14.6 C
Vientiane
ວັນພະຫັດ, ເດືອນທັນວາ 2, 2021

ແຊໄວ້ເລີຍ ເມື່ອທ່ານປິ່ນປົວຫາຍດີຈາກພະຍາດ ໂ ຄ ວ ິ ດ-19 ແລ້ວ ສິ່ງທີ່ທ່ານຄວນປະຕິບັດດັ່ງນີ້

ທ່ານ ນາງ ດຣ. ບົວຜັນ ຄຳພາພົງຜ່ານ ຮອງຫົວໜ້າສູນວິເຄາະ ແລະ ລະບາດວິທະຍາ, ກະຊວງສາທາລະນະສຸກ ແນະນໍາວ່າ ເມື່ອທ່ານປິ່ນປົວຫາຍດີຈາກພະຍາດໂຄວິດ-19 ແລ້ວ ສິ່ງທີ່ທ່ານຄວນປະຕິບັດຕົນ ເພື່ອຟື້ນຟູຮ່າງກາຍ ຊື່ງມີລາຍລະອຽດດັ່ງນີ້1 ກັກຕົວເອງຕື່ມຢູ່ເຮືອນ ກ່ອນທີ່ຈະຮ່ວມກິດຈະກໍາກັບຄອບຄົວ ຢ່າງໜ້ອຍ 2 ອາທິດ ເພື່ອແນ່ໃຈວ່າ ຮ່າງກາຍຂອງທ່ານປອດເຊື້ອ ແລະ ບໍ່ມີອາການຫຍັງອີກ.

2 ຟື້ນຟູຮ່າງກາຍ ໂດຍການອອກກໍາລັງທຸກວັນ ຕໍ່ເນື່ອງ ຢ່າງໜ້ອຍ ມື້ລະ 30 ນາທີ. ພິເສດ ສໍາລັບຄົນເຈັບທີ່ອາການທາງປອດ ຫຼື ມີອາການຮຸນແຮງ ເມື່ອປົວດີແລ້ວ ອາດມີອາການອື່ນທີ່ເປັນຜົນກະທົບຈາກພະຍາດໂຄວິດ 19 ສະນັ້ນຄົນກຸ່ມນີ້ ຍິ່ງຕ້ອງໄດ້ອອກກໍາລັງກາຍທຸກວັນ ຕໍ່ເນື່ອງໃນໄລຍະ ຟັກຟື້ນຢູ່ເຮືອນ ຕາມຄວາມສາມາດຂອງຜູ້ກ່ຽວ ແລະ ພາຍໃຕ້ການດູແລຂອງສະມາຊິກໃນຄອບຄົວ.

ເນື່ອງຈາກ ຄົນເຈັບທີ່ມີອາການປານກາງ ເຖິງຮຸນແຮງນັ້ນ ນອກພັກຍາວໃນເວລາປິ່ນປົວ ຫຼື ມີການໃຊ້ອົກຊີໃນໄລຍະດົນສົມຄວນ ເຮັດໃຫ້ກ້າມຊີ້ນແຂນຂາ ແລະ ກ້າມຊີ້ນເພື່ອຊ່ວຍຫາຍໃຈ ລີບຫ່ຽວ ອ່ອນແຮງ ສໍາຄັນໄປກວ່ານັ້ນ ຜູ້ທີ່ອາການລົງປອດ ອາດເຮັດໃຫ້ປອດຫົດລີບ ເຖິງວ່າໄດ້ປີ່ນປົວດີ ອອກໂຮງໝໍແລ້ວ ແຕ່ຜູ້ກ່ຽວຍັງອິດເມື່ອຍ ບໍ່ມີແຮງ ກິນບໍ່ແຊບ.

3 ຕ້ອງໄດ້ອອກກໍາລັງກາຍ ດ້ວຍສອງວິທີຄື ຍ່າງຕໍ່ເນື່ອງຫຼື ເຕັ້ນ ຫຼື ແລ່ນກັບທີ່ ເບົາໆ ເພື່ອເຮັດໃຫ້ຫົວໃຈເຕັ້ນແຮງຂື້ນຕໍ່ເນື່ອງ. ອີກວິທີໜຶ່ງ ທ່ານຄວນອອກກໍາລັງກາຍຂາ ເພື່ອໃຫ້ຂາແຂງແຮງ ແລະ ສາມາດສົ່ງເລືອດທີ່ມີອົກຊີເຢັນໄປລ້ຽງສະໝອງໃຫ້ຫຼາຍທີ່ສຸດ.

ນອກນັ້ນ, ຕ້ອງໄດ້ອອກກໍາລັງກາຍປອດ ໂດຍການຫາຍໃຈເຂົ້າເລີກໆ ກັ້ນໄວ້ 5 ວິນາທີ (ນັບ 1 ເຖິງ 5) ຈາກນັ້ນ ຄ່ອຍຫາຍໃຈອອກຊ້າໆ ເພື່ອເຮັດໃຫ້ອົກຊີໄຫລວຽນໃນປອດ ແລະ ເຮັດໃຫ້ປອດຍະຕື່ງອອກ. ວິທີນີ້ ແມ່ນເໝາະກັບຄົນເຈັບຂັ້ນຮ້າຍແຮງ ທີ່ໄດ້ປິ່ນປົວດີແລ້ວ. ເຮັດຈິດໃຈໃຫ້ສະຫງົບ ບໍ່ເຄັ່ງຕຶງ ແລະ ນອນພັກຜ່ອນໃຫ້ພຽງພໍ

4 ກິນອາຫານຄົບ 5 ໝວດ ແລະ ກິນພວກທາດຊີ້ນເພີ່ມຫຼາຍ ໂດຍສະເພາະປາ ຫຼື ພືດປະເພດຖົ່ວ ເພາະໄລຍະທີ່ເຈັບປ່ວຍນອນໂຮງໝໍ ຮ່າງກາຍອ່ອນແອ ແລະ ຕ້ອງການທາດຊີ້ນ ເພື່ອມາສ້ອມແຊມຮ່າງກາຍຄືນໃໝ່.

5 ສໍາລັບຜູ້ທີ່ປີ່ນປົວດີແລ້ວທີ່ບໍ່ທັນໄດ້ສັກວັກຊິນ ຫຼື ສັກບໍ່ທັນຄົບ ແມ່ນໃຫ້ໄປສັກວັກຊິນ ຫຼັງຈາກປິ່ນປົວດີແລ້ວ ຊຶ່ງແພດໝໍຈະໄດ້ແນະນໍາທ່ານ ວ່າເມື່ອໃດທ່ານຄວນສັກວັກຊິນ ເພື່ອເສີມໃຫ້ຮ່າງກາຍມີພູມຄຸ້ມກັນສູງ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here