26 C
Vientiane
ວັນອາທິດ, ເດືອນພະຈິກ 28, 2021

ພໍ່ຕູ້ຊາວບອສເນຍສ້າງເຮືອນໝູນ 360 ອົງສາເອົາໃຈເມຍຢາກປ່ຽນວິວແຕ່ລະມື້

ໂວລິນ ຄູຊິກ ຊາຍຊະລາ ໄວ 72 ປີ ທີ່ອາໄສຢູ່ປະເທດ ບອສເນຍ ໄດ້ຄິດຄົ້ນໄອເດຍໃໝ່ເພື່ອເອົາໃຈເມຍຮັກ ດ້ວຍການສ້າງເຮືອນໝູນໄດ້ 360 ອົງສາ ພາຍຫຼັງຜູ້ເປັນເມຍມັກຈົ່ມບໍ່ພໍໃຈເລື່ອງວິວເຮືອນຫຼັງເກົ່າ ພ້ອມຢາກມີເຮືອນທີ່ສາມາດປ່ຽນວິວໄດ້ແບບບໍ່ຊໍ້າກັນ.

ເຮືອນໝູນໄດ້ 360 ອົງສາໄດ້ຮັບການສ້າງຂຶ້ນໃນຮູບແບບເຮືອນສີຂຽວ, ຫຼັງຄາສີແດງ ພື້ນເຮືອນຕິດດ້ວຍມໍເຕີໄຟຟ້າ ໂດຍນຳໃຊ້ກົງລໍ້ເກົ່າຂອງລົດທະຫານມາເຮັດເປັນເຟືອງໝູນ ເຊິ່ງເຮືອນຫຼັງນີ້ສາມາດປັບລະດັບຄວາມໄວໃນການໝູນໄດ້ ໂດຍການໝູນຄົບຮອບດ້ວຍຄວາມໄວສູງສຸດໃຊ້ເວລາພຽງ 22 ວິນາທີເທົ່ານັ້ນ.

ໂວລິນ ຄູຊິກ ກ່າວວ່າ ຕົນບໍ່ໄດ້ຮຽນຈົບສາຂາໃດໆທີ່ກ່ຽວຂ້ອງກັບການກໍ່ສ້າງ ທັງຍັງບໍ່ເຄີຍເຂົ້າຮຽນໃນລະດັບມະຫາວິທະຍາໄລ ແຕ່ໄອເດຍດັ່ງກ່າວເກີດຂຶ້ນພຽງເພື່ອຢາກເຮັດໃຫ້ຜູ້ເປັນເມຍມີຄວາມສຸກ ໂດຍອາໄສປະສົບການທີ່ມີ ເຊິ່ງເຮືອນຫຼັງດັ່ງກ່າວສາມາດໝູນໄປຕາມທິດທີ່ຕົນຕ້ອງການໄດ້.
ຂໍ້ມູນຈາກ: ເວັບໄຊMirror

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here