26 C
Vientiane
ວັນອາທິດ, ເດືອນພະຈິກ 28, 2021

ຫ່າງສຽງປະຊາຊົນອອກເລກ3ຄັ້ງຕໍ່ອາທິດ ແມ່ນເກີນຄວາມພໍດີ

ຫ່າງສຽງປະຊາຊົນອອກເລກ3ຄັ້ງຕໍ່ອາທິດ ແມ່ນເກີນຄວາມພໍດີ

ຫລາຍຄົນຍັງງົງໆ ກັບເຫດການຂາຍຫວຍຕາມແຄມທາງ ໃນມື້ວັນພຸດ ວັນທີ 20 ຕຸລາ ຜ່ານມາ ແລະ ມາຮອດວັນວັນສຸກ ວັນທີ 22 ຕຸລາ 2021 ນີ້ ກໍມີການຂາຍຫວຍພັດທະນາ ຕື່ມ.
ໃນຄວາມເປັນຈິງ ຫວຍພັດທະນາສາຂາຫວຍພະຍານາກ ແລະ ຫວຍອິນຊີໄດ້ມີການແຈ້ງການລົງໃນໜ້າເພຈໃນວັນທີ 15 ຕຸລາ 2021 ກໍລະນີຈະມີການເລີ່ມຈຳໜ່າຍຫວຍ 3 ຄັ້ງ/ອາທິດ ຄື:ວັນຈັນ,ພຸດ ແລະ ສຸກ .

ໃນໄລຍະຜ່ານມາຫວຍພັດທະນາໄດ້ມີການ­ຈັດ­ຕັ້ງການອອກເລກລາ­ງວັນຫວຍພັດ­ທະ­ນາແຕ່ລະໄລ­ຍະ ເຊັ່ນ: ປີ 2015 ອອກ 2 ຄັ້ງຕໍ່ອາ­ທິດ (ວັນອັງ­ຄານ ແລະ ວັນສຸກ), ປີ 2016 ໄດ້ເພີ່ມມື້ອອກເປັນ 3 ຄັ້ງຕໍ່ອາ­ທິດ ຄື: (ວັນຈັນ,ວັນພຸດ ແລະ ວັນສຸກ), ປີ 2017 ກັບໄປອອກ 2 ຄັ້ງຕໍ່ອາ­ທິດ ຄື: (ວັນຈັນ ແລະ ວັນພະ­ຫັດ) ພໍມາຮອດທ້າຍປີ 2017-2019 ໄດ້ປັບ­ປຸງມາເປັນອອກຫວຍ 1 ຄັ້ງຕໍ່ອາ­ທິດ ຄື: (ວັນພຸດ).

ການອອກເລກລາ­ງວັນຈາກ 1 ຄັ້ງຕໍ່ອາ­ທິດຜ່ານໄປໄລຍະໜຶ່ງ ຈຶ່ງກັບມາເປັນ 2 ຄັ້ງຕໍ່ອາ­ທິດ (ວັນຈັນ ແລະ ວັນພະ­ຫັດ) ແລະ ເລີ່ມຈັດຕັ້ງປະ­ຕິ­ບັດນັບເດືອນກຸມ­ພາ 2020 ຈົນມາເຖິງວັນທີ 18 ຕຸລາ 2021 ໄດ້ມີການປັບປ່ຽນມາເປັນ 3ຄັ້ງ/ອາທິດ ( ວັນຈັນ, ພຸດ, ສຸກ ).

ການປັບປ່ຽນນີ່ອາດເປັນກົນໄກາງການຕະຫລາດຂອງຫວຍພັດທະນາ ເພື່ອຕອບສະໜອງຄວາມຮຽກຮ້ອງຕ້ອງການຂອງກຸ່ມຜູ້ຂາຍຫວຍ, ເປັນການຜ່ອນຄາຍສຳລັບຜູ້ສ່ຽງໂຊກຊີງລາງວັນ (ຄຳເວົ້າຂອງຜູ້ອຳນວຍການລັດວິສາຫະກິດຫວຍພັດທະນາ) ແລະ ເປັນການຕ້ານປາກົດການຫວຍເຖື່ອນ ແລະ ອື່ນໆ.

ແຕ່ ມາຮອດວັນທີ ວັນທີ 22 ຕຸລາ 2021 ຜ່ານມາ ໜັງສືພິມລາວພັດທະນາໄດ້ນຳສະເໜີຂ່າວກ່ຽວກັບແຈ້ງການການປ່ຽນຈຳນວນຄັ້ງອອກເລກຫວຍພັດທະນາ ຈາກ 2 ຄັ້ງ/ອາທິດ ມາເປັນ 3 ຈາກ 2 ຄັ້ງ/ອາທິດ ເຊິ່ງສັງຄົມໄດ້ສະແດງຄວາມຄິດເຫັນໃນສ່ວນຫລາຍແມ່ນບໍ່ເຫັນດີ ເພາະການອອກເລກ 3ຄັ້ງຕໍ່ອາທິດເປັນການມອມເມົາເກີນຄວາມພໍດີ ແທນທີ່ຈະເປັນການຜ່ອນຄາຍ ອາດສ້າງບັນຫາໃຫ້ກັບສັງຄົມ ເຊິ່ງບັນຫານີ້ເຄີຍຍົກເລີກຈາກ 2ຄັ້ງມາເປັນ 3 ຄັ້ງ ໃນຄັ້ງຜ່ານມາແລ້ວ.

ສຳລັບແມ່ຄ້າຜູ້ປະກອບອາຊີບເສີມໃນການຂາຍຫວຍແມ່ນມີຄວາມເຫັນດີເຫັນຊອບ ເພາະຈະໄດ້ມີລາຍໄດ້ເພີ່ມຂຶ້ນໃນແຕ່ລະອາທິດ, ໃນທາງກົງກັນຂ້າມ ຍັງມີອີກຫລາຍພາກສ່ວນມີຄວາມຄິດເຫັນວ່າເປັນການມອມເມົາສັງຄົມເກີນຄວາມພໍດີ ຫລື ເກີນຄວາມຜ່ອນຄາຍຕາມນະໂຍບາຍແລ້ວ.

ຂ່າວ: ໜັງສືພິມລາວພັດທະນາ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here