17.3 C
Vientiane
ວັນພຸດ, ເດືອນທັນວາ 1, 2021

ຫ້າມຈັດງານບຸນປະເພນີ ອອກພັນສາສຳລັບບ້ານແດງ ບ້ານບໍ່ຢູ່ໃນເຂດແດງໃຫ້ເຮັດພໍເປັນພິທີ

ໃນວັນທີ​ 20​ ຕຸລາ​ 2021​ ແນວລາວສ້າງຊາດ ນະຄອນຫຼວງວຽງຈັນ ແຈ້ງອີງໃສ່ສະພາບການລະບາດຂອງພະຍາດໂຄວິດ-19 ຢູ່ພາຍໃນນະຄອນຫຼວງວຽງຈັນ ເຫັນວ່າຍັງມີກໍລະນີຜູ້ຕິດເຊື້ອໃນຊຸມຊົນເພີ່ມຂຶ້ນຫຼາຍ ຊຶ່ງມີຄວາມສ່ຽງສູງທີ່ຈະແຜ່ລະບາດໃນຊຸມຊົນ ແລະ ຂະຫຍາຍເປັນວົງກວ້າງ, ເພື່ອເປັນການເພີ່ມທະວີການປ້ອງກັນ, ພ້ອມທັງເປັນການຫຼຸດຜ່ອນຄວາມສ່ຽງທີ່ອາດຈະເກີດຂຶ້ນຕໍ່ສຸຂະພາບ ແລະ ຊີວິດຂອງປະຊາຊົນບັນດາເຜົ່າໃນທົ່ວນະຄອນຫຼວງວຽງຈັນ. ແນວລາວສ້າງຊາດ ນະຄອນຫຼວງວຽງຈັນ ຂໍແຈ້ງມາຍັງແນວລາວສ້າງຊາດ 9 ຕົວເມືອງ, ແນວລາວສ້າງຊາດບ້ານ, ພະນັກງານ-ລັດຖະກອນທະຫານ, ຕໍາຫຼວດ, ນັກທຸລະກິດ, ພໍ່ຄ້າຊາວຂາຍ ແລະ ປະຊາຊົນບັນດາເຜົ່າ ທົ່ວນະຄອນຫຼວງວຽງຈັນ ໃຫ້ປະຕິບັດ ດັ່ງນີ້:

1. ໃຫ້ເອົາໃຈໃສ່ຈັດຕັ້ງປະຕິບັດ ແຈ້ງການຂອງຄະນະສະເພາະກິດ ນະຄອນຫຼວງວຽງຈັນ, ສະບັບເລກທີ 30/ສພກ.ນວ, ລົງວັນທີ 15 ຕຸລາ 2021, ກ່ຽວກັບການສືບຕໍ່ເພີ່ມທະວີການຈັດຕັ້ງປະຕິບັດມາດຕະການປ້ອງກັນໂຄວິດ-19 ຢູ່ນະຄອນຫຼວງວຽງຈັນ ໃນໄລຍະວັນທີ 16-30 ຕຸລາ 2021 ຢ່າງເຂັ້ມງວດ.2. ວັນບຸນອອກພັນສາ ວັນທີ 21 ຕຸລາ 2021 ສໍາລັບບ້ານ/ວັດ ທີ່ບໍ່ນອນຢູ່ໃນພື້ນທີ່ສີແດງ ແມ່ນເຫັນດີໃຫ້ແຕ່ລະວັດຕັ້ງບາດ, ເຮັດພິທີທາງສາສະໜາ ດ້ວຍວິທີທີ່ບໍ່ໃຫຍ່ໂຕ, ຄົນຮ່ວມບໍ່ຫຼາຍ, ຮັກສາໄລຍະຫ່າງ, ເວລາໃສ່ບາດແລ້ວໃຫ້ລົງຢາດນໍ້າ ແລະ ກັບບ້ານເລີຍ; ການມາໃສ່ບາດ ກໍບໍ່ຄວນມາເວລາດຽວກັນ.

3. ຫ້າມຈັດງານບຸນປະເພນີ (ວັນບຸນອອກພັນສາ) ໃນວັນທີ 21 ຕຸລາ 2021 ຢູ່ບ້ານ/ວັດ ໃນພື້ນທີ່ ເຂດບ້ານແດງ ໃນນະຄອນຫຼວງວຽງຈັນ ຢ່າງເດັດຂາດ.4. ໃນພື້ນທີ່ແດງບໍ່ໃຫ້ອອກບິນທະບາດ ເພາະມີຄວາມສ່ຽງຕໍ່ການລະບາດ ນັບທັງຜູ້ຕັກ ແລະ ພຣະສົງ.5. ມອບໃຫ້ແນວລາວສ້າງຊາດ 9 ຕົວເມືອງ, ແນວລາວສ້າງຊາດບ້ານ ສົມທົບກັບອົງການປົກຄອງເມືອງບ້ານ ແລະ ການຈັດຕັ້ງກ່ຽວຂ້ອງ ທຸກພາກສ່ວນ ແຈ້ງໃຫ້ພະນັກງານ-ລັດຖະກອນ, ທະຫານ, ຕຳຫຼວດ, ນັກທຸລະກິດ, ພໍ່ຄ້າຊາວຂາຍ ແລະ ປະຊາຊົນບັນດາເຜົ່າ ທົ່ວນະຄອນຫຼວງວຽງຈັນ ຢ່າງທົ່ວເຖິງ.

6. ມອບໃຫ້ແນວລາວສ້າງຊາດ 9 ຕົວເມືອງ, ແນວລາວສ້າງຊາດບ້ານ ສົມທົບກັບ ເຈົ້າໜ້າທີ່ປ້ອງກັນຄວາມສະຫງົບຂັ້ນເມືອງ, ຂັ້ນບ້ານ ແລະ ການຈັດຕັ້ງກ່ຽວຂ້ອງ ທຸກພາກສ່ວນ ເປັນເຈົ້າການເຄື່ອນໄຫວ ຕິດຕາມ, ກວດກາ, ຖ້າພົບເຫັນມີການລະເມີດໃນການຈັດງານບຸນ ໃຫ້ເຈົ້າໜ້າທີ່ປະຕິບັດຕາມ ຄໍາສັ່ງເລກທີ 015/ຈນວ ແລະ ແຈ້ງການ ເລກທີ 30/ສພກ.ນວ ຢ່າງເຂັ້ມງວດ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here