26 C
Vientiane
ວັນອາທິດ, ເດືອນພະຈິກ 28, 2021

ຂໍ້ແນະນຳ ເວລາໄປຊື້ເຄື່ອງຢູ່ຕະຫຼາດ, ຮ້ານມີນີມ໊າກ ຫຼື ຊຸບເປີມາເກັດ ເພື່ອໃຫ້ຫ່າງໄກຈາກ ໂ ຄ ວ ິ ດ

ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກ່າວໃນພິທີຖະແຫຼງຂ່າວປະຈຳວັນທີ19 ຕຸລາ 2021ວ່າ:  ໃນໄລຍະ ທີ່ມີການແຜ່ລະບາດໃນຊຸມຊົນ ການໄປຊື້ເຄື່ອງຢູ່ຕະຫຼາດ ຫຼື ຮ້ານມີນີມ໊າກ ຫຼື ຊຸບເປີມາເກັດ ເປັນອີກຈຸດສ່ຽງໜຶ່ງ ທີ່ທ່ານຕ້ອງພິຈາລະນາກອ່ນເຂົ້າໄປໃນສະຖານທີ່ນີ້ ຄື: ຖ້າຕະຫຼາດແຫ່ງນີ້ ມີຄົນແອອັດ ຄົນຊື້-ຄົນຂາຍຫຼາຍ ຈົນບໍ່ສາມາດແຍກຫ່າງເກີນ 1 ແມັດໄດ້ ຫຼື ຖ້າເປັນຮ້ານມີນີມ໊າກ ຫຼື ຊຸບເປີມາເກັດແບບປິດປະຕູ ເປີດແອ ກໍ່ເປັນຈຸດສ່ຽງໜຶ່ງ ທີ່ທ່ານຄວນຫຼີກເວັ້ນ ເນື່ອງຈາກອາກາດໃນສະຖານທີ່ແຫ່ງນັ້ນບໍ່ໄຫລວຽນ ກໍ່ໃຫ້ເກີດຄວາມສ່ຽງສູງໃນການຕິດເຊື້ອໄດ້.

ເມື່ອທ່ານໝັ້ນໃຈວ່າສາມາດປ້ອງກັນໄດ້ດີ ໃນຈຸດຊື້ຂາຍແຫ່ງນີ້ ຂໍໃຫ້ທ່ານປະຕິບັດເຊັ່ນນີ້:
1.ລ້າງມືໃຫ້ສະອາດ ໃສ່ຜ້າປິດປາກ-ດັງ ຈາກນັ້ນກຽມເງິນໃນມືຂອງທ່ານໃຫ້ພ້ອມ ເພື່ອຫຼີກເວັ້ນການຢີບຈັບເຄື່ອງແລ້ວ ມາຈັບກະເປົາເງິນໃນຖົງ ຫຼື ໃນກະເປົາອີກ
2. ຖ້າທ່ານຕ້ອງໃຊ້ເງີນ ແບບໂອນຈ່າຍຜ່ານບັດເອທີເອັມ ຫຼື ລະບົບ One pay ໃນໂທລະສັບ ທ່ານຄວນກຽມບັດ ຫຼື ໂທລະສັບໃຫ້ພ້ອມໃນມື, ໂທລະສັບຄວນໃສ່ໃນຖົງຢາງໃສ ເພື່ອຫຼີກເວັ້ນການສໍາພັດໂທລະສັບໂດຍກົງ.


3. ການເລືອກຊື້ເຄື່ອງ ຄວນຫຼີກເວັ້ນການສໍາພັດຈັບບາຍເຄື່ອງທຸກຢ່າງ ແຕ່ຈົ່ງເລືອກຈັບບາຍ ແຕ່ສິ່ງທີ່ທ່ານມັກທີ່ສຸດເທົ່ານັ້ນ
4. ຮັບປະກັນຢູ່ຫ່າງຈາກຜູ້ຂາຍ ຫຼື ລູກຄ້າຄົນອື່ນ ຢ່າງໜ້ອຍ 1 ແມັດຂຶ້ນໄປ ຫຼື ຈຸດທີ່ທ່ານຢາກຊື້ ຍັງມີຄົນຫຼາຍ ກໍຄວນລໍຖ້າ ເພື່ອຮັບປະກັນຕໍ່ສຸຂະພາບທ່ານເອງ ແລະ ຄົນອື່ນດ້ວຍ.


5. ດີທີ່ສຸດ ກຽມຖົງໃສ່ເຄື່ອງຂອງຕົນເອງມາແຕ່ເຮືອນ, ແຕ່ຖ້າຕ້ອງເອົາຖົງຢາງມາຈາກຮ້ານ ຫຼື ຕະຫຼາດ ທ່ານຄວນຂ້າເຊື້ອ ຈຸດຫູຫິ້ວຂອງຖົງ ດ້ວຍການຜົ່ນເຫຼົ້າຂ້າເຊື້ອ ກ່ອນເອົາເຂົ້າເຮືອນ ແຕ່ຄວນລະວັງ ບໍ່ໃຫ້ການສີດຜົ່ນເຫຼົ້າຂ້າເຊື້ອ ຖືກອາຫານໂດຍກົງ.
6. ເມື່ອເກັບມ້ຽນອາຫານທີ່ຊື້ມາແລ້ວ ຄວນໄດ້ລ້າງມືໃສ່ສະບູໃຫ້ສະອາດດີອີກຄັ້ງ


7. ສ່ວນອາຫານທີ່ຊື້ມາຈາກຕະຫຼາດ ຄວນປຸງແຕ່ງໃຫ້ສຸກດີ ຫຼື ອຸ່ນຮ້ອນກ່ອນຈຶ່ງກິນ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here