26 C
Vientiane
ວັນອາທິດ, ເດືອນພະຈິກ 28, 2021

ຫລວງພະບາງ ຂະຫຍາຍຈຸດກວດເຊື້ອໂ ຄ ວ ິ ດ ເພີ່ມເພື່ອອຳນວຍຄວາມສະດວກໃຫ້ກຸ່ມສ່ຽງ

ຫລວງພະບາງ ຂະຫຍາຍຈຸດກວດເຊື້ອໂຄວິດ-19 ເພີ່ມເພື່ອອຳນວຍຄວາມສະດວກໃຫ້ກຸ່ມສ່ຽງຂປລ. ການລະບາດພະຍາດໂຄວິດ-19 ຢູ່ແຂວງຫລວງພະບາງ ມີທ່າອ່ຽງເພີ່ມຂຶ້ນ ແລະ ຄະນະສະເພາະກິດ ຈຶ່ງເພີ່ມຈຸດເກັບຕົວຢ່າງຕື່ມ ຈາກເດີມມີຈຸດກວດຄົງທີ່ຢູ່ໂຮງໝໍບໍລິເວນ 107, ໂຮງໝໍແຂວງ ແລະ ໄດ້ເປິດໃໝ່ຢູ່ເດີນກິລານາຫລວງ, ເຊິ່ງເປັນຈຸດທີ່ມີເຄື່ອງກວດຊະນິດໃຫ້ຜົນໄວ. ນອກນັ້ນ, ໄດ້ມີ 5 ທິມເຄື່ອນທີ່ເກັບຕົວຢ່າງ ຈາກຜູ້ສຳພັດໃກ້ຊິດຜູ້ຕິດເຊື້ອ ແລະ ຜູ້ທີ່ມີອາການເຂົ້າຂ່າຍອາການເປັນພະຍາດໂຄວິດ-19 ຢູ່ຕາມສະຖານທີ່ສ່ຽງ ແລະ ເຂດທີ່ມີຜູ້ຕິດເຊື້ອ.

ທ່ານ ດຣ. ບຸນຍະສິດ ຄົງສໍາພັນ ກອງເລຂາຄະນະສະເພາະກິດ ໄດ້ຕາງໜ້າຄະນະສະເພາະກິດເພື່ອປ້ອງກັນຄວບຄຸມ ແລະ ແກ້ໄຂພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ຫລື COVID-19 ຂັ້ນແຂວງຫລວງພະບາງ ຖະແຫລງຂ່າວປະຈໍາວັນທີ 21 ຕຸລາ 2021 ກ່ຽວກັບສະພາບການປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19 ໃນແຂວງ, ໂດຍກ່າວວ່າ: ສຳລັບສະຖານທີ່ກວດຢູ່ເດີ່ນກິລານາຫລວງ ຈະກວດໃຫ້ກັບຜູ້ມີອາຍູສູງ ແລະ ເດັກນ້ອຍ ອາຍຸຕໍ່າ ກ່ວາ 15 ປີ ທີ່ໄດ້ສໍາພັດກັບບຸກຄົນທີ່ເປັນກຸ່ມສ່ຽງ ຫລື ສໍາພັດກັບຜູ້ຕິດເຊື້ອ. ພ້ອມນີ້, ຈະກວດໃຫ້ກັບຜູ້ທີ່ມີອາການຄ້າຍຄືຜູ້ຕິດເຊື້ອພະຍາດໂຄວິດ-19 ຫາກທ່ານໃດຢູ່ໃນກຸ່ມຄົນທີ່

ໄດ້ກ່າວມານັ້ນ ສາມາດເຂົ້າໄປກວດໄດ້ທຸກວັນ ຕອນເຊົ້າ ເລີ້ມແຕ່ ເວລາ 8:30 ໂມງ-11:30 ໂມງ ແລະ ຕອນບ່າຍ ເລີ້ມແຕ່ເວລາ 13:30 ໂມງ-15:00 ໂມງ, ການກວດແມ່ນບໍ່ໄດ້ເສຍຄ່າ. ສຳລັບວັນທີ 21 ຕຸລາ 2021 ຫ້ອງວິເຄາະໂຮງໝໍແຂວງຫລວງພະບາງ ໄດ້ກວດວິເຄາະ COVID-19 ທັງໝົດ 601 ຕົວຢ່າງ, ພົບເຊື້ອທັງໝົດ 54 ກໍລະນີ, ເປັນກໍລະນີໃນຊຸມຊົນທັງໝົດ, ໃນນັ້ນ ນະຄອນຫລວງພະບາງມີ 46 ກໍລະນີ, ເມືອງງອຍ 4 ກໍລະນີ, ເມືອງນານ 2 ກໍລະນີ, ເມືອງນ້ຳບາກ 1 ກໍລະນີ ແລະ ເມືອງຊຽງເງິນ 1

ກໍລະນີ, ເຮັດໃຫ້ຕົວເລກສະສົມ ຜູ້ຕິດເຊື້ອ ຢູ່ແຂວງຫລວງພະບາງ ມາຮອດ ວັນທີ 22 ຕຸລາ 2021 ມີທັງໝົດ 2.115 ກໍລະນີ, ໃນນັ້ນເປັນກໍລະນີຊຸມຊົນ 2.061 ກໍລະນີ, ນຳເຂົ້າ 54 ກໍລະນີ, ເສຍຊີວິດສະສົມ 2 ຄົນ ແລະ ເຫັນວ່າການຕິດເຊື້ອແມ່ນລັກສະນະຄົງທີ່, ສ່ວນຜູ້ທີ່ໄດ້ຮັບການປິ່ນປົວດີມີ 890 ຄົນ, ສືບຕໍ່ປິ່ນປົວຢູ່ໂຮງໝໍແຂວງ ແລະ ໂຮງໝໍພາກສະໜາມ 1.225 ຄົນ.

ຂ່າວ: ອາພຸດເດດ ບຸບຜາ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here