20.3 C
Vientiane
ວັນຈັນ, ເດືອນພະຈິກ 29, 2021

ແຈ້ງການດ່ວນ ເມືອງໂພນໂຮງ ສັ່ງໂຈະໃສ່ບາດບຸນອອກພັນສາ ວັດໃດບ້ານໃດຝ່າຝືນຮັບຜິດຊອບເອງ

ດ່ວນ ໃນວັນທີ 20 ຕຸລາ 2021 ຫ້ອງວ່າການປົກຄອງ ເມືອງໂພນໂຮງ ແຂວງວຽງຈັນ ໄດ້ອອກແຈ້ງການດ່ວນ ສະບັບເລກທີ 86 ແຈ້ງເຖິງຄະນະອະທິການວັນ, ບ້ານ ແລະ ພໍ່ແມ່ປະຊາຊົນ ພາຍໃນເມືອງໂພນໂຮງ ເລື່ອງ: ການເຮັດບຸນອອກພັນສາ ປະວໍລະນາ.

ອີງຕາມ ຄໍາສັ່ງເລກທີ 15/ນຍ, ລົງວັນທີ 21 ເມສາ 2011 ວ່າດ້ວຍ: ການເພີ່ມທະວີມາດຕະການສະກັດກັ້ນຄວບຄຸມ ແລະ ກຽມຄວາມພ້ອມຮອບດ້ານເພື່ອຕ້ານພະຍາດໂຄວິດ-19; ອີງຕາມ ຄໍາສັ່ງຂອງເຈົ້າແຂວງວຽງຈັນ ປະບັບເລກ ທີ 007/ຈຂ.ວຈ, ລົງວັນທີ 22 ເມສາ 2021; ອີງຕາມ ແຈ້ງການຫ້ອງການບໍລິຫານງານ ອພສ ໂພນໂຮງ ເລກທີ 38/ອນສ, ພຮ ລົງວັນທີ 16 ຕຸລາ 2021.


ຫ້ອງວ່າການເມືອງໂພນໂຮງ ຂໍແຈ້ງການມາຍັງ ເຈົ້າຄະນະອະທິການວັດ ແລະ ອົງການປົກຄອງບ້ານຕະຫຼອດຮອດພໍ່ແມ່ປະຊາຊົນບັນດາເຜົ່າພາຍໃນເມືອງໂພນໂຮງຊາບວ່າ: ການເຮັດບຸນອອກພັນສາປະວໍລະນາ (ອອກພັນສາ) ປະຈໍາປີ 2021 ແມ່ນໃຫ້ໂຈະການຈັດຕັ້ງປະຕິບັດຕາມຫຼັກພຣະທໍາວິໄນ ( ວິທີການຕ້າບາດ ) ແລະ ຮີດຄອງປະເພນີອັນດີງາມທີ່ເຄີຍສືບທອດກັນມາ. ແຕ່ເນື່ອງຈາກວ່າ ສະພາບການແຜ່ລະບາດຂອງພະຍາດໂຄວິດ-19 ໄດ້ມີການແຜ່ລາມອອກໃນວົງກວ້າງ ເວົ້າສະເພາະກໍ່ຄື ເມືອງໂພນໂຮງຂອງພວກເຮົາ ທີ່ຍັງມີການແຜ່ລະບາດຢູ່ໃນຫຼາຍເຂດ ແລະ ຫຼາຍບ້ານ ສະນັ້ນ, ເພື່ອເປັນການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດດັ່ງກ່າວ ແມ່ນໃຫ້ບໍ່ໃຫ້ຈັດຕັ້ງພິທີ່ກໍາຢ່າງເດັດຂາດ. ກໍລະນີຖ້າຫາກວັດບ້ານໃດ ຫາກຈັດຈຶ່ງພິທີຕັກບາດ ແລະ ເກີດມີການແຜ່ລະບາດຂອງພະຍາດໂຄວິຕ-19 ພາຍໃນບ້ານນັ້ນ ແມ່ນອົງການປົກຄອງບ້ານ, ວັດບ້ານດັ່ງກ່າວ ຈະຕ້ອງເປັນຜູ້ຮັບຜິດຊອບ ແລະ ຖືກປະຕິບັດຕາມ ລະບຽບກົດຫມາຍຂອງ ສ ປ ປ ລາວ ວາງມາ.


ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ມອບໃຫ້ພາກສ່ວນກ່ຽວຂ້ອງ ລຸລ່ວງເຂດ, ວັດ ໄດ້ຮັບຊາບ ພ້ອມກັນຈັດຕັ້ງປະຕິບັດຕາມເນື້ອໃນແຈ້ງການສະບັບນີ້ຢ່າງເຂັ້ມງວດ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here