກະຊວງສາທາລະນະສຸກ ມາລົງເກັບຕົວຢ່າງ ແລະ ກວດຫາເຊື້ອພະຍາດ Covid-19 ໃຫ້ພະນັກງານທີ່ມີຄວາມສ່ຽງສູງ ເພື່ອຫລຸດ ລົງຄວາມສ່ຽງໃຫ້ແກ່ບັນດາລູກຄ້າ ແລະ ພະນັກງານ.

ປັດຈຸບັນມີພະນັກງານ ຂອງອທອຈໍານວນໜຶ່ງ ໄດ້ກວດພົບເຊື້ອ ພະຍາດ Covid-19. ພາຍຫລັງ ທີ່ໄດ້ຮັບຮູ້ຜົນກວດກາແລ້ວ ອທ ໄດ້ຈັດຕັ້ງປະຕິບັດ ບັນດາມາດຕະການ ໂດຍຜ່ານຂະບວນການຕິດຕາມ, ກວດກາ ຢ່າງລະອຽດໃນທັນທີເພື່ອກຳນົດບັນດາພະນັກງານທີ່ ມີຄວາມສ່ຽງ ແລະ ສະກັດກັ້ນການແຜ່ຂະຫຍາຍຂອງເຊື້ອພະຍາດດັ່ງກ່າວ ພາຍໃນ ອທອ, ສຳລັບພະນັກງານຜູ້ຕິດເຊື້ອ ແມ່ນໄດ້ເຂົ້າຮັບການປິ່ນປົວ ເປັນທີ່ຮຽບຮ້ອຍແລ້ວ, ເຊິ່ງໃນນັ້ນ ມີຈຳນວນໜຶ່ງແມ່ນປິ່ນປົວຫາຍດີແລ້ວ ແລະ ມີຈຳນວນໜຶ່ງຍັງສືບຕໍ່ຮັບການປິ່ນປົວ, ສ່ວນພະນັກງານຜູ້ທີ່ໄດ້ມີການພົວພັນກັບຜູ້ຕິດເຊື້ອ ແມ່ນໄດ້ ໃຫ້ລາພັກກັກຕົວແຍກປ່ຽວຢູ່ບ້ານ ເພື່ອຕິດຕາມອາການ ແລະ ໄດ້ກວດຫາເຊື້ອ

ພະຍາດ Covid-19, ພ້ອມດຽວກັນນັ້ນ ກໍ່ໄດ້ມີການແບ່ງເປັນກຸ່ມ ເພື່ອຜັດປ່ຽນໝູນ ວຽນພະນັກງານ ປະຈຳການ ໂດຍມີມາດຕະການໃຫ້ມີການວັດແທກອຸນນະພູມ ແລະ ປະຕິບັດຕາມມາດຕະການປ້ອງກັນຢ່າງເຄັ່ງຄັດ, ອີກດ້ານໜຶ່ງທາງການຈັດຕັ້ງ ຂອງ ອທ ກໍ່ໄດ້ຮີບຮ້ອນປະຕິບັດຕາມບັນດາມາດຕະການຢ່າງເຂັ້ມງວດ ໂດຍສະເພາະແມ່ນການສີດພົ່ນຢາຂ້າເຊື້ອ, ການທໍາຄວາມສະອາດໃນທຸກຈຸດຂອງສຳນັກງານ ທັງໝົດຕະຫລອດ ເຖິງສະຖານທີ່ໃຫ້ບໍລິການລູກຄ້າ ຢ່າງທັນທີ ທັນໃດ ແລະ ສືບຕໍ່ດໍາເນີນການທໍາຄວາມສະອາດເປັນປະຈຳປົກກະຕິ ມື້ໜຶ່ງຫລາຍຄັ້ງ.

ບໍລິສັດ ອີທີແອລ ຈຳກັດ ຍາມໃດກໍ່ຖືຄວາມສຳຄັນ ແລະ ເອົາໃຈໃສ່ ຕໍ່ຄວາມປອດໄພຂອງພະນັກງານ ແລະ ລູກຄ້າຂອງພວກເຮົາເປັນສິ່ງທີ່ສໍາຄັນທີ່ສຸດ ແລະ ຂໍຢັ້ງຢືນວ່າບັນດາທ່ານ ຍັງສາມາດສືບຕໍ່ນຳໃຊ້ ບໍລິການ ຂອງ ອທອ ຢູ່ຕາມປ່ອງບໍລິການ ແລະ ສາຂາແຂວງທົ່ວປະເທດໄດ້ຢ່າງປົກກະຕິດ້ວຍຄວາມປອດໄພ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here